Sekaliya 9:7 - Baibo Busansulushi Bwa Libuku Ili

⁷ Teshi bakalyewo tubili bulowa nabi shintu shimwi shikashikwa mumilomo yabo. Lyalo abo beshi bakacaaleewo, balaakuba bantu bangu neLesa. Balaakuba bamatanjilili muJuda. Mpeeke cakacitikila bene Jebusi cilaakucitikila bene Ekiloni.

Sekaliya 9:7 Marejeleo ya Msalaba

1 Makani 1:14

Alimwi Kenani wakalinga mushali mukulukulu wa bene Jebusi, bene Amo, bene Gegashi,

1 Makani 21:15

Mpomunyaawo Mwaami Lesa wakatuma munjelo wakwe kuya mukunyonyoola Jelusalemu. Sombi wakayeeya bumbi akwaambila munjelo wakwe ayi, “Mbubo ono! Cileke.” Lyalo wakacileka. Munjelo uyo wakalinga kwiimfwi palubansa lwakulupwitaawo lwakwe Alauna mwine Jebusi.

Kulumbaisha 3:7

NoBaami bangu amucite ono! Amumpulushe nobaLesa bangu! Mulauma balwani bangu boonse mumanungo, mwabalengesha kubula nkusu shakuncisa.

Kulumbaisha 58:6

NoBaami baLesa amutyoloole meeno mumilomo yabo. Nkalamu sha bantu ishi amushisokoole meeno.

Isaya 65:4

Mashiku balaya kushimfwengo akushuumbwe mukucebusha kubafu. Balalya nyama ya nkumba akunwa musushi wa nyama itasalalite.

Jelemiya 48:47

“Nakubi boobo ndaakulengesha bene Moabu kuswitilila alimwi munshiku shitoosa. Nebo neMwaami Lesa ndaamba.” Anu peenka apa mpopeela makani akoomboloshekwa kwa cishi ca Moabu.

Jelemiya 49:39

Nakubi boobo ndaakulengesha bene Alamu kuswitilila alimwi munshiku shitoosa. Nebo neMwaami Lesa ndaamba.”

Jelemiya 49:6

Nakubi boobo ndaakulengesha bene Amoni kuswitilila alimwi munshiku shitoosa. Nebo neMwaami Lesa ndaamba.”

Amosi 3:12

Mwaami Lesa waamba ayi, “Bweenka mweembeshi kuswa mukanwa ka nkalamu mbwaapulushakobo mafuwa akumyeendo yobilo ya mbelele nabibo kapansha ka kutwi, mbweeke ubo bene Isilaeli mbweshi bakapulushikwe. Ncakwiila mbweshi bakapulushikwe abo bashiite kweela malo abo muSamaliya ee, abaabo bashiite pashuuna shabo shibotu kuDamasikasi.”

Sekaliya 8:23

Mwaami Lesa waamba ayi, “Munshiku isho baswamashi bali likumi balaakwisa kumuJuda womwi, kumucata kumupeto wa mungaanjo wakwe akwaamba ayi, ‘Katiya soonse mukwiinga twanyumfwa ayi Lesa uli awebo.’ ”

Sekaliya 9:6

Baswamashi mbweshi bakekale muAshidodi. Ncakwiila ndaakumanisha kulisumpula kwa bene Filisiti.

Sekaliya 9:8

Sombi ndaakufuna cishi cangu kuswa kumakoto a bashilumamba bakali. Taaku shikulyatilila weshi akakome tubili bantu bangu ceebo ono ntoobalama.”

Bene Galatiya 3:28

Aboobo taapu bupusano buliiwo pakati ka baJuda abaswamashi bakunsengwe, pakati ka basha alimwi abaangulukite nabi pakati ka basankwa alimwi abanakashi ceebo noonse muli womwi muli Klistu Jesu.