Shikushimikila 7:12 - Baibo Busansulushi Bwa Libuku Ili

¹² Busongo bulafuna kushintu shiinji bweenka bufuna maali, ee, bulafuna buumi bwa wooyo ubucite. Ncakwiila iyo njempindu ya lushibo.

Shikushimikila 7:12 Marejeleo ya Msalaba

Jobo 1:10

Sa te nceebo cakwaamba ayi mulamutabilila pantu pomwi abamuŋanda yakwe alimwi ashintu shakwe shoonse? Shoonse shintu lakwe nshaacita shilaswitilila alimwi matanga a shifubwa shakwe alibo luundu loonse.

Kulumbaisha 57:1

Amunyumfwile nkumbu nobaLesa, amunyumfwile nkumbu, mukwiinga muli ndimwe moonshisa buumi bwangu. Ndanooyubite mushimfule sha mapapaminwa anu, kushikila ciindi cakunyonyoolwa ici cikeende.

Tushimpi 11:4

Bubile tabucafwi pabushiku bwa bukali, sombi bululami mbobufuna kuswa kulufu.

Tushimpi 14:20

Bakandu balipatitwe nabi kubeshikamukobonyinaabo, sombi babile balicite shibusa shiinji.

Tushimpi 2:11

Kucita shintu sheelete kulaakukutabilila, maano akunyumfwisha alaakunookufuna.

Tushimpi 2:7

Lakwe ngoolengesha baluleme kukoma alimwi ndiyawo lya baabo batacite kampenda.

Tushimpi 3:18

Busongo buli anga cisamu cipa buumi kubaabo babukakatila alimwi bulapa coolwe kubantu babucatisha.

Tushimpi 8:35

Aboobo uyo woonse ucana ndime, ulacana buumi, Mwaami Lesa alakwe ulaakumupa shoolwe.

Tushimpi 9:11

Nshiku shako shilaakufula kwiinda muli ndime ayalo myaaka ilaakunungwaako kubuumi bwako.

Shikushimikila 10:19

Kusekelela kulalengesha kuseka, waini ulasangalasha moyo, sombi maali ngaaleta shoonse ishi.

Shikushimikila 2:13

Ndakabona ayi busongo mbubotu kwiinda buluya bweenka mumuni mbooli ubotu kwiinda munshinshe.

Shikushimikila 7:19

Busongo bulapa muntu womwi nkusu kwiinda baleli bali likumi mundabala.

Shikushimikila 9:16

Nebo lyoonse ndaamba ayi busongo mbubotu kwiinda nkusu. Sombi taaku nabi womwi uyeeya mukandu ayi ngumusongo nabi ubika maano kushintu nshaamba.

Shikushimikila 9:18

Busongo mbubotu kwiinda shakulwanisha sombi mucita shibi womwi ulanyonyoola shintu shibotu shiinji.

Isaya 30:2

Balaya kuIjipiti cakutanjipushaawo, kuya kuli Falawo mukusenga kutabililwa. Ee, kuya mukuyubila kushimfule sha mucishi ca Ijipiti.

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Isaya 33:6

Ulalengesha mushobo wa bantu kutatenkaana. Ulatabilila bantu bakwe akubapa busongo alushibo. Buboni bwa shintu shoonse ishi inga babucanabo kwiinda mukumuloonda.

Joni 12:50

Ndishi kwaamba ayi milasho yabo ilapa buumi butamaani. Aboobo shoonse nsheŋamba, ndashaamba bweenka mbobakandwiita baTa.”

Joni 17:3

Buumi butamaani ubu nkwishiba ndimwe nobaLesa bancinencine nweenkabo akwishiba Jesu Klistu uyo ngomwakatuma.

Dutolonomi 32:47

Teshi maswi atacite ncito, sombi mbobuumi bwanu. Kamwaakonkela, lyalo mulaakwikala nshiku shiinji mucishi ico cili kwitala lya Joodani ncemutooya mukwikalaamo.”

Bene Filipi 3:8

Ncakwiila shintu shoonse ishi nshakusowabo tasheelani ampindu yakwishiba Klistu Jesu, Mwaami wangu. Ceebo ca nguwe shoonse ndashisowa. Ndayeeya ayi taaku mboshibete mukwaamba ayi ntambule Klistu

Boomboloshi 9:15

Sombi muumfwa wakakumbula ayi, ‘Na ncakwiila mulisuni ayi mbe mwaami wanu, amwise mookeshe mucimfule cangu. Na mukake, ingayi mulilo utooswa kumiyanda yangu akutenta shisamu sha sida sha kuLebanoni.’ ”