Shikushimikila 5:17 - Baibo Busansulushi Bwa Libuku Ili

¹⁷ Nshiiku sha buumi bwakwe shoonse nsha mumunshinshe amubuumba, ee, mukulisukama, mumapensho alimwi amubukali.

Shikushimikila 5:17 Marejeleo ya Msalaba

Matalikilo 3:17

Lyalo wakaambila Adamu ayi, “Wakakutika mukaako akulya cisepo ca cisamu ncendakamukasha. Paceebo ceeci bulongo butooshinganishikwa. Aboobo mubuumi bwako boonse ulaakunoosebensa cankusu, kwaamba ayi bukukushile shakulya nshooelete.

1 Baami 17:12

Lakwe wakakumbula ayi, “Kweelana ambocibete lushinisho ayi Mwaami Lesa, Lesa wanu ngumuumi, mbweeke ubo nshiciteewo shinkwa. Ndicitebo tufulaulo tuniini mumbale atufuta twa olifi munkomeshi. Ndesa kokuno mukutepa nkuni akutola kuŋanda mukuteleka tuniini uto twakulya nebo amwanaangu. Ico nceshi cibe cakulya cesu cakweelaako, lyalo tulaakufwa kunsala.”

2 Baami 1:2

Mwaami Aasiya wakaloka pambwelyo ya cipinda ca peculu ca ŋanda yakwe muSamaliya akulicisa abuumbi. Lyalo wakatuma beshinkombe kuya mukwiipusha Baali Sebubu lesa wa kuEkiloni ndabala inene ya bene Filisiti ayi na ulaakuba kabotu.

2 Baami 1:6

Abalo bakakumbula ayi, “Twakumana amusankwa uyo watwaambila ayi tubooleemo akwisa mukumulwiita maswi aswa kuMwaami Lesa akwaamba ayi, ‘Sa nceebo cakwaamba ayi taamu Lesa muIsilaeli ncemutooita mukwiipusha kuli Baali Sebubu, lesa wa kuEkiloni?’ Paceebo ceeco teshi mukabukeewo kuswa pabulo bwanu apo, ncakwiila mulaakufwa!”

2 Baami 5:27

Ono bulya bulwashi bwakwe Naamani bwa manata butoosa pali ndiwe abamulunyungu bako boonse kwamuyayaya!” Mpomunyaawo Geyasi ndyaakaswaawo wakaba amanata. Cikanda cakwe cakaboolaabo tututu anga ncaandwa.

Jobo 21:25

Sombi bamwi balafwa kaboongumene abuumbi mumyoyo, kufwabo kabatana kulyaawo shibotu mubuumi bwabo.

Kulumbaisha 102:9

Ceebo ndalya milota anga ncakulya, akunwa shisenkene aminsonshi

Kulumbaisha 127:2

Mulalipenshabo kubuka macuunsacuunsa alimwi akucelwa kuya mukoona, kwaamba ayi mucane cakulya kwiinda mukuyuwaana. Ceebo Mwaami Lesa ulapa cakulya kubaabo mbwaasuni kabacilete.

Kulumbaisha 39:6

Anu ndushinisho muntu nabi uleenda, ulibo anga ncimfule. Shintu shoonse nshaacita taaku mboshibete. Muntu ulabunjika buboni kaateshi aweshi akabubweese.

Kulumbaisha 78:33

Lyalo wakabatimbwita nshiku sha buumi bwabo cakubula mpindu. Wakabatimbwita myaaka yabo mukunyonyoolwa cakutengashila.

Shikushimikila 2:10

Shoonse nshendakalinga kusuni ndakashicana, Nshikwe kukaka kupa moyo wangu shakulisangalasha shili shoonse. Moyo wangu wakakondwa mumilimo yangu yoonse. Aboobo ici cakaba ncecilambu cakaswa mumilimo yangu.

Shikushimikila 2:23

Nshiku shakwe shoonse milimo ilaleta kulisukama amapensho. Ncakwiila nabi mashiku miyeeyo yakwe tayookeshiiwo, sobwe. Ici acalo taaku mbocibete.

Shikushimikila 2:24

Anu cintubo ciindaawo kubota muntu nceenga wacita nkulya, kunwa akusangalala musheesho nshaakayuwila. Ono ndaboona ayi ici acalo cilaswa kuli Lesa

Shikushimikila 7:14

Na shintu shakweendela kabotu, kosekelela. Ono na shakweendela cibiibi, ibaluka kwaamba ayi Lesa ulalengesha shintu shobilo isho kucitika. Aboobo muntu taakoonshi kwishiba buumi bwakwe bwakunembo.

Milimo ya Batumwi 12:23

Paciindi ceenka ico munjelo wa Mwaami Lesa wakalengesha Elodi kuciswa mukwiinga taakwe kupa bulemu kuli Lesa. Mpeeke mapila akamulya, wafwa.