Shikushimikila 12:8 - Baibo Busansulushi Bwa Libuku Ili

⁸ Shikushimikila wakaamba ayi, “Taaku mboshibete! Taaku mboshibete! Ncakwiila taaku mboshibete! Shintu shoonsebo taaku mboshibete.”

Shikushimikila 12:8 Marejeleo ya Msalaba

Kulumbaisha 62:9

Bakandu mboobubo anga ngumuuwo, abalo babile balibo anga ngumuuya wayoyekwa linkanda lyomwi. Na babikwa pacipimo taaku mbobalema, boonse pantu pomwi balyuubitebo anga ngumuuya wayoyekwa linkanda lyomwi.

Shikushimikila 1:1

Aya ngamaswi a Shikushimikila mwanaakwe Defedi uyo wakalinga mwaami muJelusalemu.

Shikushimikila 1:12

Nebo neshikushimikila, ndakalinga mwaami wa bene Isilaeli muJelusalemu.

Shikushimikila 1:14

Ono shintu shoonse shicitikwa pacishi ca panshi ndashibona. Ncakwiila shoonse taaku mboshibete, ee, cilibo anga nkutandaanya muuwo.

Shikushimikila 1:17

Ndakalyaaba kwaamba ayi nshibe bupusano pabusongo abuluya, sombi cakababo anga nkutandaanya muuwo.

Shikushimikila 1:2

Wakaamba ayi, “Taaku mboshibete! Taaku mboshibete! Ncakwiila taaku mboshibete! Shintu shoonsebo taaku mboshibete.”

Shikushimikila 2:17

Kuswawaawo buumi ndakabupata ceebo milimo icitwa pacishi ca panshi yakandetelabo mapensho. Yoonse taaku mboibete, yakababo anga nkutandaanya muuwo.

Shikushimikila 4:4

Ndakabona alimwi ayi milimo yoonse akuswitilila koonse kwa muntu shilaswa kulunkumbwa lwa munyono pamubye. Ono ici coonse taaku mbocibete, cilibo anga nkutandaanya muuwo.

Shikushimikila 6:12

Buumi bwa muntu mbufwaafwi alimwi taaku mbobubete. Ncakwiila buleendabo anga ncimfule. Ino ngani ushi cibotu kuli nguwe? Ngani weenga wakonsha kwishiba ceshi cikacitike pacishi ca panshi lakwe aakufwa?

Shikushimikila 8:8

Taaku muntu ucite nkusu shakwiimika muuwo. Mbweeke ubo taaku muntu ucite nkusu shakukasha lufu lwakwe. Bweenka shilumamba mbwaatakonshi kutandwa muciindi ca nkondo, mbweeke ubo bubi teshi bukafuune baabo babucita.