Shakubelenga 28:11 - Baibo Busansulushi Bwa Libuku Ili

¹¹ “Pabushiku butaanshi bwa mweenshi uli woonse balyeelete kubenga mulambu wakutenta kuli ndime neMwaami Lesa, nkokwaamba ayi bacende baana bobilo, mbelele isankwa, bana ba mbelele basankwa bosanwe abobilo bacite mwaaka womwi, shoonse kashitacite kampenda.

Shakubelenga 28:11 Marejeleo ya Msalaba

2 Baami 4:23

Beebaabo bakeepusha ayi, “Ino utookweendelanshi Sunu? Sunu tabushi bushiku bwa Cibelu nabi bwa Mweenshi Upya.” Mwanakashi uyo wakakumbula ayi, “Tacicite mulandu.”

1 Makani 23:31

alimwi apakubenga milambu yakutenta kuMwaami Lesa pabushiku bwakookesha bwa Cibelu, pabushiku bwa Mweenshi Upya anshiiku shimwibo shakusekelela. Milasho yakapangwa kusansulula mweelo wa bene Lefi beelete kusebensa ciindi aciindi. Bene Lefi bakapekwa mulimo wakulambila Mwaami Lesa ciindi coonse.

2 Makani 2:3

Solomoni wakatuma nkombe kumwaami Ilamu wa kuTaya ayi, “Atusebensele pantu pomwi bweenka mbomwakalinga kusebensa abata baami baDefedi ndimwakoolisha shisamu sha sida shakuyakisha ŋanda yabo ya bwaami.

2 Makani 2:4

Ntooyaka Ŋanda yakwe Lesa yakulambililaamo Mwaami Lesa, Lesa wangu. Ilaakuba ŋanda isalalite uko nebo abantu boonse nkweshi tukanoobalambila mukutenta tununkila kabotu kunembo lyakwe akupa shipo sha shimaande shisalalite kuli nguwe lyoonsebo. Ncakwiila uko nkweshi tukanoobengela milambu yakutenta macuunsa amacolesha, pabushiku abushiku bwa kookesha bwa Cibelu alimwi apanshiku shakusekelela Mweenshi Upya kubikaawo anshiiku shimwi shakusekelela mukupa bulemu Mwaami Lesa, Lesa wesu. Ici cilaakunoocitika kwalyoonse alyoonse kweelana abwakaamba Mwaami Lesa.

2 Makani 8:13

Wakabenga milambu yakutenta iyo kweelana aMilawo yakwe Mose yakubenga nshiku shakookesha sha Cibelu, bushiku bwa Mweenshi Upya anshiiku shimwi shakusekelela sha pamwaaka amwaaka mbuli bushiku bwakusekelela kulya Cimaande, bushiku bwakusekelela Kutebula alimwi abushiku bwakusekelela kwa Shimpaka.

Esila 3:5

Kuswawaawo bakatalika kubenga milambu yakutenta ya lyoonse, milambu ya mweenshi upya, aya pakusekelela kusalitwe koonse kwakulambila Mwaami Lesa, pantu pomwi amilambu yakulyaaba yoonse ipekwa kuli nguwe.

Neyemiya 10:33

KuŊanda yakwe Lesa tunanooleta shintu ishi. Shimaande shisalalite shibikwa patebulu, shipo sha shili anga ngamaila sha bushiku abushiku, milambu yakutenta, shipo sha pabushiku bwakookesha bwa Cibelu, shipo sha pakusekelela Mweenshi Upya, shipo shakusekelela kumwi koonse, shipo shimwi shisalalite, milambu yakulekelela shibiibi sha bene Isilaeli alimwi ashintu shoonse shiyandika muŊanda yakwe Lesa.

Kulumbaisha 40:6

Mwebo tamusangalalili mumilambu nabi mushipo. Milambu yakutenta nabi yakumana shibiibi tamucite asho ncito. Sombi nebo mwakampa matwi akunyumfwila ndimwe.

Kulumbaisha 40:8

NoBaami baLesa ndisunishi kucita kuyanda kwanu. Ee, milawo yanu moili mumoyo wangu.”

Kulumbaisha 81:3

Amulishe lupeenga lwa lwiica lwa mbelele isankwa, paciindi mweenshi ndyeubala, alimwi andyeukoma pabushiku bwakusekelela kwesu.

Kulumbaisha 81:4

Uyu ngomulawo wa bene Isilaeli, ngomulasho wakapa Lesa wakwe Jakobo.

Isaya 66:23

Lyalo bantu bamumishobo yoonse balaakunoosa kuJelusalemu mukulambila lyoonse panshiku sha kusekelela myeenshi ipya alimwi apanshiku shakookesha sha Cibelu.” Mwaami Lesa waamba.

Esekelo 46:1

Mwaami Lesa Shinkusu shoonse wakaamba ayi, “Mwinjililo wakwicwe uya kulubansa lwa mukati ulyeelete kunoocalitwebo panshiku shosanwe abomwi shakusebensa akucalulwa pabushiku bwakookesha bwa Cibelu alimwi apabushiku bwakusekelela Mweenshi Upya.

Esekelo 46:6

Pabushiku bwakusekelela Mweenshi Upya, ulyeelete kubenga mucende mwaana, bana ba mbelele bali bosanwe awomwi alimwi ambelele isankwa, shoonse kashitacite tumpenda.

Esekelo 46:7

Pamucende womwi awomwi ambelele isankwa yomwi ayomwi ulyeelete kwiilikaawo acipo ca malita ali 17.5 a fulaulo. Apalo pamwanaambelele womwi awomwi ulyeelete kwiilikaawo amweelo wa shipo uli woonse ngweenga kaasuni. Pacipo comwi acomwi ca fulaulo, ulyeelete kwiilikaawo amalita ali 3 a mafuta a olifi.

Osiya 2:11

Ndaakumanisha kusekelela kwabo koonse. Nkokwaamba ayi, kusekelela kwa pamwaaka, kusekelela kwa Myeenshi ipya, nshiku shakookesha sha Cibelu, ee, kusekelela kwabo koonse.

Bene Lefi 1:13

Ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 1:3

“Na utoobenga mulambu wakutenta kuswa mulitanga lya ŋombe shakwe, ulyeelete kuleta mucende utacite kampenda kali koonse. Ulyeelete kumuleta pamulyango wa Tente ya Cipangano kwaamba ayi nebo neMwaami Lesa nkootambule.

Bene Lefi 1:9

Muntu uyo ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Amosi 3:5

Sa kayuni kalacatwa mukoose na taaku wakateya? Sa koose kalafupuka na taaku ceendaawo?

Amosi 8:5

Mwebo mulaamba ayi, ‘Kusekelela kwa Mweenshi Upya kulaakumana lili kwaamba ayi tukoolishe shili anga ngamaila shesu? Anu bushiku bwakookesha bwa Cibelu bulaakumana lili kwaamba ayi tukoolishe witi? Lyalo tukatantike mweelo akusebensesha shipimo shakubeca ee, tukanyengelele bantu mukusebensesha shipimo shitaluleme.

Shakubelenga 10:10

Amwalo muciindi cakusangalala mbuli pakusekelela sha Mweenshi Upya alimwi apakusekelela shakupaila kwanu kumwi koonse, mulyeelete kulisha mapeenga pakunoobenga milambu yanu yakutenta alimwi amilambu ya bwanabwankashi. Lyalo ndaakumucafwa. Nebo ndime Mwaami Lesa, Lesa wanu.”

Shakubelenga 28:19

Balyeelete kubenga mulambu wakutenta ayi ngumulambu wa cakulya kuli ndime neMwaami Lesa. Nkokwaamba ayi balyeelete kubenga bacende baana bobilo, mbelele isankwa alimwi abana ba mbelele basankwa bacite mwaaka womwi. Shoonse ishi tasheelete kuba akampenda.

Bene Galatiya 4:10

Mulabona nshiku shimwi ayi nshinene, amyeenshi, shiindi sha mumwaaka alimwi amyaaka imwi.

Bene Kolose 2:16

Paceebo ceeco kutabi muntu nabi womwi weshi akamupe mulandu ceebo ca sheesho nshemulya nabi kunwa, nshiku nshemusekelela mumwaaka, mweenshi upya, nabi pabushiku bwakookesha bwa Cibelu.

Bene Kolose 2:6

Ono ceebo mwakatambula Jesu Klistu akusumina ayi abe Mwaami wanu, amukalilile muli nguwe.

1 Samwelo 20:5

Aboobo Defedi wakaamba ayi, “Bona ciilo nkusekelela kwa Mweenshi Upya alimwi ndyeelete kulya amwaami. Ono leka nje nkayube muluundu kushikila isona macolesha.

1 Samwelo 9:12

Banakashi balya bakakumbula ayi, “Ee, nkwaali alimwi ulibo panembo lyanu. Na mweendeshe mutoomucana washika sunu mundabala ceebo bantu batooyanda kubenga mulambu pakalundu pacipaililo.