Shikushimikila 12:5 - Baibo Busansulushi Bwa Libuku Ili

⁵ Ulaakunooloonda kutanta tulundu tulaamfu nabi kuya ceenda mumikwakwa. Ulaakuba amfwi mumutwi kukucembela alimwi cilaakuba ciyumu kweenda kuli ndiwe. Teshi ukanoociteewo nkusu shakucita cili coonse. Muntu ulaakuya kumusena wakwe wamuyayaya alimwi kulaakuba kulila mumikwakwa.

Shikushimikila 12:5 Marejeleo ya Msalaba

Matalikilo 42:38

Sombi Jakobo wakaamba ayi, “Mwanaangu taakoonshi kuya awebo. Mukwabo ulifwite, ono ngowacaalabo eenka. Cimwi cintu inga cacitika munshila. Ndacembela, aboobo buumba mbweenga wandetela inga bwancaya.”

Matalikilo 44:29

Ono bulya na mubwese awooyu, cimwi cicitike kuli nguwe, inga mwanengesha buumba bweshi bukancaaye kweelana ambondacembela bulya.’

Matalikilo 44:31

babone ayi taapo, ncakwiila batoofwa. Swebo sobasha banu tutoolengesha bata abo bacembela kufwa kubuumba.

Jobo 15:10

Bacite mfwi abacembele bali kulubasu lwesu, ncakwiila abo bakashalwa baiso kabatana.

Jobo 17:13

Ono nceentoolangilabo nkuya mumusena wa bafu. Uko ndaakoona mumunshinshe.

Jobo 30:23

Ndeshiba kale ayi mutoontola kulufu. Ndushinisho mutoontola kuya bantu boonse.

Kulumbaisha 71:18

Ono bulya mbondacembela, amumutwi mbomwatuba kumfwi, mutamfutatili nobaLesa kushikila nkaambilishe nkusu shanu kulishalane licisa kunembo. Ee, nkaambilishe nkusu shanu kubaabo bacisa mukushalwa.

Tushimpi 16:31

Imfwi ngumushini wa bulemu. Kubaasho cilaamba ayi muntu ulicite buumi bululeme.

Tushimpi 20:29

Bulemu bwa basankwa bacikula bwangu ninkusu shabo, abwalo bulemu bwa bamacembele nimfwi shabo.

Shikushimikila 9:10

Mulimo woonse wapolela mumaansaako, usebense cankusu mukwiinga mucuumbwe momutooya taaku kusebensa, kupanga miyeeyo, lushibo nabi busongo.

Isaya 46:4

Nebo ndi Lesa wanu alimwi ndanoomulama kushikila misusu yanu yaakutuba kukucembela. Ndakamulenga alimwi ndanoomulama. Ndanoomucafwa alimwi ndanoomufuna.”

Jelemiya 1:11

Kuswawaawo Mwaami Lesa wakanjipusha ayi, “Jelemiya nciinshi ncewabona?” Anebo ndakakumbula ayi, “Ndaboona musampi wa cisamu ciitwa ayi alumondi.”

Jelemiya 9:16

Ndaakubapalanganishisha pakati ka mishobo iyo balo nabi bamashali babo bakulukulu njebatakwe kwishibaawo. Ndaakubatandaanya amakoto a bashilumamba kushikila nkabanyonyoole cakumaninina.’ ”

Bene Lefi 19:32

“Kamubonesha bulemu kubamanene alimwi akubalemeka. Kamumpa bulemu akunyumfwila. Nebo ndime Mwaami Lesa.

Bene Ebulu 9:27

Muntu uli woonse ulafwa linkanda lyomwi, kuswawaawo ndyaaomboloshekwa.