Tushimpi 10:28 - Baibo Busansulushi Bwa Libuku Ili

²⁸ Kulangila kwa baluleme kulabaletela kusangalala, sombi shilangila bamucita shibi tashicitiki.

Tushimpi 10:28 Marejeleo ya Msalaba

Jobo 11:20

Sombi bamucita shibi balaakulemabo kulangoola lucafwo, teshi bakabeewo amusena wakulobokelaako. Nceshi bakanoolindilabo nkutula moyo.”

Jobo 8:13

Mbweeke ubo mbocibete kubantu baluba Lesa. Mbweeke ubo kulangila kwa bantu bateshi Lesa mbokuloba.

Kulumbaisha 112:10

Muntu mubiibi ulaakushibona akukalala. Ulaakulumanya meeno akuya cinyanga tibili wafwa. Kulangila kwakwe teshi kukacitikeewo.

Kulumbaisha 16:9

Paceebo ceeci moyo wangu wakondwa abuumbi, alimwi ndisangalete abuumbi bulya ndintokwaamba. Awalo mubili wangu wa buntu ulaakookesha muluumuno,

Kulumbaisha 68:4

Amwiimbile Lesa, mwiimbe nyimbo shakulumbaisha liina lyakwe. Amwiimbishe kulumbaisha wooyo weendela pamakumbi, liina lyakwe nguMwaami Lesa, amusangalale pameenso akwe!

Tushimpi 11:23

Miyeeyo ya muntu ululeme ilatola kushibotu, sombi kulangila kwa mucita shibi kuleela mubukali bwakwe Lesa.

Tushimpi 11:7

Na mucita shibi wafwa, kulangila kwakwe koonse kulafwa. Ncakwiila kulangila kwakwe mububoni bwakwe kuleela cakubula mpindu.

Tushimpi 14:32

Mucita shibi ulanyonyoolwa ceebo ca shibiibi shakwe, sombi ululeme ulicite kwakuyuba ceebo cakushomeka kwakwe.

Tushimpi 29:6

Mucita shibi ulacatwa mushibiibi shakwe mwiine, sombi ululeme uleembabo akusangalala.

Bene Loma 12:12

Mulyeelete kunoosangalala ceebo ca ceeco ncemutoolangila, amukalike myoyo muciindi ca makatasho alimwi munoopaila lyoonse.

Bene Loma 15:13

Ndaseenga ayi Lesa uyo ulengesha ayi munoolangila asushe kusangalala kwancinencine mumyoyo yanu alimwi aluumuno kwiinda mulushomo ndomucite muli Jesu. Nkusu sha Mushimu Usalashi shinooyumya kulangila kwanu.

Bene Loma 5:2

Mwaami wesu uyu ngowakatucalwita nshila kwiinda mulushomo kwaamba ayi Lesa atucitile luse ulo ndotubeteemo abobulya. Aboobo tulasangalala mukwiinga tulashoma ayi tulaakutambula shipo sha mubulemu bwakwe Lesa.

2 Bene Tesalonika 2:16

Ono Mwaami wesu Jesu Klistu aLesa Ishiwesu uyo wakatusuna, kutuyumyayumya mumyoyo akutupa kulangila kutamaani kwiinda muluse lwakwe,