Tushimpi 14:22 - Baibo Busansulushi Bwa Libuku Ili

²² Sa bantu bayeeya kucita shibiibi tabasowekete? Sombi abo bayeeya shintu shibotu balacana lusuno abulemu.

Tushimpi 14:22 Marejeleo ya Msalaba

Matalikilo 24:27

Lyalo wakaamba ayi, “Aalumbwe Mwaami Lesa, Lesa wa baami bangu baAbulaamu, abo bashomeka akucita kweelana ambobakabashomesha. Mwaami Lesa wantanjilila akundulika kubeshikamukowa ba baami bangu.”

2 Makani 6:8

Sombi Mwaami Lesa wakaambila bata ayi, ‘Wakalulika kubamba muyeeyo wakunjakila ŋanda,

Kulumbaisha 25:10

Nshila sha Mwaami Lesa nsha lusuno alimwi nsha kushomeka. Ncakwiila ulashomeka kubaabo bakonkela cipangano amilasho yakwe.

Kulumbaisha 36:4

Balo nabi balilete pabulo mulimo wabo nkupanga miyeeyo ibiibi. Taaku cintu cibotu nabi comwi ncebacita, alimwi taaku cintu cibiibi cili coonse ncebakakaawo.

Kulumbaisha 61:7

Kaalelabo lyoonse pameenso anu nobaLesa. Amumufuune kwiinda mulusuno lutamaani alimwi akushomeka kwanu.

Tushimpi 12:2

Mwaami Lesa ulanyumfwila nkumbu muntu kabotu, sombi ulashingana baabo bapanga miyeeyo ya bubi.

Tushimpi 12:26

Muntu ululeme ulatondesha babye nshila ibotu, sombi mucita shibi ulabalubya.

Tushimpi 14:17

Muntu ucite kamoyo kaniini ulacita shintu shabuluya. Taaku muntu usuni mubeshi.

Tushimpi 14:23

Kusebensa cankusu nkokuleta mpindu, sombi kwaambabo akutandabala kulapa bukandu.

Tushimpi 19:22

Cintu cinene ciyandika kumuntu nkushomeka. Anu kuba mukandu ncibotu kwiinda kuba mubeshi.

Tushimpi 24:8

Uyo upanga miyeeyo yakucita bubi, balamwiita ayi ngushishimfulunganya.

Tushimpi 3:29

Utayeeyi kucitila mubyo cintu nceenga camucisa mukwiinga ulekala pafwaafwi awebo alimwi ulakushoma.

Tushimpi 3:3

Utakasuminishi lusuno akushomeka kwaamba ayi shikushiiye. Ulyeelete kushifwala lyoonse anga mbulungu bwa munshingo, ncakwiila ulyeelete kushilemba mumoyo wako.

Tushimpi 6:14

Balayeeya bubi mubumpele bwabo nkokwaamba ayi balo mbeshikubalamuna makatasho ciindi coonse.

Mika 2:1

Mapensho kuli baabo beshikuyeeya shibiibi, abaabo bapinga kucita shibiibi nabi kabalete! Na bwaca macuunsa balacita shibiibi nshebayeeya mukwiinga balakonsha kushicita.

Mateyo 5:7

“Balicite coolwe abo balekelela babyaabo, mukwiinga Lesa ulaakubalekelela abalo.

Joni 1:17

Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu.

Joshuwa 2:14

Basankwa abo bobilo bakamwaambila ayi, “Na tukabule kucita kweelana mbotwaamba, ncibotu Mwaami Lesa akacaye ndiswe! Na awebo ukabule kwaamba nshetutoocita, tulaakushomeka akukunyumfwila nkumbu na Mwaami Lesa akatupe cishi cino.”