Shikushimikila 9:10 - Baibo Busansulushi Bwa Libuku Ili

¹⁰ Mulimo woonse wapolela mumaansaako, usebense cankusu mukwiinga mucuumbwe momutooya taaku kusebensa, kupanga miyeeyo, lushibo nabi busongo.

Shikushimikila 9:10 Marejeleo ya Msalaba

Matalikilo 37:35

Mpeeke boonse bana bakwe basankwa abanakashi bakesa mukumutontosha kulila, sombi wakakaka akwaamba ayi, “Ndaakufwitaamobo kaandila mwanaangu musankwa.” Aboobo wakatolelela kulila Josefu mwanaakwe.

1 Makani 22:19

Ono bulya amusebensele Mwaami Lesa, Lesa wanu amyoyo yanu yoonse alimwi abuumi bwanu boonse. Amutalike kuyaka Ŋanda yakwe Lesa kwaamba ayi mukabikemo Libokoshi lya Cipangano ashimwi shintu shisalalite isho shakusebensesha pakumulambila.”

1 Makani 28:20

Mwaami Defedi wakaambila Solomoni mwanaakwe ayi, “Ulyeelete kuyuma akulishoma alimwi ukacite mulimo uyo. Utakaloondi nabi kutyongola mukwiinga Mwaami Lesa, Lesa wangu, uli awebo. Teshi akakulekelesheewo, sombi ulaakunooli awebo kushikila ukamanishe kuyaka Ŋanda yakwe.

Neyemiya 2:12

Mpeeke ndakanyamuka abantu baniini mashiku. Paciindi ici kaantana kulwiitawo nabi womwi isho Lesa nshaakabika mumoyo wangu kwaamba ayi ncitile ndabala ya Jelusalemu. Nshindakalinga kucite cifubwa nabi comwi, sombibo ceenka ncendakalinga kutantiteewo.

Neyemiya 4:2

Lyalo wakaamba pameenso ababye abashilumamba bene Samaliya ayi, “Ino baJuda aba balefukite batoocitanshi? Sa batooyeeya kuyakulula lubumbu lwabo? Sa balo batooyeeya ayi inga bamanisha mulimo pabushiku bomwi kwiinda mukubenga milambu? Sa inga bapanga mabwe akuyakishako kuswa pamabwe aya akapwayoolwa akutentwa?”

Neyemiya 4:6

Aboobo twakayakulula lubumbu kushikila lweela pakati kuya mwiculu ceebo bantu bakalinga kusebensa camoyo womwi.

Jobo 10:21

Nsangalaleewo kaantana kuya kutaboolwa, ee, kumusena uko kutaaku mumuni nooceyi.

Jobo 10:22

Ncakwiila ngumusena ushiyabo mbi, upyopyongene, taaku mumuni, sombibo munshinshe.”

Jobo 21:13

Balekala cakuliiba alimwi balafwa muluumuno.

Kulumbaisha 6:5

Mwebo tamwiibalukwi mumusena wa bafu, taaku ukonsha kumulumbaisha mucuumbwe.

Tushimpi 3:28

Kutaambila mubyo ayi, “Koyabo ukese ciilo ndyeshi nkakupe,” na ulakonsha kumucafwa peenka apo.

Shikushimikila 11:3

Na makumbi kaacite maanshi, alalosha mfula pacishi ca panshi. Nabi cisamu cawita kumalenge nabi kumatwa, ciloona pamusena peenka apo mpocawita.

Shikushimikila 11:6

Koshanga mbuto yako macuunsa, utanookalabo ciindi ca macolesha. Webo tooshi mbuto yeshi ikaswitilile. Inga yaba ya macuunsa nabi ya macolesha. Cimwi ciindi mbuto shoonse shobilo inga shaba kabotu.

Isaya 38:10

“Ndakalinga kuyeeya ayi ntoofwa kaanciliimobo, Ee, ndakalinga ntooya kumusena wa bafu kaantana kukwanisha myaaka ya buumi bwangu.

Jelemiya 29:13

Mulaakunyandoola akuncana ceebo mulaakunyandoola camoyo woonse.

Shakubelenga 13:30

Mpomunyaawo Kalebu wakoomusha bantu abo bakalinga kutongooka kuli Mose akwaamba ayi, “Tulyeelete kuya mukubalwana akubwesa cishi. Swebo tulicite nkusu shakubakoma.”

Mateyo 20:7

Abalo bakakumbula ayi, ‘Mukwiinga taaku muntu watwinjisha ncito.’ Lyalo wakabaambila ayi, ‘Anu amwebo kamuya mukasebense kumuunda wangu wa minyansa.’

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Joni 4:34

Sombi Jesu wakabaambila ayi, “Cakulya cangu nkucita sheesho shiyanda wooyo wakantuma akumanisha ncito yakwe.

Joni 5:4

Mukwiinga ciindi cimwi munjelo wakwe Lesa wakalinga kwisa mukwinjila mulishiba akufundoola maanshi. Aboobo mulwashi uli woonse wakalinga kutaanguna kwinjila mumaanshi, wakalinga kuba kabotu kubulwashi buli boonse mbweenga kaacite.]

Joni 9:4

Kulilabo kalicili malumwi tulyeelete kucita milimo ya wooyo wakantuma. Ciindi ca mashiku citooshikila muntu ndyaatakoonshi kusebensa.

Bene Loma 12:11

Mutabi batolo, sombi amusebense cankusu. Amulibeenge amyoyo yoonse mukusebensela Lesa.

1 Bene Kolinto 15:10

Sombi kwiinda muluse lwakwe Lesa ndakaba mbuli mboombete bulya alimwi luse ulo ndwaakantondesha talukwe kunyonyookabo, sobwe. Sombi ndakasebensa cankusu kwiinda batumwi bamwi boonse. Nakubi boobo teshi ndime ndakasebensa, sombi nduse lwakwe Lesa luli anebo.

1 Bene Kolinto 16:10

Na Timoti akese uko amukabone kwaamba ayi wabambwa kabotu, ceebo utoocita milimo ya Mwaami Jesu bweenka mbuli ndime.

1 Bene Kolinto 9:24

Ncakwiila mulishi ayi bacica lubilo lwakupingana mbaanji, sombi utambula cilambu ngomwibo. Ono amwebo mulyeelete kucica cakutambula cilambu.

1 Bene Kolinto 9:26

Paceebo ceeco nshibete anga ngumuntu utoocicilabo ncaatabwene, nabi anga ngushikulwana uumabo muuwo.

Bene Efeso 5:16

Muciindi coonse mulyeelete kucita shintu shibotu mukwiinga shino nshiku shabica.

Bene Kolose 3:23

Ono coonse cintu ncemutoocita, amuciciite amoyo womwi anga mutoocitila Mwaami Jesu, kuteshi bantu.

1 Samwelo 10:7

Lyalo shitondesho ishi shacitika, cita cili coonse Lesa nceshi akutanjilile ayi ucite.