Shikushimikila 8:13 - Baibo Busansulushi Bwa Libuku Ili

¹³ Sombi shintu tasheendeliwo kabotu mucita shibi alimwi buumi bwakwe teshi bukalaampe buya cilaampa cimfule ceebo taalemeki Lesa.”

Shikushimikila 8:13 Marejeleo ya Msalaba

Jobo 14:2

Ulakula anga ndiluba linefuma kwaciindi ciniini akunyana. Ee, buumi bwakwe bulibo anga ncimfule ico cishiminganashiminganabo.

Jobo 18:5

“Ono mumuni wa buumi bwa mucita shibi walo cipangano nkushimishikwa. Ncakwiila teshi ukabonekeewo tubili koonyaka.

Jobo 20:5

kusangalala kwa mucita shibi nkwaciindi ciniinibo. Kukondwa kwa muntu utashomi Lesa nkuce.

Jobo 21:30

Balaamba ayi pabushiku bwa bukali bwakwe Lesa mucita shibi ngoopulushikwa. Ee, ayi mucita shibi lakwe ngoofunwa mubushiku bwa bukali ubu.

Kulumbaisha 11:5

Mwaami Lesa ulalangalanga bantu boonse, nkokwaamba ayi baluleme abamucita shibi. Sombi ulipatite bamucita shibi boonse.

Kulumbaisha 144:4

Muntu ulibo anga nkuyoya kwa linkanda lyomwi. Nshiiku shakwe shilibo anga ncimfule ciindilite.

Kulumbaisha 37:1

Utanoolisukama ceebo ca bamucita shibi, nabi kukumbwa camunyono kubaabo bacita shibiibi.

Kulumbaisha 39:5

Inshiku sha buumi bwangu mwashifwiimpisha, Myaaka ya buumi bwangu njiniini abuumbi pameenso anu. Ncakwiila buumi bwa muntu uli woonse buli anga nkuyoya kwalinkanda lyomwi.

Kulumbaisha 55:23

Sombi bantu abo basunishi kutila bulowa akubeca, mwebo nobaLesa mulaakubawaala mumusena wa bafu. Teshi bakamaane amusa wa nshiku shabo. Nakubi boobo nebo ndanoocinkite manungo muli ndimwe.

Shikushimikila 3:14

Ndishi kwaamba ayi isho shoonse Lesa nshaakacita, shinanoolikobo kwalyoonse alyoonse. Taaku ceenga ceelikwaawo nabi kukushikwaawo pashintu isho. Ncakwiila Lesa wakacita shintu shoonse kwaamba ayi tunoomulemeka.

Shikushimikila 5:7

Kubumba sha muluuwo amaswi aanji taaku mboshibete. Anu cibotubo nkuloonda Mwaami Lesa.

Shikushimikila 6:12

Buumi bwa muntu mbufwaafwi alimwi taaku mbobubete. Ncakwiila buleendabo anga ncimfule. Ino ngani ushi cibotu kuli nguwe? Ngani weenga wakonsha kwishiba ceshi cikacitike pacishi ca panshi lakwe aakufwa?

Shikushimikila 7:15

Mubuumi bwangu ubu butaaku mbobubete ndakabona shintu shobilo ishi: Muntu ululeme ulafwa cakufwambaana mubululami bwakwe, sombi mucita shibi ulekala buumi bulaamfu mububi bwakwe.

Shikushimikila 7:18

Ncibotu kucata comwi cakutapusumusha cimwi. Muntu ulemeka Lesa ulakonsha kucita boobo.

Shikushimikila 8:8

Taaku muntu ucite nkusu shakwiimika muuwo. Mbweeke ubo taaku muntu ucite nkusu shakukasha lufu lwakwe. Bweenka shilumamba mbwaatakonshi kutandwa muciindi ca nkondo, mbweeke ubo bubi teshi bukafuune baabo babucita.

Isaya 3:11

Sombi mapensho kubamucita shibi! Balo balaakunyonyoolwa. Nshebakalinga kucita kubamwi, shilaakuboolela mbabo.

Isaya 30:13

cibiibi canu ici cilaakumubeta anga ndubumbu lulaamfu lucite mwaansha utooya cilakamuka. Lubumbu ulo lulawa cakufwambaana alimwi cakuteengashila.

Isaya 57:21

Taaku luumuno kubamucita shibi.” Mwaami Lesa waamba.

Isaya 65:20

“Muli njiyo teshi mukabeewo tubili kateta weshi akekalebo nshiku shiniini akufwa, nabi mucembele weshi akafwe kaatana kumana myaaka ya buumi bwakwe. Uyo weshi akafwe kaacitebo myaaka mwaanda, ulaakunoyeeyelwa ayi walinga kucilibo cikula bwangu. Alakwe uyo weshi akafwe kaatana kushika myaaka ili mwaanda, ulaakunooyeeyelwa ayi wakashinganwa.

Jelemiya 44:10

Ono kushikila asunu tamuna kulibombyaawo, sobwe. Ncakwiila tamuna kundemekaawo nabi kukonkela milawo amilasho iyo njendakapa ndimwe alimwi abamashali banu bakulukulu.’

Malaki 3:18

Paciindi ico bantu alimwi balaakubona bupusano buli pakati ka bantu baluleme abataluleme, bansebensela alimwi abatansebenseli.”

Joni 5:29

akuswa mushuumbwe. Lyalo abo bakalinga kucita buyanda Lesa balaakubuka akuba abuumi butamaani, abalo abo bakalinga kucita shibiibi balaakubuka akoomboloshekwa.

Jemusi 4:14

Sombi tamwishi ambweshi bukace ciilo. Mwebo mulibo anga mbwiishi ubo bubonekabo ciindi ciniini akushimingana.

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.