Shikushimikila 2:14 - Baibo Busansulushi Bwa Libuku Ili

¹⁴ Musongo ulaya cibona nkwaatooya, sombi muluya uleenda mumunshinshe. Sombi ndakabona kwaamba ayi boonse bobilo balacitikilwa cintu ca mushobo womwi.

Shikushimikila 2:14 Marejeleo ya Msalaba

Kulumbaisha 19:10

Kulayandika kwiinda golodi, ncakwiila golodi wiine wiine. Kulicite mise kwiinda buuci, ee, kwiinda mulolo uswa kumpuma.

Kulumbaisha 49:10

Ndushinisho basongo abalo balafwa, batacite maano boonse balaloba, akunooshiyabo buboni bwabo kubamwi.

Kulumbaisha 49:11

Shuumbwe shabo ngomaandaabo a lyoonse alyoonse, shilaakuba njemisena yabo yakwikalaamo kwamuyayaya nabi kakuli misena njebakatumba meenaabo.

Tushimpi 14:8

Busongo bwa muntu ucenjete nkutaanguna kuyeeya pamicito yakwe, sombi buluya bwa baluya bulabalubya beene.

Tushimpi 17:24

Muntu ucite maano akunyumfwisha shintu ulashinkamanabo kucita shabusongo, sombi muluya ulaya bupulumpuntabo cishi coonse.

Shikushimikila 2:16

Basongo abaluya boonse teshi bakeebalukweewo kwaciindi cilaamfu. Ee, mushinku shitoosa boonse bobilo balaakulubwa. Ncakwiila muluya amusongo boonse bobilo balaakufwa.

Shikushimikila 3:19

Ceebo shintu shicitikila kubantu, shilacitikila abanyama. Bweenka bufwa muntu alakwe munyama mbwaafwa. Paceebo ceeco muntu taaindi munyama. Muntu amunyama balicite buumi bwa mushobo womwi. Ncakwiila shintu shoonse taaku mboshibete.

Shikushimikila 6:6

nabi muntu uyo wekala myaaka ili shuulu shobilo kwakubula kusangalalilawo mukuswitilila kwakwe. Ncakwiila boonse bobilo balaya kumusena womwi.

Shikushimikila 6:8

Anu musongo uleendawonshi pamuluya? Ino mukandu nimpindunshi njaacana mukwishiba bwakulilemeka kunembo lya bamwi?

Shikushimikila 7:2

Ncibotu kuya kuŋanda ya malilo kwiinda kooko kuli kusekelela mukwiinga lufu ngomeelelesho a muntu uli woonse. Bantu boomi balyeelete kuyeeya pacikani ici.

Shikushimikila 8:1

Ngani uli anga ngumusongo? Ngani weenga weshiba kusansulula shintu shoonse? Busongo bulalengesha muntu kusangalala alimwi bulamana mikonya pameenso akwe.

Shikushimikila 9:11

Kuli acimwi cintu ncendakabona pacishi ca panshi. Mulubilo lwakushiyana teshibo baabo boobite kumyeendo bashiya bamwi. Teshibo bayumu bakoma munkondo. Teshi basongo bacana shakulya lyoonse. Teshi bacenjete bacana buboni lyoonse alimwi teshi beeite basumpuka lyoonse, sombi boonse balashamwa pashiindi shipusenepusene.

Shikushimikila 9:16

Nebo lyoonse ndaamba ayi busongo mbubotu kwiinda nkusu. Sombi taaku nabi womwi uyeeya mukandu ayi ngumusongo nabi ubika maano kushintu nshaamba.

1 Joni 2:11

Sombi uyo upatite mubye uli mumunshinshe. Uleenda muli nguwo alimwi ankwaatooya taakwishi ceebo munshinshe wamulengesha kupofola.