Shikushimikila 4:9 - Baibo Busansulushi Bwa Libuku Ili

⁹ Bekala bobilo bali kabotu kwiinda muntu womwi mukwiinga bobilo balacana mpindu inene kwiinda womwi.

Shikushimikila 4:9 Marejeleo ya Msalaba

Matalikilo 2:18

Ono Mwaami Lesa wakaamba ayi, “Tacibete kabotu musankwa kwikala eenka. Ntoomupangila shikumucafwa umweelete.”

1 Makani 19:12

Mpeeke Joabu wakaambila Abishayi ayi, “Na bene Silya banjumine kubakoma, webo inga wesa wamfunaako. Sombi na bene Amoni bakuyumine kubakoma, ingayi nebo ntoosa mukukufunaako.

Tushimpi 27:17

Bweenka ceela mbocinonwa kuceelanyina mbweeke ubo muntu mbwaapekwa maano kumuntunyina.

Shikushimikila 4:10

Na umwi wawa panshi, mubye ulamucafwa kunyamuka. Sombi mapensho kuli wooyo wawa utacite wakumubushaako.

Shikushimikila 4:8

Kwakalinga musankwa uyo wakalingabo eenka. Taakalinga kucitewo mwaana musankwa nabi mukwabo. Wakalinga kusebensa cakutookeshaawo, nakubi boobo taakwe kukondwa abubile ubo mbwaakalinga kucite. Wakeepusha ayi, “Ino ngani ngoontoosebensela? Ino ceebonshi ntoolikasha kusangalala?” Ici acalo taaku mbocibete, ee, uku nkupengelabo kapongo kafwite!

Agayi 1:14

Ono Mwaami Lesa wakasonkomona muuya wakwe Selubabelo mwanaakwe Sheyalutyelo, mweendeleshi wa cishi ca Juda, muuya wakwe Joshuwa mwanaakwe Jeosadaki, mupailishi munene, amuuya wa bantu abo bakalinga bacaalaawo. Aboobo bakatalika kuyakulula Ŋanda ya Mwaami Lesa Shinkusu shoonse, Lesa wabo.

Shakubelenga 11:14

Nebo neenka inga nshicikoonshi kweendelesha bantu boonse aba, mulimo uyu wankomenena!

Maako 6:7

Jesu wakabunganya bashikwiiya bakwe bali likumi abobilo, wabatuma bobilo bobilo akubapa nkusu shakukusha bashikaswa.

Joni 4:36

Shikutebula utoofola alimwi utooshiyobolweta kubuumi butamaani. Aboobo shikushanga ashikutebula balaakusangalalila pantu pomwi.

Milimo ya Batumwi 13:2

Ndibakalinga kupaila akulikasha kulya, Mushimu Usalashi wakabaambila ayi, “Amubenge Banabasi aSaulo kwaamba ayi bansebensele mulimo ngondakabasalila.”

2 Joni 1:8

Amucenjele kwaamba ayi mutasowi ceeco ncemwakasebensela, sombi mukatambule cilambu canu coonse.

Lute 2:12

Mwaami Lesa aakupe coolwe pasheesho shoonse nshewakacita. Mwaami Lesa, Lesa wa bene Isilaeli uyo ngowesa mukulishisaako aakupe cilambu cinene!”