27 Muntu mutolo teshi akacane nshaasuni, sombi muntu usebensa cankusu ulacana buboni buunji.
Buboni buniini bwa muntu ululeme buleenda bwa bamucita shibi boonse.
Maansa atolo alaletela bukandu, sombi maansa acabeene kumilimo alabilisha.
Muntu ululeme ulatondesha babye nshila ibotu, sombi mucita shibi ulabalubya.
Mutolo nabi wasuna buyani kuba acintu cimwi, taacicaani, sombi uyo usebensa cankusu ulacana shintu shoonse nshaasuni.
Ncintu cibotu kuba abuboni buunji na kooloonda Mwaami Lesa kwiinda kuba mubile uyo uli mumapensho.
Ncintu cibotu kuba abuboni buniini bwakucanina munshila iluleme kwiinda kuba abuboni buunji bwakucanina munshila yakutashomeka.
Ono na ulisusukite, ncibotu kuteengana kulya.
Bweenka cisasa mboceenshekwa cakutaswa nkocicata mbweeke ubo mutolo mbwaasalooka pabulo bwakwe cakutaswaawo.
Bamwi bantu mbatolo cakufwa, cakwaamba ayi balaalilwa akulilisha.