Tushimpi 16:33 - Baibo Busansulushi Bwa Libuku Ili

³³ Cisolo ciloomwa abantu, sombi Mwaami Lesa ngoopa bukumbulo.

Tushimpi 16:33 Marejeleo ya Msalaba

Neyemiya 11:1

Lyalo bamatanjilili bakekala muJelusalemu. Ono bantu bamwi bakooma cisolo kusala ŋanda yomwi pamaanda ali likumi kwaamba ayi bamuŋanda iyo bekale muJelusalemu, ndabala inene isalalite. Bamwi boonse bakalinga kweelete kwikala mumandabalaabo beene.

Tushimpi 16:32

Ncintu cibotu kuba acaamba cishiite kwiinda kuba shilumamba ucibwene kulwana. Ncibotu kuba muntu ulicata na wakalala kwiinda wooyo wakoma ndabala inene yoonse.

Tushimpi 18:18

Kuuma cisolo nkokusutula kupikishanya alimwi nkokupansaanya beshikupikishanya.

Tushimpi 29:26

Baanji balisuni ayi muleli abanyumfwile nkumbu, sombi koombolosha kululeme kulaswabo kuMwaami Lesa.

Esekelo 21:21

Ceebo mwaami wa bene Babiloni ulaakwiimikana papansaanina mikwakwa apo akuuma cisolo kwaamba ayi eshibe mukwakwa ngweshi atole. Ulaakusebensesha mifwi kuuma cisolo ico, ulaakwiipusha shibumbwabumbwa akulangalanga kulini lya mulambu wakabengwa kuli nshisho.

Bene Lefi 16:8

Uko nkomunya ulaakuuma cisolo kwiinda mukusebensesha mabwe obilo, limwi lya Mwaami Lesa, limwi lyakwe Asaselo, shikaswa.

Jona 1:7

Kuswawaawo beshikweensha bwaato bakalyaamboosha ayi, “Atuume cisolo ayi tubone waleta mapensho aya.” Mpeeke bakacita bweenkoobo, lyalo cakawita Jona.

Milimo ya Batumwi 1:26

Ndibakamana kupaila, bakooma cisolo, kucana cawita Matiyasi. Mpeeke wakaba mulikoto lya batumwi bali likumi awomwi.

Joshuwa 18:10

Lyalo Joshuwa wakooma cisolo mukubeepushishaako kuMwaami Lesa. Mpomunyaawo cishi ico wakacibaanya bene Isilaeli bakacaalaawo kweelana amikowa yabo.

Joshuwa 18:5

Mulyeelete kwaabanya cishi mushipansha shili shosanwe ashobilo. Bene Juda balyeelete kucaala mweenka mucishi cabo kulubasu lwakumalenge, abalo bamulunyungu lwakwe Josefu mucishi cabo ca kulubasu lwakumatwa.

Joshuwa 7:14

Bwaakuca macuunsa bakese kunembo lyangu mukowa amukowa. Mukowa nebo neMwaami Lesa ngweshi nkasaale, ulyeelete kwisa cipani acipani. Cipani acalo nceshi nkasaale, cilyeelete kwisa ŋanda aŋanda. Ono ŋanda iyo nebo neMwaami Lesa njeshi nkasaale, ilyeelete kwisa muntu amuntu.

Boomboloshi 20:9

Ono mbweshi tucite mbulya. Tutokuuma cisolo kwaamba ayi tubone beshi baye mukulwana Gibiya.

1 Samwelo 10:19

Ndime Lesa wanu, uyo eenka umufuna kuswa kumapensho amakatasho anu. Ono sunu mwankaaka akusenga ayi mupe mwaami. Ncibotu, amubungane pameenso angu neMwaami Lesa mumukowa amukowa, cipani acipani.’ ”