Shikushimikila 7:14 - Baibo Busansulushi Bwa Libuku Ili

¹⁴ Na shintu shakweendela kabotu, kosekelela. Ono na shakweendela cibiibi, ibaluka kwaamba ayi Lesa ulalengesha shintu shobilo isho kucitika. Aboobo muntu taakoonshi kwishiba buumi bwakwe bwakunembo.

Shikushimikila 7:14 Marejeleo ya Msalaba

1 Baami 8:47

amukutike mipailo ya bantu banu. Na kucishi uko kweenka nkweenga kababete basanduka kuswa kushibiibi shabo akupaila kuli ndimwe, kabalyaambilila shibiibi shabo shoonse, noBaami baLesa amukutike mipailo yabo.

Jobo 2:10

Sombi Jobo wakamukumbula ayi, “Utokwaambabo anga ngumuluya. Sa ulisuni ayi katutambulabo shibotu sheenka kuswa kuMwaami Lesa kuleka mapensho?” Mumapensho aya oonse, Jobo taakwe kubishaawo kwiinda mumaswi ngaakaamba.

Kulumbaisha 119:71

Cakabota kwaamba ayi ncanikwe mumapensho ceebo ndakeeya milawo yanu.

Kulumbaisha 40:3

Wakanjiisha lwiimbo lupya, lwiimbo lwakulumba Lesa wesu. Bantu baanji baakubona boobo balaakulemeka akucinka manungo muMwaami Lesa.

Shikushimikila 10:14

Muluya ulafusha maswi pakwaamba. Taaku muntu ushi shitoosa kunembo. Ngani weenga waamba ceshi cikacitike twaakufwa?

Shikushimikila 11:9

Ocikula bwangu, kosangalala koocili mwanike. Moyo wako kaukupa kusangalala koocili cikula bwangu. Kokonkela ciyanda moyo wako alimwi acili coonse meenso ako ncaabona. Sombi koshiba ayi shintu shoonse ishi Lesa ulaakukoombolosha.

Shikushimikila 12:13

Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.

Shikushimikila 12:8

Shikushimikila wakaamba ayi, “Taaku mboshibete! Taaku mboshibete! Ncakwiila taaku mboshibete! Shintu shoonsebo taaku mboshibete.”

Shikushimikila 3:22

Munshila iyo ndakabona ayi taaku cimwi ceenga ceendaawo kusangalasha muntu kwiinda milimo yakwe mukwiinga yalo ncecipo ncaakapekwa. Taaku muntu eshi akakonshe kwishiba sheshi shikacitike pesule lya lufu lwakwe.

Shikushimikila 3:4

Kuli ciindi cakulila aciindi cakuseka. Kuli ciindi cakuungumana aciindi cakushana.

Shikushimikila 5:17

Nshiiku sha buumi bwakwe shoonse nsha mumunshinshe amubuumba, ee, mukulisukama, mumapensho alimwi amubukali.

Shikushimikila 8:7

Ceebo taaku muntu ushi shakunembo, ino ngani weenga wamulwiita ceshi cikacitike bwaakuca?

Shikushimikila 9:7

Kolya shakulya shako akusangalala, konwa waini wako amoyo wakusangalala mukwiinga cino nceciindi Lesa ndyaakondwa amicito yako.

Isaya 26:11

NoBaami baLesa lyaansa lyanu lilitambikitwe, sombi balo tabalibooni. Amubaboneshe lusuno lwanu pabantu banu, bafwe nsoni. Mulilo wanu ngomwakabambila balwani banu aubateente cakubalobya.

Isaya 42:25

Paceebo ceeco bukali bwakwe bwakesa pali ndiswe. Bukali bwakwe bwakeenda munkondo iyo yakatupolela. Inkondo yakatukalalila soonse mucishi ca Isilaeli. Nakubi boobo tatukwe kuwishiba citoocitika. Ndushinisho taaku ciiyo ncetwakacanaamo nabi comwi.

Jelemiya 23:20

Bukali bwangu teshi bukamaneewo kushikila bukacite shoonse nsheensuni. Munshiku shitoosa, bantu bangu balaakunyumfwisha cikani ici.

Malilo 3:38

Sa te nguLesa Wiindaawo wakwiculu ulengesha mapensho ashintu shibotu kucitika.

Mika 6:9

Kuloonda Mwaami Lesa mbusongo. Utokoolobesha mundabala inene ya Jelusalemu ayi, “Amukutike mwebo nobantu nomwikala mundabala inene ino.

Mateyo 9:13

Amuye mukeeye maswi akwe Lesa alya akwaamba ayi, ‘Ndisunishi nkumbu, kuteshi milambu.’ Nshikwe kwisa mukwiita baluleme, sombi bamucita shibi.”

Milimo ya Batumwi 14:22

Mpeeke bakayuminisha bashomi kwaamba ayi batolelele kushoma cankusu muli nguwe lyoonse. Bakalinga kubalwiita ayi, “Swebo soonse tulyeelete kwiinda mumapensho aanji kwaamba ayi tukenjile muBweene bwakwe Lesa.”

Dutolonomi 26:11

Mpeeke mwebo abana banu mulyeelete kusekelela pashintu shoonse Mwaami Lesa, Lesa wanu nshaamucitila. Bene Lefi alimwi abaswamashi mbomwikalaabo bakasekelele pantu pomwi amwebo.

Dutolonomi 28:47

Ceebo cakutasebensela Mwaami Lesa cakukondwa akusangalala uyo weshi akamupe coolwe mushintu shoonse,

Dutolonomi 8:3

Wakamukolesha nsala sombi wakamupa mana, cakulya ico mwebo abamashali banu bakulukulu ncemutana kulyaawo kale. Ici wakacicita kwaamba ayi amwiishe ayi cakulya ceenka teshi nceenga capa buumi muntu sombi amaswi oonse Mwaami Lesa ngaamba.

Dutolonomi 8:5

Amwishibe kwaamba ayi Mwaami Lesa, Lesa wanu ulamululika akumupa mulandu bweenka mbuli mushali mbwaaisha bana bakwe ayi bacileke kubisha.

Jemusi 5:13

Na umwi pakati kanu uli mumapensho, aapaile kuli Lesa. Na kuli usangalete aimbe nyimbo shakulumbaisha.