Shikushimikila 1:17 - Baibo Busansulushi Bwa Libuku Ili

¹⁷ Ndakalyaaba kwaamba ayi nshibe bupusano pabusongo abuluya, sombi cakababo anga nkutandaanya muuwo.

Shikushimikila 1:17 Marejeleo ya Msalaba

Kulumbaisha 73:16

Ndindakeelesha kunyumfwisha shintu ishi, sombi shakanjumina abuumbi kushinyumfwisha

Shikushimikila 12:8

Shikushimikila wakaamba ayi, “Taaku mboshibete! Taaku mboshibete! Ncakwiila taaku mboshibete! Shintu shoonsebo taaku mboshibete.”

Shikushimikila 2:17

Kuswawaawo buumi ndakabupata ceebo milimo icitwa pacishi ca panshi yakandetelabo mapensho. Yoonse taaku mboibete, yakababo anga nkutandaanya muuwo.

Shikushimikila 2:3

Mukukonkela busongo ubo ndakeelesha kulisangalasha awaini sombi ndakabaabo muluya. Ndakalinga kusuni kwishiba cintu ceelete kucita bantu munshiku shiniini sha buumi bwabo pacishi ca panshi.

Shikushimikila 3:19

Ceebo shintu shicitikila kubantu, shilacitikila abanyama. Bweenka bufwa muntu alakwe munyama mbwaafwa. Paceebo ceeco muntu taaindi munyama. Muntu amunyama balicite buumi bwa mushobo womwi. Ncakwiila shintu shoonse taaku mboshibete.

Shikushimikila 4:4

Ndakabona alimwi ayi milimo yoonse akuswitilila koonse kwa muntu shilaswa kulunkumbwa lwa munyono pamubye. Ono ici coonse taaku mbocibete, cilibo anga nkutandaanya muuwo.

Shikushimikila 4:6

Ncibotu kuba akaniini kooli muluumuno kwiinda kuba ashiinji mukusebensa amaansa obilo kweelesha kucata muuwo.

Shikushimikila 6:9

Ncibotu kusangalala mucintu ciliiwo kwiinda kunookumbwa ncootacite. Acalo ici taaku mbocibete, cilibo anga nkutandaanya muuwo.

Shikushimikila 8:16

Ndindakalinga kuyandoola busongo akulangishisha mulimo ucita muntu pacishi ca panshi, ndakabona ayi nabi ndabuula koona malumwi amashiku,

Shikushimikila 9:3

Ici mbobubi buli mushintu shoonse shicitika pacishi ca panshi. Shoonse cililo ca nkumo ncimwi. Kulilabo na bantu bacili boomi, balayeeya shintu shibiibi alimwi ashabushincinko. Lyalo kumeelelesho balafwa.

1 Bene Tesalonika 5:21

sombi mubone kwaamba ayi na makani ayo alaswa kuli Lesa. Lyalo mwakonkela aayo abotu