Tushimpi 15:28 - Baibo Busansulushi Bwa Libuku Ili

²⁸ Muntu ululeme ulayeeya kaatana kukumbula, sombi mulomo wa mucita shibi ulakumbulabo cakubwa.

Tushimpi 15:28 Marejeleo ya Msalaba

Kulumbaisha 59:7

Amunyumfwe shitooswa mumilomo yabo, Ncakwiila balaamba maswi ayasa anga njimipeeni. Beene balalibeca ayi, “Taaku weenga watunyumfwa.”

Tushimpi 10:19

Apo paambwa maswi aanji tapabulilili kubisha, sombi uyo uumuna ngumusongo.

Tushimpi 10:32

Mulomo wa muntu ululeme ulishi ceelete kwaambikwa, sombi mulomo wa mucita shibi ulishibo kwaamba shibiibi.

Tushimpi 13:16

Muntu ucenjete ulataanguna kuyeeya katana kucita cintu cili coonse, sombi baluya balaambabo caambaambe.

Tushimpi 15:2

Musongo ulaamba shipa lushibo, sombi muluya ulaambabo shintu shitacite ncito.

Tushimpi 16:23

Musongo ulayeeya kaatana kwaamba. Nshaamba shilalengesha kusuna kukutika.

Tushimpi 29:11

Muluya ulatondesha bukali bwakwe boonse, sombi musongo lakwe ulalicata na wakalala.

Tushimpi 29:20

Muntu wiingana kwaamba ngumuluya kwiinda muluya wiinda pabaluya boonse.

Shikushimikila 5:2

Mutanoofwambaana kwaamba nabi kushomesha cakufwambaana kuli Lesa. Lesa uli kwiculu mwebo muli pacishi ca panshi. Aboobo maswi akwaamba kaaceya.

Shikushimikila 5:6

Utasuminishi mulomo wako kukunjisha mucibiibi. Utaambili mupailishi ayi, “Ndakalubisha kushomesha cakulumbila.” Ceebonshi ulisuni ayi Lesa akakalale pashintu nshewaamba akunyonyoola milimo ya maansaako?

Mateyo 12:34

Mwebo nobana bansoka! Ino inga mwaamba buyani shintu shibotu mwebo nobeene kamuli babiibi? Mukwiinga muntu ulaamba ciswite mumoyo wakwe.

1 Pita 3:15

Sombi mumyoyo yanu kamulemeka Klistu mukwiinga ngoMwaami wanu. Munoolibambite lyoonse kusansulwita muntu uli woonse weenga wamwiipusha pakulangila nkomucite, sombi kamusansulula cakulibombya alimwi akumulemeka.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.