Shikushimikila 10:20 - Baibo Busansulushi Bwa Libuku Ili

²⁰ Utatukani mwaami nabibo mumiyeeyo yako. Utashingani mubile mucipinda ncoonaamo mukwiinga kayuni keenda mwiculu inga katola maswi ako. Ee, kayuni kooluka inga kaya mukuluula nceenga waamba.

Shikushimikila 10:20 Marejeleo ya Msalaba

2 Baami 6:12

Umwi wakakumbula ayi, “Taakuuwo nomulemekwa. Ulyeelete kuba Elisha mulaluki mwine Isilaeli ulwiita mwaami wa bene Isilaeli shoonse nshemwaamba cabushishi mucipinda canu.”

Esita 2:22

Modekayi wakanyumfwa makani aya akwaambila Esita muka mwaami, uyo wakaya mukwaambila mwaami makani ayo Modekayi ngaakamwaambila.

Kulonga 22:27

mukwiinga ncecakufwala ca peculu ceenkabo ncaacite cakumufunako kumpewo. Ino inga walifwekanshi pakoona? Taaku. Ono na wandilila, ncakwiila ndaakumucafwa mukwiinga ndishinkumbu.

Kulonga 22:28

“Mutancoboli neLesa, nabi kushingana muleli wa bantu bene mishaanu.

Kulonga 8:3

Mulonga wa Nailo utoosula abuumbi babombwe cakwaamba ayi batooswaamo akuya mukwinjila muŋanda yako ya bwaami, mucipinda ncewoonaamo, pabulo bwako, mumaanda a bacinenenene bako alimwi abantu bali mucishi cako. Balaakwinjila amoomo momupangila shinkwa alimwi amumbale shakupangilaamo shinkwa.

Isaya 8:21

Ono bantu balaakwiingaila mucishi ca panshi kabatyongwete akufwa nsala. Muciindi ico balaakushingana mwaami wabo aLesa wabo ceebo ca nsala abukali. Balaakunoolanga kwiculu

Luka 10:40

Ciindi ico Malita ncito yakamufulila. Paceebo ceeco wakaya kuli Jesu akwaamba ayi, “Nkambo, sa tamubwene ayi nankashi yangu wandekela milimo yoonse? Amumwaambile ese ancaafwe.”

Luka 19:40

Jesu wakakumbula ayi, “Ntoomulwiita ayi na aba boomune, mabwe atokoolobesha ngawo.”

Milimo ya Batumwi 23:5

Paulo wakakumbula ayi, “Nobamakwesu, nshindalinga kwishi kwaamba ayi ngumupailishi munene mukwiinga Malembo akwe Lesa alaamba ayi, ‘Tooelete kwaambila muleli wa bantu bako maswi abiibi.’ ”