Shakubelenga 18:15 - Baibo Busansulushi Bwa Libuku Ili

¹⁵ “Woonse mwaana wakwiiya wa muntu nabi wa munyama uyo wabengwa kuli ndime neMwaami Lesa, ngwanu. Sombi baana bakwiiya boonse ba bantu alimwi abanyama bakwiiya boonse batasalalite kweelana aMilawo balyeelete kunoolubulwa.

Shakubelenga 18:15 Marejeleo ya Msalaba

2 Baami 12:5

Mupailishi womwi awomwi ulyeelete kubwesa maali kuswa kubantu abo mbwaasebensela. Maali ayo alyeelete kusebenseshekwa mukubambulula Ŋanda yakwe Lesa pali poonse payandika boobo.”

Neyemiya 10:37

Tulaakunootola busu butaanshi, shipo sha shili anga ngamaila, shisepo shitaanshi sha kushisamu shesu shoonse, waini upya alimwi amafuta a maolifi kubapailishi ba muŊanda yakwe Lesa. Tulaakunooleta calikumi ca shishango shesu shoonse kubene Lefi, ceebo mbene Lefi beelete kubwesa shalikumi mumishi umo motusebensela.

Kulonga 13:15

Mwaami Falawo wa muIjipiti ndyaakaba shicimpamya akutukasha kuswaamo, Mwaami Lesa wakacaya baana basankwa bakwiiya boonse mucishi ca Ijipiti, ba bantu alimwi aba shifubwa shoonse. Anu nceceeco ncetupeta mulambu wa shifubwa shisankwa shakwiiya kuMwaami Lesa akulubula bana besu basankwa bakwiiya.

Kulonga 13:2

“Amubenge baana basankwa bakwiiya boonse kuli ndime, mukwiinga mwaana musankwa wakwiiya woonse mwine Isilaeli alimwi amwaana musankwa woonse wakwiiya wa shifubwa, boonse mbaangu.”

Kulonga 22:29

“Mulyeelete kumpa shipo kuswa kushakulya shanu, waini wanu alimwi amafuta a olifi na ciindi cashikila. “Mulyeelete kumpa bana banu basankwa bakwiiya.

Kulonga 34:20

Sombi mulyeelete kulubula mwanaambongolo wakwiiya kwiinda mukubengelawo mwanaambelele pamusena wa njiyo. Na mwabula kumulubula, mulyeelete kumutyola nshingo. Bana banu basankwa bakwiiya boonse mukanoobalubula. “Taaku muntu weelete kwisa kuli ndime kaatacite mulambu.

Shakubelenga 18:16

Baana balaakunoolubulwa amaali osanwe a silifa na bakumanya mweenshi womwi, maali ngomunya amweelo wakasuminishikwa.

Shakubelenga 3:13

ceebo baana bakwiiya mbaangu. Ndindakacaya baana basankwa bakwiiya boonse muIjipiti, ndakalibikila palubasu mwaana musankwa wakwiiya woonse wa mwine Isilaeli, alimwi amwaana musankwa wakwiiya wa munyama. Boonse balyeelete kuba baangu, nebo ndime Mwaami Lesa.”

Shakubelenga 3:46

Ceebo cakwaamba ayi baana basankwa bakwiiya ba bene Isilaeli bakeendaawo ba bene Lefi abaana bali 273, mulyeelete kulubula baabo beshi bakasotokeewo.

Dutolonomi 15:19

“Baana basankwa bakwiiya ba ŋombe aba mbelele mukababike palubasu ayi mba Mwaami Lesa, Lesa wanu. Tamweelete kusebensesha ŋombe ishi nabi kucesa mbelele ishi booya.