Tushimpi 14:29 - Baibo Busansulushi Bwa Libuku Ili

²⁹ Muntu ushiite caamba ulatondesha ayi ulicite maano akunyumfwisha shintu, sombi muntu ucite kamoyo kaniini ulalitondeshabo buluya.

Tushimpi 14:29 Marejeleo ya Msalaba

Jemusi 1:19

Nobamakwesu basunikwi, kamwiibaluka ayi mulyeelete kuba bantu bafwambaana kukutika, bacelwa kwaamba alimwi akukalala.

Shikushimikila 7:9

Utafwambaani kukalala mumoyo wako ceebo bukali bulacanwa kubaluya.

Tushimpi 14:17

Muntu ucite kamoyo kaniini ulacita shintu shabuluya. Taaku muntu usuni mubeshi.

Tushimpi 15:18

Muntu ucite kamoyo kaniini ulabusha kwaambana, sombi ushiite caamba ulaleta luumuno.

Tushimpi 19:11

Muntu ucata caamba ngumusongo, kusuula shilubo nshaacitilwa kulamuletela bulemu.

Tushimpi 16:32

Ncintu cibotu kuba acaamba cishiite kwiinda kuba shilumamba ucibwene kulwana. Ncibotu kuba muntu ulicata na wakalala kwiinda wooyo wakoma ndabala inene yoonse.

Tushimpi 25:28

Muntu ulya utakoonshi kulicata, uli anga nindabala icite lubumbu lumwaikite.

Shakubelenga 12:3

Mose wakalinga muntu shikuliceesha kwiinda muntu uli woonse mucishi ca panshi.

Mateyo 11:29

Amulipatike lijoko lyangu, mwiiye kuli ndime ceebo nebo ndimoote alimwi ndimubombu mumoyo. Paceebo ceeco, mulaakucana kookesha mumyoyo yanu.

Shikushimikila 10:6

Baluya ulababika mumisena yapeculu, sombi babile ulababoosha panshi peene.

Tushimpi 25:8

utafwambaani kushitola kunkuta ceebo taaku mbweenga wacita kumeelelesho na shimukobonyoko umwi wakushinina akukulensha nsoni.

Tushimpi 4:8

Suna busongo, abwalo bulaakukusumpula. Bukakatile, lyalo bulaakukuletela bulemu.

Mateyo 2:16

Ono Elodi ndyaakabona ayi bamwiinda kumaano bantu balya basongo, wakakalala abuumbi. Lyalo wakatuma bantu ayi baye bakacaye baana basankwa boonse muBetileemu alimwi amumisena yakalinga kushingulukite, abo bakalinga kucite myaaka yobilo kuboola panshi. Wakapima myaaka iyo kweelana aciindi nceyakaboneka nyenyeenshi mbuli mbobakamulwiita basongo.

Tushimpi 14:28

Bulemu bwa mwaami buli mukufula kwa bantu bakwe, sombi na muleli taacite bantu mucishi cakwe, taaku mbwaabete.

Tushimpi 17:27

Muntu ucite lushibo taabwekibweki, alakwe ucite maano akunyumfwisha shintu ulacata caamba.

Shikushimikila 7:8

Kumana kwa cintu cili coonse nkubotu kwiinda matalikilo a ncico. Kukomenya moyo nkubotu kwiinda kulisumpula.