Tushimpi 1:28 - Baibo Busansulushi Bwa Libuku Ili

²⁸ “Mwaakunjita ciindi ico teshi nkamukumbulewo. Mulaakunyandoola, sombi teshi mukambonewo.

Tushimpi 1:28 Marejeleo ya Msalaba

Matalikilo 6:3

Lyalo Mwaami Lesa wakaamba ayi, “Mushimu wangu teshi ukapikishanye abantu lyoonse ceebo balafwa. Kuswa sunu teshi bakekale myaaka iinda 120.”

Jobo 27:9

Sa Lesa ulanyumfwa kulila kwabo ciindi ndibapolelwa mapensho?

Jobo 35:12

Balalilila Lesa ayi abacaafwe, sombi lakwe taabakumbuli ceebo cakulisumpula kwa bamucita shibi.

Kulumbaisha 18:41

Bakalinga kuyandoola lucafwo, sombi taaku wakabapulusha. Bakapaila kuMwaami Lesa, sombi taakwe kubakumbula.

Kulumbaisha 18:42

Ndakalinga kubapela cakubabo anga ndusuko, ndakalinga kubalyatoola anga ngamatipa a munshila.

Kulumbaisha 66:18

Nindalinga kucikondwa shibiibi mumoyo wangu, naakwiinga Mwaami Lesa taakwe kunyumfwa mupailo wangu.

Tushimpi 15:29

Mwaami Lesa uli kulaamfu abamucita shibi, sombi mipailo ya baluleme uleenyumfwa.

Tushimpi 8:17

Nebo nebusongo ndisuni bantu abo bansuni. Abo boonse banyandoola cankusu, balancana.

Lwiimbo lwakwe Solomoni 5:6

Ndakacalwita usunikwi wangu, sombi ndakacana waya kale. Moyo wangu wakalinga wasangalala ndindakanyumfwa liswi lyakwe. Mpeeke ndakamuyandoola, sombi nshikwe kumucana. Ndakamwiita, sombi taakwe kukumbulaawo.

Isaya 1:15

“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.

Jelemiya 11:11

Paceebo ceeco nebo neMwaami Lesa ndaamba ayi, ‘Ndaakubaletela mapensho ayo ngweshi bakaalilwe akwaacica. Nabi bakandilile, teshi nkabakumbuleewo, sobwe.

Jelemiya 14:12

Nabi bakalikashe kulya, kulila kwabo teshi nkakunyumfweewo. Nabi bakabenge milambu yabo yakutenta akupa shipo sha fulaulo teshi nkashitambulewo, sobwe. Sombi ndaakubanyonyoola kunkondo, nsala alimwi akumwaalu.”

Esekelo 8:18

Paceebo ceeco, balaakunyumfwa cilemeneshi coonse ca bukali bwangu. Teshi nkamufwite nkumbu nabi kumulangabo. Teshi nkakutikewo mipailo yabo nabi bakanokoolobesha cili buyani.”

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Osiya 5:6

Baakuya mukubenga mbelele aŋombe shabo kuli ndime neMwaami Lesa, teshi bakancaneewo ceebo ndalikushaawo pakati kabo.

Amosi 8:12

Bantu balaakunooya citalantanta kuswa kulweenge kuya kulweenge. Balaakwiingooka kuswa kumatwa kuya kwicwe kuya ciyandoola maswi a Mwaami Lesa. Sombi teshi bakaacaneewo, sobwe.

Mika 3:4

Ciindi cilaakushika ndyeshi mukalilile Mwaami Lesa, sombi lakwe ulaakukaka kumucafwa. Teshi akakutike kumipailo yanu ceebo ca bubi mbomwakacita.”

Sekaliya 7:13

Tabakwe kunyumfwa ndindakalinga kubaambila. Aboobo anebo nshikwe kubakumbulaawo ndibakalinga kupaila kuli ndime.

Dutolonomi 1:45

Mpeeke mwakalilila Mwaami Lesa ayi amucaafwe, sombi taakwe kumukutika nabi kumubikaako maano.

Jemusi 4:3

Alimwi nabi mwaseenga inga tamushitambuli ceebo miyeeyo njemucitila boobo njibiibi. Mulasenga shintu kwaamba ayi mushisebenseshe mukulikondelesha mwebo nobeene.

1 Samwelo 8:18

Ciindi ico cakushika mulaakutongooka cakulilaako ceebo ca mwaami ngomwakasala nobeene. Sombi Mwaami Lesa teshi akakutikeewo matongooshi anu.”