Shikushimikila 1:14 - Baibo Busansulushi Bwa Libuku Ili

¹⁴ Ono shintu shoonse shicitikwa pacishi ca panshi ndashibona. Ncakwiila shoonse taaku mboshibete, ee, cilibo anga nkutandaanya muuwo.

Shikushimikila 1:14 Marejeleo ya Msalaba

Shikushimikila 12:8

Shikushimikila wakaamba ayi, “Taaku mboshibete! Taaku mboshibete! Ncakwiila taaku mboshibete! Shintu shoonsebo taaku mboshibete.”

Shikushimikila 2:11

Ndindakabona shintu nshendakacita, amilimo njendakasebensa amaansaangu, ndakacana ayi shoonse ishi taaku mboshibete. Cakababo anga nkutandaanya muuwo. Taaku mpindu njendakacana pacishi ca panshi.

Shikushimikila 2:17

Kuswawaawo buumi ndakabupata ceebo milimo icitwa pacishi ca panshi yakandetelabo mapensho. Yoonse taaku mboibete, yakababo anga nkutandaanya muuwo.

Shikushimikila 2:26

Ncakwiila kuli wooyo usangalasha Lesa, lakwe ulapa busongo, lushibo alimwi akukondwa. Sombi kumucita shibi ulapa mulimo wakubunganya akusunga buboni kwaamba ayi akabupe wooyo usangalasha Lesa. Ici acalo taaku mbocibete, cilibo anga nkutandaanya muuwo.

Shikushimikila 3:19

Ceebo shintu shicitikila kubantu, shilacitikila abanyama. Bweenka bufwa muntu alakwe munyama mbwaafwa. Paceebo ceeco muntu taaindi munyama. Muntu amunyama balicite buumi bwa mushobo womwi. Ncakwiila shintu shoonse taaku mboshibete.

Shikushimikila 4:16

Bantu bakamukonkela tebakalinga kubelengekwa, sobwe. Sombi ndipakeenda myaaka, taaku nabi womwi wakalinga kumulumbaisha. Ici acalo taaku mbocibete, cilibo anga nkutandaanya muuwo.

Shikushimikila 4:4

Ndakabona alimwi ayi milimo yoonse akuswitilila koonse kwa muntu shilaswa kulunkumbwa lwa munyono pamubye. Ono ici coonse taaku mbocibete, cilibo anga nkutandaanya muuwo.

Shikushimikila 4:6

Ncibotu kuba akaniini kooli muluumuno kwiinda kuba ashiinji mukusebensa amaansa obilo kweelesha kucata muuwo.

Shikushimikila 6:9

Ncibotu kusangalala mucintu ciliiwo kwiinda kunookumbwa ncootacite. Acalo ici taaku mbocibete, cilibo anga nkutandaanya muuwo.

Shikushimikila 8:16

Ndindakalinga kuyandoola busongo akulangishisha mulimo ucita muntu pacishi ca panshi, ndakabona ayi nabi ndabuula koona malumwi amashiku,