Taitasi 1:7 - Baibo Busansulushi Bwa Libuku Ili

⁷ Ono ceebo mutanjilili wa coonde utokweendelesha mulimo wakwe Lesa, ulyeelete kubula kampenda. Taaelete kuba muntu ulyuuma mucaamba, ufwambaana kukalala, cakolwa, mukali nabi usunishi buboni.

Taitasi 1:7 Marejeleo ya Msalaba

Matalikilo 49:6

Teshi nkanjile mumibandi yabo ya bushishi, nabi kusenkaanaabo mukubungana kwabo. Bakacaya bantu mubukali bwabo alimwi bakatyoloola bacende mukulisangalasha.

Tushimpi 14:17

Muntu ucite kamoyo kaniini ulacita shintu shabuluya. Taaku muntu usuni mubeshi.

Tushimpi 15:18

Muntu ucite kamoyo kaniini ulabusha kwaambana, sombi ushiite caamba ulaleta luumuno.

Tushimpi 16:32

Ncintu cibotu kuba acaamba cishiite kwiinda kuba shilumamba ucibwene kulwana. Ncibotu kuba muntu ulicata na wakalala kwiinda wooyo wakoma ndabala inene yoonse.

Shikushimikila 7:9

Utafwambaani kukalala mumoyo wako ceebo bukali bulacanwa kubaluya.

Isaya 28:7

Abalo balaluki abapailishi balakolwa waini abuumbi cakutalantanta. Ncakwiila balapuwookapuwookabo uku akooku ceebo ca bwalwa. Ceebo cakukolwa, balaluki balaalilwa kunyumfwisha shili anga nshiloto isho Lesa nshaabatumina. Pamilandu ileta bantu kuli mbabo balaalilwa kupa bupingushi ceebo cabucakolwa.

Esekelo 44:21

Bapailishi tabeelete kunwa waini kabatana kwinjila mulubansa lwa mukati.

Bene Lefi 10:9

“Webo abana bako basankwa tamweelete kwinjila muTente ya Cipangano na mwanwa waini nabi shibilite shimwi shoonse. Na mukacite boobo, mulaakufwa. Uyu ngumulawo ngobeelete kukonkela boonse bamulunyungu lwako.

Mateyo 24:45

“Ino nguli musebenshi ushomeka ucite maano? Ngooyo mwaami wakwe ngwaakapa mulimo wakubona babye, akunoobapa cakulya paciindi ceelete.

Luka 12:42

Mwaami Jesu wakakumbula ayi, “Ino nguli musebenshi ushomeka ucite maano? Ngooyo mwaami wakwe ngwaakapa mulimo wakweendelesha ŋanda yakwe akunoopa babye cakulya paciindi ceelete.

Bene Efeso 5:18

Amucileeke kukolwa uko kweshi kukamunyonyoolebo, sombi amusushikwe aMushimu Usalashi.

Bene Filipi 1:1

Ndime Paulo alimwi aTimoti basebenshi bakwe Klistu Jesu. Tutoolembela ndimwe noonse nobantu bakwe Lesa muli Klistu Jesu nomuli muFilipi, pantu pomwi abamatanjilili ba coonde abacafwi.

Taitasi 1:5

Ncendakakushiila kuKileti nkwaamba ayi ululike shoonse shakalinga kuyandika kubamba akubika bamatanjilili ba shoonde mumandabala oonse kweelana ambondakakulwiita.

Taitasi 2:3

Mbweeke ubo banakashi bamanene kobaambila ayi banookala buumi busalalite. Tabeelete kuba bafuyishi nabi bacakolwa, sombi balyeelete kunokwiisha shintu shibotu.

1 Pita 4:10

Lesa wakamupa shipo shipusenepusene alimwi muntu womwi awomwi ulyeelete kuba mbuli shikulama buboni mubotu. Ulyeelete kusebensesha ico ncaakatambula mukucafwa bamwi.

1 Pita 5:2

Amweembele litanga lyakwe Lesa ilyo ndyaakamupa kuteshi cakukakatishikwa, sombi cakukondwa kweelana akuyanda kwakwe Lesa. Mutasebensi mulimo wanu ceebo cakulangoolabo maali, sombi musebense amoyo woonse cakulibenga.

2 Pita 2:10

bunene bunene abo bakonkela lunkumbwa lwa mibili yabo akusuula bulemu ankusu shakwe Lesa. Bafundishi babeshi aba tabaloondi balalisumpula alimwi tabaloondiiwo abalemekwa ba kwiculu, sombi balabacobola.