Shikushimikila 8:14 - Baibo Busansulushi Bwa Libuku Ili

¹⁴ Kuli cintu acimwi citaaku mbocibete pacishi ca panshi. Kuli baluleme abo bapekwa milandu yeelete bamucita shibi, abalo bamucita shibi balapekwa shilambu sheelete baluleme. Acalo ici taaku mbocibete.

Shikushimikila 8:14 Marejeleo ya Msalaba

Jobo 1:22

Mumapensho aya oonse, Jobo taakwe kubishaawo kwiinda mukucobola Lesa.

Jobo 21:7

“Ceebonshi bamucita shibi balatolelela kuba abuumi? Ceebonshi balo balacembela akuswitilila mushintu shoonse?

Jobo 27:12

Ncakwiila mwebo noonse makani aya mulyaabwene. Ono ceebonshi mutokwaamba makani atacite ncito?

Kulumbaisha 73:3

mukwiinga ndakakumbwa camunyono kubalisumpula. Ee, ndindakabona bantu babiibi batalika kubila.

Shikushimikila 10:5

Kuli bubi mbondakabona muno mucishi ca panshi, ee, kulubisha kulengeshekwa amuleli.

Shikushimikila 2:14

Musongo ulaya cibona nkwaatooya, sombi muluya uleenda mumunshinshe. Sombi ndakabona kwaamba ayi boonse bobilo balacitikilwa cintu ca mushobo womwi.

Shikushimikila 4:4

Ndakabona alimwi ayi milimo yoonse akuswitilila koonse kwa muntu shilaswa kulunkumbwa lwa munyono pamubye. Ono ici coonse taaku mbocibete, cilibo anga nkutandaanya muuwo.

Shikushimikila 4:8

Kwakalinga musankwa uyo wakalingabo eenka. Taakalinga kucitewo mwaana musankwa nabi mukwabo. Wakalinga kusebensa cakutookeshaawo, nakubi boobo taakwe kukondwa abubile ubo mbwaakalinga kucite. Wakeepusha ayi, “Ino ngani ngoontoosebensela? Ino ceebonshi ntoolikasha kusangalala?” Ici acalo taaku mbocibete, ee, uku nkupengelabo kapongo kafwite!

Shikushimikila 7:15

Mubuumi bwangu ubu butaaku mbobubete ndakabona shintu shobilo ishi: Muntu ululeme ulafwa cakufwambaana mubululami bwakwe, sombi mucita shibi ulekala buumi bulaamfu mububi bwakwe.

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?

Malaki 3:15

Ono cicitika ncakwaamba ayi balisumpula mbobacite shoolwe. Ndushinisho, bamucita shibi tabeelibo mukusumpuka, sombi balasunka kukomenya moyo kwakwe Lesa kwiinda mukucita shibiibi, nakubi boobo tabapekwi mulandu.”