Shikushimikila 6:10 - Baibo Busansulushi Bwa Libuku Ili

¹⁰ Ico coonse ciliiwo cakaambwabo kalekale ayi cibeewo. Swebo sobantu tulishi mbotubete, sombi taaku muntu ukonsha kupikisha wooyo umwiinda nkusu.

Shikushimikila 6:10 Marejeleo ya Msalaba

Matalikilo 3:9

Sombi Mwaami Lesa wakeeta Adamu ayi, “Uli kuli?”

Jobo 33:13

Ceebonshi utootongookila Lesa mukumutongookila ayi taatookukumbula?

Jobo 40:2

“Sa webo inga wapikishanya aShinkusu shoonse? Kumbula tunyumfwe nowalinga kupikisha.”

Jobo 9:32

“Lesa naalinga muntu neenga ndamukumbula, neenga twatolana kunkuta mukupikishanyaakwe.

Kulumbaisha 103:15

Sombi swebo, buumi bwesu bulibo anga mbwiisu. Tulakula akunemfuma anga ndiluba lya muluundu.

Kulumbaisha 39:6

Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Shikushimikila 3:15

Shoonse shitoocitwa, shakacitikawo kale, ashalo isho sheshi shikacitike, shakacitikawo kale. Lesa ulalengesha cintu comwi kucitika lyobilo lyobilo.

Shikushimikila 6:11

Mukwaamba maswi aanji aanji, ndyetwaamba shamaano shiniini. Ino ico cilacafwanshi kumuntu uli woonse?

Jelemiya 49:19

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Edomu kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

1 Bene Kolinto 10:22

Sa tutooyanda kukalasha Mwaami? Nabi sa tulicite nkusu kwiinda nguwe?