Taitasi 3:13 - Baibo Busansulushi Bwa Libuku Ili

¹³ Elesha cankusu kucafwa Senasi ucishi milawo aApolosi mulweendo lwabo, akubona ayi shintu shoonse shiyandika kuli mbabo shakwana.

Taitasi 3:13 Marejeleo ya Msalaba

Mateyo 22:35

Mpeeke umwi mufundishi wa Milawo mulikoto lyabo, wakeepusha Jesu cakumusunka ayi,

Luka 10:25

Kuswawaawo kwakesa mufundishi wa Milawo wakasunka Jesu akumwiipusha ayi, “NoBafundishi, ndyeelete kucitanshi kwaamba ayi nkabe abuumi butamaani?”

Luka 11:45

Mpeeke mufundishi wa Milawo umwi wakamukumbula ayi, “NoBafundishi, mukwaamba boobo aswebo mwatucobola.”

Luka 11:52

“Mapensho kuli ndimwe nobafundishi ba Milawo! Mwabwesa cakucalwisha kumulyango wa lushibo lwa lupulusho. Ceebo tamukwe kwinjila, aboobo mwakasha baabo balinga kuyanda kwinjila.”

Luka 14:3

Lyalo Jesu wakeepusha baFalisi abafundishi ba Milawo ayi, “Sa Milawo ilatusuminisha kushilika pabushiku bwakookesha bwa Cibelu nabi tau?”

Luka 7:30

Sombi baFalisi abafundishi ba Milawo mukukaka kubombekwa aJoni, bakakaka muyeeyo wakwe Lesa ngwaakabamba.

Milimo ya Batumwi 15:3

Paceebo ceeco, coonde cakabatuma. Bakeenda muFonisha amuSamaliya kabaya bulwiita bashomi mbuli baswamashi bakunsengwe mbobakashoma muli Lesa. Makani aya akasangalasha bumbi bashomi boonse.

Milimo ya Batumwi 18:24

Paciindi ico, muJuda umwi wiitwa ayi Apolosi, wakashalilwa mundabala inene ya Alekisandiliya, wakaya kuEfeso. Wakalinga muntu ucishi kwaamba alimwi wakalinga kwishi bumbi Malembo akwe Lesa.

Milimo ya Batumwi 19:1

Paciindi ico Apolosi ndyaakalinga kuKolinto, Paulo wakeenda mucishi ca Galatiya aFuligiya akushika muEfeso. Uko, wakacana bashomi bamwi

Milimo ya Batumwi 21:5

Sombi ciindi ca kwikala ambabo ndicakamana, twakaswaako akutolelela palweendo lwesu. Lyalo boonse pantu pomwi abamakaabo alimwi abana babo bakatushindikila kuswa mundabala inene. Nditwakashika muloombe lwa lweenge twakafukama ambabo akupaila kuli Lesa.

Milimo ya Batumwi 28:10

Bakatupa shipo shiinji. Nditwakenjila mubwaato bunene ayi tunooya, bakabikaamo ashimwi shintu shakalinga kuyandika mulweendo lwesu.

Bene Loma 15:24

ntooyeeya kwisa mukumubona. Ndisuni kwaamba ayi pakunooya kuSipeeni nkeemikane nkamuboneewo kwaciindi ciniini alimwi mukancafweeko mulweendo lwangu.

1 Bene Kolinto 16:11

Aboobo kutabi muntu umusuula, sombi mulyeelete kumucafwa kwaamba ayi atolelele mulweendo lwakwe muluumuno akuboola kuli ndime ceebo nebo ntoomulangila pantu pomwi abashominyineesu bamwi.

1 Bene Kolinto 16:12

Ono pamukwabesu Apolosi, ndakamusengesha ayi amufwakashishe pantu pomwi abashomi bamwi. Ono taakwe kusumina kwisa bulya bweenka, sombi aakucana ciindi.