Shikushimikila 5:19 - Baibo Busansulushi Bwa Libuku Ili

¹⁹ Paceebo ceeco na Lesa wapa muntu bubile abuboni akumulengesha kwaamba ayi asangalale muli nshisho, ulyeelete kulumba akusangalala mushintu nshaakayuwila. Ici ncipo kuswa kuli Lesa.

Shikushimikila 5:19 Marejeleo ya Msalaba

1 Baami 3:13

Ntookupa asheesho nshootakwe kusenga. Mubuumi bwako ulaakuba abubile alimwi abulemu kwiinda bamaami boonse.

2 Makani 1:12

Paceebo ceeco ntookupa busongo alushibo. Peculu lya sheesho ndaakukupa buboni, bubile alimwi abulemu isho shitakwe kubawo kale amwaami wakalingaako webo kootana kuba mwaami nabi umwi weshi akese.”

Shikushimikila 3:13

Cipo cakwe Lesa kumuntu nkulya, kunwa akusangalala musheesho nshaakayuwila.

Shikushimikila 6:2

Lesa ulapa muntu bubile, buboni alimwi abulemu, kwaamba ayi abe ashintu shoonse nshaasuni. Sombi Lesa taamuleeki kwaamba ayi asangalale muli nshisho. Muntu umwi ngweshi akasangalalileemo mumusena wakwe. Ici acalo taaku mbocibete. Mbubi bucisisha moyo.

Dutolonomi 8:18

Amwiibaluke kwaamba ayi nguMwaami Lesa, Lesa wanu uyo umupa nkusu shakuba abuboni ubo. Ulacita boobo ceebo kushikila asunu ucishomeka kweelana acipangano ncaakashomesha cakulumbila kubamashali banu bakulukulu.