Tushimpi 16:27 - Baibo Busansulushi Bwa Libuku Ili

²⁷ Muntu utaaku mbwaabete ulapanga miyeeyo yakucisa babye, aalo maswi akwe alibo anga ngumulilo ukali.

Tushimpi 16:27 Marejeleo ya Msalaba

2 Samwelo 20:1

Ono muGilugala mwakalinga cikwapululwa ca muntu wiitwa ayi Sheba mwanaakwe Bikili wamumukowa wakwe Benjameni. Sheba uyo wakalisha lupeenga akoolobesha ayi, “Taaku ceesu kuli Defedi, Tatubeteeko lubasu kumwanaakwe Jese! Nobene Isilaeli, musankwa womwi awomwi aaboolele kuŋanda yakwe!”

Kulumbaisha 57:4

Ndishingulukitwe abalwani abo bakali anga ninkalamu shiluma bantu. Meeno abo ali anga ngamasumo amifwi ayalo milaka yabo ilayasabo anga njimipeeni ikolete.

Tushimpi 16:26

Nsala ilalengesha musebenshi kusebensa cankusu ceebo ulisuni kukuta akumana nsala yakwe iyo.

Tushimpi 16:28

Muntu mubiibi ulaleta kwaambana. Kufuya kulapansaanya beshicibusa.

Tushimpi 16:30

Uyo woonse ukamina kumeenso, ingayi utookakatila kubeca. Uyo woonse ushundumika mulomo, ingayi mucaamba cakwe muli muyeeyo ubiibi.

Tushimpi 19:28

Kamboni mubiibi ulacobola koombolosha kululeme. Mulomo wa mucita shibi ulamina bubi.

Tushimpi 2:4

Koshiyandoola cankusu bweenka mbooyandoola silifa, ee, koshiyandoola bweenka mbooyandoola buboni bushisitwe.

Tushimpi 6:12

Bantu bataaku mbobabete batanyumfwi balaya bweendeenda kuya bubeca.

Tushimpi 6:14

Balayeeya bubi mubumpele bwabo nkokwaamba ayi balo mbeshikubalamuna makatasho ciindi coonse.

Isaya 5:18

Mapensho kubaabo batola shibiibi shabo antaambo sha bubeshi. Balatola bubi bweenka mbuli bakweela shikoci antaambo.

Abakuku 2:13

Mwaami Lesa Shinkusu shoonse washinisha kwaamba ayi kusebensa kwa bantu kuli anga ninkuni shakusonselesha mulilo, ncakwiila bantu ba mishobo yoonse balilemyabo cakubula mpindu.

Jemusi 3:6

Awalo mulaka uli anga ngumulilo. Uli anga ncishi ca bubi pakati ka shipansha shoonse sha mubili. Mulaka uyu ulalengesha mubili woonse abwikaalo bwa muntu kubica. Mulilo wa nguwo ulaswa kuli Satana kumusena wa bafu.

1 Samwelo 25:17

Bulya ndaamba ayi mwishibe cikani ico akwaamba ayi muyeeye mbomweelete kucita, mukwiinga pamwaami wesu abamuŋanda yakwe boonse inga pacitika cilensha boowa. Cibiibi ncakwaamba ayi mwaami wesu ngushicimpamya alimwi taalwiitikwa.”