Shikushimikila 2:22 - Baibo Busansulushi Bwa Libuku Ili

²² Ono pacishi ca panshi nimpindunshi iswa mukusebensa cankusu akulisukama?

Shikushimikila 2:22 Marejeleo ya Msalaba

Kulumbaisha 127:2

Mulalipenshabo kubuka macuunsacuunsa alimwi akucelwa kuya mukoona, kwaamba ayi mucane cakulya kwiinda mukuyuwaana. Ceebo Mwaami Lesa ulapa cakulya kubaabo mbwaasuni kabacilete.

Tushimpi 16:26

Nsala ilalengesha musebenshi kusebensa cankusu ceebo ulisuni kukuta akumana nsala yakwe iyo.

Shikushimikila 1:3

Anu nciinshi muntu ncaacana kuswa kuncito njaacita pacishi ca panshi?

Shikushimikila 2:11

Ndindakabona shintu nshendakacita, amilimo njendakasebensa amaansaangu, ndakacana ayi shoonse ishi taaku mboshibete. Cakababo anga nkutandaanya muuwo. Taaku mpindu njendakacana pacishi ca panshi.

Shikushimikila 3:9

Ino nciinshi musebeshi ncaacana mukusebensa cankusu kwakwe?

Shikushimikila 4:6

Ncibotu kuba akaniini kooli muluumuno kwiinda kuba ashiinji mukusebensa amaansa obilo kweelesha kucata muuwo.

Shikushimikila 4:8

Kwakalinga musankwa uyo wakalingabo eenka. Taakalinga kucitewo mwaana musankwa nabi mukwabo. Wakalinga kusebensa cakutookeshaawo, nakubi boobo taakwe kukondwa abubile ubo mbwaakalinga kucite. Wakeepusha ayi, “Ino ngani ngoontoosebensela? Ino ceebonshi ntoolikasha kusangalala?” Ici acalo taaku mbocibete, ee, uku nkupengelabo kapongo kafwite!

Shikushimikila 5:17

Nshiiku sha buumi bwakwe shoonse nsha mumunshinshe amubuumba, ee, mukulisukama, mumapensho alimwi amubukali.

Shikushimikila 8:15

Anu bulya nebo ndashinisha kwaamba ayi muntu ulyeeletebo kusangalala mukwiinga taaku cibotu cicanika pano pacishi ca panshi kwiinda kulya, kunwa alimwi akusangalala. Na wacita boobo, ulaakunoosangalete mumilimo ya nshiku shoonse sha buumi bwakwe ubo Lesa mbwaakamupa pacishi ca panshi.

Mateyo 16:26

Ino mbubotunshi buliimo, na muntu waba ashintu shoonse shili mucishi ca panshi, sombi buumi bwakwe bwancinencine wabusowa? Taamuuwo! Nciinshi muntu nceenga walipila kwaamba ayi acane buumi bwancinencine alimwi?

Mateyo 6:11

Amutupe sunu shakulya nshetubula.

Mateyo 6:25

“Paceebo ceeco, ntoomwaambila ayi mutalisukami mubuumi bwanu, ayi na ndaakulyanshi nabi kunwa nabi ayi nkafwalenshi? Sa buumi tabuyandiki kwiinda cakulya, awalo mubili sa tauyandiki kwiinda shakufwala?

Mateyo 6:34

Paceebo ceeco, mutanoolisukama asha ciilo mukwiinga sha ciilo nsha ciilo. Anu bushiku boonse bulicite mapensho a mbubo.

Luka 12:22

Kuswawaawo Jesu wakaambila bashikwiiya bakwe ayi, “Paceebo ceeco ntoomwaambila ayi mutalisukami pabuumi bwanu ayi na ndaakulyanshi nabi mubili wanu ayi nkafwalenshi.

Luka 12:29

“Anu mutanoolisukama nabi kuyeeya bunene nceshi mulye nabi kunwa.

1 Bene Kolinto 16:16

mukonkele butanjilili bwa bantu bamushobo wooyu, abamwi batoosebensela pantu pomwi ambabo.

Bene Filipi 4:6

Mutanoolisukama pacintu nabi comwi, sombi mumipailo yanu yoonse amusenge shintu shoonse nshemutacite kuli Lesa. Kamusenga amoyo wakulumba lyoonse.

1 Timoti 6:8

Ono aboobo na katucite shakufwala ashakulya ingayi twakwaana.

1 Pita 5:7

Amutole kulisukama kwanu koonse kuli nguwe ceebo ngoomulama.