Shikushimikila 3:19 - Baibo Busansulushi Bwa Libuku Ili

¹⁹ Ceebo shintu shicitikila kubantu, shilacitikila abanyama. Bweenka bufwa muntu alakwe munyama mbwaafwa. Paceebo ceeco muntu taaindi munyama. Muntu amunyama balicite buumi bwa mushobo womwi. Ncakwiila shintu shoonse taaku mboshibete.

Shikushimikila 3:19 Marejeleo ya Msalaba

2 Samwelo 14:14

Soonse tulyeelete kufwa. Ono nditufwa buumi bwesu bulababo anga ngamaanshi apukulwa atakonshaniki kuyolwa. Lesa lakwe taanyayi buumi, sombi ulalangoola nshila yakuboosha mwanaakwe kuswa mucishi ncaakalobokelaako.

Kulumbaisha 104:29

Na mwashifutatila shilaloonda abuumbi, Na mwashinyaya muuya wanu shilafwa, shilaboolela kubulongo uko nkoshakaswa.

Kulumbaisha 49:12

Muntu taanungilwi buumi kububoni bwakwe buunji. Sombi ulyeelete kufwa bweenka mbuli banyama.

Kulumbaisha 49:13

Ono iyi njenshila ya bantu bacinka manungo muli mbabo beene. Ee, aya ngomeelelesho a baabo bacinkite manungo mububoni bwabo.

Kulumbaisha 49:20

Anu muntu taanungilwi buumi kububoni bwakwe buunji. Sombi ulyeelete kufwa bweenka mbuli banyama.

Shikushimikila 1:14

Ono shintu shoonse shicitikwa pacishi ca panshi ndashibona. Ncakwiila shoonse taaku mboshibete, ee, cilibo anga nkutandaanya muuwo.

Shikushimikila 1:17

Ndakalyaaba kwaamba ayi nshibe bupusano pabusongo abuluya, sombi cakababo anga nkutandaanya muuwo.

Shikushimikila 2:14

Musongo ulaya cibona nkwaatooya, sombi muluya uleenda mumunshinshe. Sombi ndakabona kwaamba ayi boonse bobilo balacitikilwa cintu ca mushobo womwi.

Shikushimikila 2:16

Basongo abaluya boonse teshi bakeebalukweewo kwaciindi cilaamfu. Ee, mushinku shitoosa boonse bobilo balaakulubwa. Ncakwiila muluya amusongo boonse bobilo balaakufwa.

Shikushimikila 7:2

Ncibotu kuya kuŋanda ya malilo kwiinda kooko kuli kusekelela mukwiinga lufu ngomeelelesho a muntu uli woonse. Bantu boomi balyeelete kuyeeya pacikani ici.

Shikushimikila 9:12

Peculu lya waawo, taaku muntu ushi ciindi cakwe. Bweenka mbuli nswi shacatwa mukoombe nabi bayuni bacatwa mukoose, mbweeke ubo bantu balacatwa mutoose twa shiindi sha bubi isho shibapolela kabateengashite.

Shikushimikila 9:2

Boonse balacitikilwa shintu sha mushobo womwi, baluleme abamucita shibi, babotu abaabo bataciti shibotu, basalalite abatasalalite kweelana aMilawo, babenga milambu abaabo batabengi. Bweenka mbocibete kumuntu mubotu, mbweeke ubo mbocibete akumucita shibi. Bweenka mbocibete kubaabo bashomesha cakulumbila, mbweeke ubo mbocibete akubaabo baloonda kushomesha.

Shakubelenga 16:29

Na bantu aba bakafwe lufubo, nkokwaamba ayi teshi Mwaami Lesa wakantuma.