Shakubelenga 16:38 - Baibo Busansulushi Bwa Libuku Ili

³⁸ Shikaye shakubikawo mulilo isho sha bantu aba bakacaikwa ceebo ca shibiibi shabo shakasalashikwa ndibakashileta kuMwaami Lesa. Ono mushuume ayi shipampamane akuba shakufweka pacipaililo. Ici cilaakuba cicenjesho kubene Isilaeli boonse.”

Shakubelenga 16:38 Marejeleo ya Msalaba

1 Baami 2:23

Mpeeke Solomoni wakashomesha cakulumbila muliina lya Mwaami Lesa ayi, “Lesa aancaaye na mbule kulengesha Adonija kulipila buumi bwakwe pakusenga kwakwe uku!

Tushimpi 1:18

Bantu aba balayubilila bulowa bwabo beene, ndushinisho balaliteyabo toose beene.

Tushimpi 20:2

Bukali bwa mwaami buli anga nkubuluma kwa nkalamu. Uyo woonse usonkomona bukali bwakwe ulalicaisha.

Tushimpi 8:36

Sombi uyo woonse utancaani, ulaliletela mapensho. Ncakwiila uyo woonse umpatite, ingayi ulisuni lufu.”

Jelemiya 44:7

“Ono nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ceebonshi mutooliletela mapensho a mushobo uyo pamibili yanu? Sa mutooyanda kuleta kunyonyooka pabene Juda basankwa, banakashi, banike abakateta kwaamba ayi kubule aucaala?

Esekelo 14:8

Muntu uyo ndaakumupata akumusandula kuba citondesho kubamwi alimwi akuba kashimi. Ndaakumukusha pakati ka bantu bangu. Lyalo ndyeshi mukeshibe ayi nebo ndi Mwaami Lesa.

Abakuku 2:10

Mwakapinga kunyonyoola bantu ba mishobo iinji, sombi pakucita boobo mwalensha nsoni bamuŋanda yanu, ncakwiila mwakaliletela kunyonyooka nobeene.

Shakubelenga 16:37

“Lwiita Eliyasa mwanaakwe Aloni mupailishi ayi akushe shikaye sha bulonse shakashiya bantu abo bakafwa akusowa makalangasha kulaale ceebo shikaye shalo shilisalalite.

Shakubelenga 16:39

Aboobo Eliyasa mupailishi wakabwesa shikaye isho sha baabo bakatentwa, akupa bantu ayi bashuume shipampamane ayi shibe shakufweka pacipaililo,

Shakubelenga 16:40

kweelana aMwaami Lesa mbwaakamulwiita kwiinda muli Mose. Ici cakaba cicenjesho kubene Isilaeli boonse ayi taaku muntu uteshi wamulunyungu lwakwe Aloni weelete kwisa kucipaililo mukutentela Mwaami Lesa tununkila kabotu pakutenta. Na wacita boobo, inga wanyonyoolwa bweenka bwakanyonyooka Kola abaabo bakalinga kumukonkela.

Shakubelenga 17:10

Kuswawaawo Mwaami Lesa wakaambila Mose ayi, “Boosha nkoli yakwe Aloni kunembo lya Libokoshi lya Cipangano. Ilyeelete kubikwa ayi njakucenjesha bene Isilaeli abo beshikubukila bamatanjilili ayi balaakufwa na kutongooka kwabo kubule kumana.”

Shakubelenga 26:10

Inshi yakalakama akubamina, aboobo bakafwita pantu pomwi aKola alimwi abaabo bakalinga kumukonkela, mulilo ndiwakanyonyoola basankwa bali 250. Mpeeke bakaba citondesho kubantu.

1 Bene Kolinto 10:11

Shoonse shintu ishi shakacitika kuli mbabo kwaamba ayi shibe shitondesho kubantu bamwi. Shakalembwa alimwi kwaamba ayi shitucenjeshe sotushiite muciindi cino meelelesho a cishi ca panshi ndyaali pafwaafwi.

2 Pita 2:6

Abalo bantu ba mumandabala anene a Sodoma aGomola Lesa wakaboombolosha akubapa mulandu. Wakabanyonyoola amulilo. Ici cakaba citondesho ca sheesho sheshi shikacitike kubantu beshi bakabule kumunyumfwila kunembo.