Shikushimikila 8:9 - Baibo Busansulushi Bwa Libuku Ili

⁹ Ndakabona shintu isho shoonse ndindakayeeya shicitwa pacishi ca panshi. Kuli ciindi muntu ndyaatondesha nkusu nshaacite pabamwi akulicisa mwiine.

Shikushimikila 8:9 Marejeleo ya Msalaba

2 Baami 25:7

Mpeeke bakacaya bana bakwe Sedekiya boonse kaalangilisha. Kuswawaawo Nebukadinesa wakaamba ayi Sedekiya akushikwe meenso. Lyalo bakamwaanga ncetani sha bulonse akumutola kuBabiloni.

Kulonga 14:28

Lyalo maanshi akakumanabo poonse poonse akufwekelesha shikoci shankondo, beshikweensha alimwi abashilumamba boonse bene Ijipiti abo bakalinga bakonkela bene Isilaeli mulweenge. Taaku muntu nabi womwi wakacalaawo.

Shikushimikila 1:14

Ono shintu shoonse shicitikwa pacishi ca panshi ndashibona. Ncakwiila shoonse taaku mboshibete, ee, cilibo anga nkutandaanya muuwo.

Shikushimikila 3:10

Ee, mukuli uyo Lesa ngwaakabika pabantu, ndoobona.

Shikushimikila 3:16

Lyalo ndakabona cintu cimwi pacishi ca panshi. Pamusena wakoombolosheshaawo, bubi bwakalingaawo. Pamusena wakoombolosha cakutanyengelela, bubi bwakalingaawo.

Shikushimikila 4:1

Ndakalangilisha alimwi akubona kulyatililana kucitika pacishi ca panshi. Ndakabona minsonshi ya bantu balyatililwa, tebakalinga kucite abeshikuboombulusha. Ndakabona ayi nkusu shakalinga kubaabo bakalinga kubalyatilila. Ncakwiila tebakalinga kucite abeshikuboombulusha.

Shikushimikila 5:13

Kuli bubi bucisisha moyo mbondakabona mucishi ca panshi Buboni bucanwa, sombi kabutacite mpindu kumwinebo,

Shikushimikila 5:7

Kubumba sha muluuwo amaswi aanji taaku mboshibete. Anu cibotubo nkuloonda Mwaami Lesa.

Shikushimikila 5:8

Na waboona muntu mupenshi kaalyatililwa mucishi akumulita masuku pamutwi mushintu shoonse, utakankamani. Ceebo wacinenenene womwi uleendeleshekwa kuumwi umwiindaawo alimwi boonse bobilo aba kuli bacinenenene babeendelesha.

Shikushimikila 7:25

Aboobo nebo ndakalyaaba ayi nyumfwishe shintu. Ndakalinga kusuminite kulangoola busongo abukumbulo kumiipusho yangu. Ndakalinga kusuni kunyumfwisha buluya bwa bubi alimwi akucinkuka kuli mubuluya.

Shikushimikila 7:7

Kulyatilila kulakonsha kulengesha musongo kuba muluya. Akwalo kutambula makulo kulanyonyoola moyo wa muntu.

Dutolonomi 2:30

“Sombi mwaami Sioni wakatukasha kwiinda mucishi cakwe. Mwaami Lesa, Lesa wanu wakalinga wamulengesha bushicimpamya abwaashu, kwaamba ayi tumukoome akubwesa cishi cakwe ico ncetucikalaamo abobulya.