Tushimpi 18:14 - Baibo Busansulushi Bwa Libuku Ili

¹⁴ Moyo wa muntu ulamucafwa mukuciswa, sombi wa muntu ufwite taaku nceenga wacafwa.

Tushimpi 18:14 Marejeleo ya Msalaba

Jobo 6:4

Mifwi yakwe Lesa Shinkusu shoonse ilinjasite. Bukali bwa njiyo butokweendeenda mumubili. Shintu shiyoosha shakwe Lesa sheelekwa kuli ndime.

Kulumbaisha 109:22

Nebo ndi mukandu alimwi taaku mboombete. Moyo wangu ulicisitwe abuumbi.

Kulumbaisha 147:3

Ngooyumyayumya myoyo ityongookite akwaanga shilonda shabo.

Kulumbaisha 55:3

Shitokwaamba balwani bangu pali ndime shanenga boowa. Ndatentuka kukulyatililwa kubamucita shibi. Ncakwiila balandetela mapensho anene. Batookalala pali ndime cakutaboolawo pesule.

Kulumbaisha 55:5

Boowa akututuma shili pali ndime. Ncakwiila ndatentuka abuumbi kuboowa.

Kulonga 6:9

Mose wakalwiita bene Isilaeli makani aya, sombi tabakwe kumunyumfwila, ceebo bakalinga kuungumene mumyoyo mukwiinga wa milimo iyumu ya busha njebakalinga kusebensa.

Tushimpi 15:13

Na muntu ulisangalete ulasekaseka, sombi na moyo wakwe waciswa, uloongumana.

Tushimpi 17:22

Moyo usangalete ngu musamu ubotu kumubili, sombi kuungumana kulaletela kucisa mumafuwa.

2 Bene Kolinto 1:12

Ono kuli cintu comwi ncetukonsha kulilumbaishilaawo. Tulishi cakutatonsha ayi koonse koonse twakalinga kulilemeka cakubula kampenda akushomeka kweelana abuyanda Lesa, bunene bunene pakati kanu. Tetwakalinga kutanjililwa abusongo bwabuntu, sombi nkusu sha luse lwakwe Lesa.

2 Bene Kolinto 2:7

Ono bulya mulyeelete kumulekelela akumuyumyayumya kwaamba ayi atoongumani bunene.

Jemusi 1:2

Nobamakwesu, kamusangalala abuumbi na mwashikilwa mapensho apusenepusene,

1 Pita 1:6

Ono amusangalale pashintu ishi shoonse, nakubi kwaamba ayi cilayandika kuungumana kwa ciindi ciniini ceebo ca masunko apusenepusene ngomutokwiindaamo,