Shakubelenga 14:9 - Baibo Busansulushi Bwa Libuku Ili

⁹ Mutabukili Mwaami Lesa alimwi mutaloondi bekala mucishi umo. Tulaakwiindililabo kubakoma. Mwaami Lesa uli aswebo, alimwi balo tabacite shikubalama. Aboobo mutabaloondi.”

Shakubelenga 14:9 Marejeleo ya Msalaba

Matalikilo 48:21

Lyalo Jakobo wakaambila Josefu ayi, “Ndi pafwaafwi kufwa. Nacibi boobo Lesa unanooli awebo akukuboosha kucishi ca bamashali bako bakulukulu.

2 Makani 13:12

Lesa mwiine ngomutanjilili wesu, anaaba bapailishi mpobali amapeenga. Batookwaalisha kwaamba ayi tumulwaane. Nobene Isilaeli tabalwaani Mwaami Lesa, Lesa wa bamashali banu bakulukulu! Inga tamuswitililiiwo, sobwe!”

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

2 Makani 20:17

Teshi ndimwe mweshi mukalwane nkondo iyi, sobwe. Mwebo mukeemikanebo mumisena ya nkondo akulindila. Lyalo mulaakubona Mwaami Lesa mbweshi akamukomeneeko nkondo iyo. Nobene Juda anobene Jelusalemu, mutatonshi nabi kuloonda. Kamuyabo mukalwaane, Mwaami Lesa ulaakuba amwebo!’ ”

2 Makani 32:8

Lakwe ulicitebo nkusu shabuntu, sombi swebo tulicite Mwaami Lesa, Lesa wesu uyo utucafwa munkondo shesu shoonse!” Lyalo bene Juda boonse bakayuminishikwa kumakani akaamba Esekiya mwaami wabo.

Neyemiya 4:14

Ono ndindakabona kwaamba ayi bantu bapenga mumyoyo, ndakabambila pantu pomwi abamatanjilili babo alimwi abacinenenene ayi, “Mutaloondi balwani besu. Amwiibaluke Mwaami Lesa munene uyoosha. Amulwanine bene mishaanu, bana banu, bamakaanu alimwi amaandaanu.”

Kulumbaisha 106:24

Mpomunyaawo bakanyansha cishi ico cibotu abuumbi, mukwiinga tabakwe kushoma kushomesha kwakwe Lesa.

Kulumbaisha 121:5

Mwaami Lesa ngomulama, Lakwe ncecimfule cako kulyaansa lyako lyalulyo.

Kulumbaisha 14:4

Sa te bamucita shibi abo lushibo balicite? Ono balacana buumi bwabo kwiinda mukupamba shintu sha bantu bangu. Bamucita shibi abo tabapaili kuMwaami Lesa.

Kulumbaisha 46:11

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 46:7

Mwaami Lesa Shinkusu shoonse uli aswebo. Ncakwiila Lesa wakwe Jakobo nceciyubilo cesu.

Kulumbaisha 46:8

Kamwisa mubone Mwaami Lesa nshaakacita, ee, mubone shintu shikankamika nshaakacita pacishi ca panshi.

Kulumbaisha 74:14

Ndimwe mwakapwaya mitwi yakwe shinshimwe akumusowa kwaamba ayi abe cakulya ca banyama bamuluyanga.

Kulumbaisha 91:1

Uyo woonse ukala muli Lesa wa kwiculu Wiindaawo ayi afunwe, uyo woonse uyuba mucimfule cakwe Lesa Shinkusu shoonse,

Kulonga 14:13

Mose wakabakumbula ayi, “Mutaloondi! Amuyumebo, mubone Mwaami Lesa nceshi acite sunu kwaamba ayi amupulushe. Aba bene Ijipiti teshi mukababoneewo alimwi.

Kulonga 33:16

Ino bantu bamwi inga beshiba buyani ayi mulikondetwe mubantu banu alimwi anebo na mukabule kuya aswebo? Mukwiinga na mukaye aswebo, bantu boonse mucishi ca panshi balaakwishiba ayi tulipusene ambabo.”

Isaya 1:2

Mwaami Lesa wakaamba ayi, “Webo oliculu awebo ocishi ca panshi, amukutike munyumfwe nceentokwaamba. Bana bangu abo mbondakalela akukusha bangalookila.

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Isaya 63:10

Nakubi boobo bakamwaashukila akukalasha Mushimu wakwe Usalashi. Aboobo wakabaalookila akuba mulwani wabo ncakwiila wakabalwana mwiine.

Jelemiya 1:19

Balaakukulwana sombi teshi bakakukomeewo ceebo ndi awebo alimwi ndanookufuna. Nebo neMwaami Lesa ndaamba.”

Jelemiya 42:11

Mutaloondi mwaami wa bene Babiloni. Mutamuloondi ceebo nebo neMwaami Lesa ndanooli amwebo. Ndaakumufuna akumukusha mumaansaakwe.

Jelemiya 48:45

“Bantu abo beshi bakacice nkondo kucishi cine mishaabo, balaakweenkemanabo kuEshiboni ceebo mulilo ulaakunyaka mundabala iyo. Ulaakunyakila mukati mwiine muSiyoni akunyaka muya nyinsa alimwi apatulundu twa bene Moabu beshikulisumpula abo basuni kulwana.

Danyelo 9:5

Twakabisha, twalinga kucita bubi alimwi twakalubisha. Twakafutatila milawo amilasho yanu.

Danyelo 9:9

Mwebo noBaami baLesa, baLesa besu, mulicite nkumbu alimwi mulatulekelela shibiibi nabi twakamwaashukila.

Shakubelenga 13:30

Mpomunyaawo Kalebu wakoomusha bantu abo bakalinga kutongooka kuli Mose akwaamba ayi, “Tulyeelete kuya mukubalwana akubwesa cishi. Swebo tulicite nkusu shakubakoma.”

Shakubelenga 17:6

Mpeeke Mose wakaamba abene Isilaeli alimwi bamatanjilili babo boonse mumikowa bakamupa nkoli yomwi yomwi, pantu pomwi shoonse shakalinga likumi ashobilo. Nkoli yakwe Aloni ayalo yakabikwa pantu pomwi anshisho.

Shakubelenga 20:2

Tekwakalinga maanshi akunwa uko, mpeeke bantu bakabungana kuli Mose aAloni,

Shakubelenga 24:8

Lesa wakabakusha mucishi ca ijipiti. Ulabalwaninaako anga ninyati. Balanyonyoola balwani babo, kupwayoola mafuwa abo akubayasa mifwi yabo.

Mateyo 1:23

“Ncakwiila mwanakashi utana kukumanawo kale amusankwa ulaakumita, akushala mwaana musankwa eshi akanokwiitwa ayi Imanuweli,” (nkokwaamba ayi “Lesa uli aswebo.”)

Bene Loma 8:31

Pasheebo shoonse ishi inga twaamboonshi? Na Lesa ulatusuminisha ngani weenga watupikisha? Taaku nabi womwi.

Dutolonomi 1:21

Amubone aneeci. Kamuya mwikaleemo kweelana abwakaamba Mwaami Lesa, Lesa wa bamashali banu bakulukulu, mutaloondi nabi kutonsha.’

Dutolonomi 1:26

“Sombi mwakakaka mulasho wa Mwaami Lesa, Lesa wanu. Ncakwiila mwakakaka kwinjila mucishi ico.

Dutolonomi 1:29

“Sombi ndakamwaambila ayi, ‘Mutaloondi bantu abo.

Dutolonomi 31:6

Anu amuyume akulishoma. Mutabaloondi nabi kututuma ceebo Mwaami Lesa, Lesa wanu unanooli amwebo. Teshi akamushiyeewo nabi kumusuula.”

Dutolonomi 31:8

Mwaami Lesa mwiine ngweshi anookutanjilila alimwi unanooli awebo. Teshi akakushiyeewo nabi kukusuula. Aboobo tooelete kuloonda nabi kutyongola.”

Dutolonomi 32:42

Mifwi yangu ilaakunoonswenkabo bulowa bwabo, mupeeni wangu ulaakucaya abo bampikisha. Taaku mulwani nabi womwi weshi nkashiye, beshi bakacisikwe abeshi bakacatwe kunkondo, boonse balaakufwa.’

Dutolonomi 7:18

Kutabaloonda. Amwiibaluke Mwaami Lesa, Lesa wanu mbwaakacita kuli Falawo, mwaami wa Ijipiti abantu bakwe boonse.

Dutolonomi 7:21

Aboobo mutabaloondi, Mwaami Lesa, Lesa wanu uli amwebo. NguLesa wiindaawo alimwi weelete kuloondwa.

Dutolonomi 9:7

“Kuteelesha kuluba mbomwakalengesha Mwaami Lesa kukalala muluyanga. Kuswabo bushiku mbomwakaswa mucishi ca Ijipiti kushikila abushiku mbomwakashika waano mwakalinga kumwaalookila.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Joshuwa 1:5

Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.

Joshuwa 14:12

Anu amumpe cishi ca tulundu ici Mwaami Lesa ncaakanshomesha pabushiku bulya. Mwebo nobeene mwakanyumfwa ayi nkokuli basankwa bapolomene beetwa ayi bene Anaki, alimwi mandabalaabo anene ali mumalinga anene. Sombi munkusu sha Mwaami Lesa mwiine, ndaakubatandaamo kweelana ambwaakaamba.”

Boomboloshi 1:22

Ono mukowa wakwe Efuleemu awakwe Manase bakaya mukulwana ndabala inene ya Betelo. Mwaami Lesa wakalingaabo.