Shikushimikila 6:11 - Baibo Busansulushi Bwa Libuku Ili

¹¹ Mukwaamba maswi aanji aanji, ndyetwaamba shamaano shiniini. Ino ico cilacafwanshi kumuntu uli woonse?

Shikushimikila 6:11 Marejeleo ya Msalaba

Kulumbaisha 73:6

Balafwala kulisumpula anga mbulungu bwa munshingo, alimwi kunyonyongana kwabafwekelesha anga cakufwala ca peculu.

Shikushimikila 2:15

Lyalo ndakayeeya mumoyo wangu ayi, “Cicitikila baluya anebo cilaakuncitikila. Ono nimpindunshi njeshi nkacane mukuba musongo?” Mpeeke ndakaamba mumoyo wangu ayi, “Acalo ici taaku mbocibete.”

Shikushimikila 3:19

Ceebo shintu shicitikila kubantu, shilacitikila abanyama. Bweenka bufwa muntu alakwe munyama mbwaafwa. Paceebo ceeco muntu taaindi munyama. Muntu amunyama balicite buumi bwa mushobo womwi. Ncakwiila shintu shoonse taaku mboshibete.

Shikushimikila 4:16

Bantu bakamukonkela tebakalinga kubelengekwa, sobwe. Sombi ndipakeenda myaaka, taaku nabi womwi wakalinga kumulumbaisha. Ici acalo taaku mbocibete, cilibo anga nkutandaanya muuwo.

Shikushimikila 4:8

Kwakalinga musankwa uyo wakalingabo eenka. Taakalinga kucitewo mwaana musankwa nabi mukwabo. Wakalinga kusebensa cakutookeshaawo, nakubi boobo taakwe kukondwa abubile ubo mbwaakalinga kucite. Wakeepusha ayi, “Ino ngani ngoontoosebensela? Ino ceebonshi ntoolikasha kusangalala?” Ici acalo taaku mbocibete, ee, uku nkupengelabo kapongo kafwite!

Shikushimikila 5:7

Kubumba sha muluuwo amaswi aanji taaku mboshibete. Anu cibotubo nkuloonda Mwaami Lesa.

Shikushimikila 6:10

Ico coonse ciliiwo cakaambwabo kalekale ayi cibeewo. Swebo sobantu tulishi mbotubete, sombi taaku muntu ukonsha kupikisha wooyo umwiinda nkusu.

Shikushimikila 6:12

Buumi bwa muntu mbufwaafwi alimwi taaku mbobubete. Ncakwiila buleendabo anga ncimfule. Ino ngani ushi cibotu kuli nguwe? Ngani weenga wakonsha kwishiba ceshi cikacitike pacishi ca panshi lakwe aakufwa?

Osiya 12:1

Bene Isilaeli balatandaanya muuwo ee, batandaanya muuwo uswa kwicwe bushiku boonse. Bubeshi ashalunkutwe shilacanwabo pali poonse. Balapanga shipangano abene Asilya akutuma mafuta a olifi kucishi ca Ijipiti.”