Tushimpi 1:33 - Baibo Busansulushi Bwa Libuku Ili

³³ Sombi abo boonse banyumfwila ndime, balekala kwakubula cakulisukama. Balekala muluumuno kwakubula cakuloonda nabi comwi.”

Tushimpi 1:33 Marejeleo ya Msalaba

Jobo 36:11

Na banyumfwila Lesa akumusebensela, balaakwikala muluumuno akuswitilila mubuumi bwabo boonse.

Kulumbaisha 81:13

Nobantu bangu, nimwankutika, nobene Isilaeli nimwanyumfwila,

Tushimpi 12:21

Taakuuwo makatasho apolela muntu ululeme, sombi bamucita shibi balatambula mapensho lyoonsebo.

Tushimpi 14:26

Uyo woonse uloonda Mwaami Lesa ulicite kwakuyuba. Ndushinisho ulicite kwakuyuba uko bana bakwe nkweshi bakacicile.

Tushimpi 9:11

Nshiku shako shilaakufula kwiinda muli ndime ayalo myaaka ilaakunungwaako kubuumi bwako.

Shikushimikila 8:12

Mucita shibi inga wacita milandu ili mwaanda akwikala buumi bulaamfu, nabi bamwi balaamba ayi, “Na muntu walemeka Lesa, shintu shoonse shilaakumweendela kabotu.

Isaya 26:3

Mwebo noBaami baLesa, mulapa luumuno lwiine lwiine kubaabo bashomeka lyoonse ceebo cakucinka manungo muli ndimwe.

Isaya 32:17

Ono ceebo cakwaamba ayi bantu boonse balaakucita shiluleme, mucishi mulaakuba luumuno, ee, mulaakuboolabo tontolo kwamuyayaya.

Isaya 48:18

“Nebakanyumfwila akukonkela milawo yangu, naakwiinga luumuno lulakunkabo anga ngamaanshi mukalonga. Ncakwiila bululami nibwalinga kusefooka anga ngamaaba a mulweenge mbwaacita muloombe.

Isaya 55:3

“Amuteye matwi kuli ndime akupilukila kuli ndime. Amunkutike kwaamba ayi mube abuumi. Lyalo ndaakupangana amwebo cipangano calyoonse alyoonse. Ndaakumutondesha lusuno lwangu lutamaani kweelana ambondakashomesha Defedi.

Bene Lefi 25:18

“Amukonkele milawo yoonse ya Mwaami Lesa amilasho yakwe, kwaamba ayi mukanookala kabotu mucishi ico.

Bene Lefi 25:19

Mucishi mulaakuswa shakulya. Mpeeke mulaakuba ashakulya shoonse nshemusuni alimwi akwikala kabotu uko.

Mateyo 17:5

Ndyaakalinga kucaamba, kwakaboneka likumbi lituba tuu lyakabafwekelela, lyalo mulikumbi umo mwakanyumfwika liswi lyakwaamba ayi, “Uyu ngoMwanaangu ngoonsuni alimwi muli nguwe ndakondwa. Amumunyumfwile!”

Luka 21:19

Kwiinda mukushoma cakutaboola pesule mulaakutambula buumi bwancinencine.

Luka 21:9

Mwaakunyumfwa makani a nkondo alimwi ashimfulunganya mushishi, mutakaloondi. Ishi shintu shilyeelete kutaanguna kucitika, sombi tashaambi ayi mamanino a cishi ali pafwaafwi.”

1 Pita 1:5

Lesa kwiinda munkusu shakwe, ulamulama kabotu ceebo ca lushomo ndomucite kwaamba ayi mukatambule lupulusho ulo ndweshi akayubulule kumeelelesho aciindi.