Sekaliya 9:4 - Baibo Busansulushi Bwa Libuku Ili

⁴ Sombi Mwaami Lesa ulaakukwempula buboni bwabo boonse akunyonyoola maato abo anene mulweenge. Ayalo ndabala yabo ulaakwiinyonyoola amulilo.

Sekaliya 9:4 Marejeleo ya Msalaba

Esekelo 28:18

Shibiibi shako shiinji amakwebo ataluleme shakalengesha misena yako isalalite kubica. Aboobo ndakakumika mulilo kundabala yako akwiitenta cakubabo milota. Ono boonse beelangilisha bulya, balabona ayi yakacaalabo milota panshi.

Esekelo 26:17

Kuswawaawo balaakulila buumba pali ndimwe akwaamba ayi, Ino wanyonyooka buyani ondabala icite mpuwo! Bantu bako bakalinga kweendela mumaato palweenge! Ncakwiila bantu bako mbobakalinga kulela lweenge, alimwi bakalengesha baabo bakalinga muloombe lwa lweenge kuloonda abuumbi.

Amosi 1:10

Ndaakutuma mulilo palubumbu lwa ndabala ya Taya, akutenta shiyubilo sha njiyo.”

Jowelo 3:8

Ndaakuulisha bana banu basankwa abanakashi kubene Juda. Lyalo abalo balaakuboolisha kubene Sabeya mushobo uli kulaale. Nebo neMwaami Lesa ndaamba.

Esekelo 28:16

Kwiinda mumakwebo ako ngowakalinga kucita mucishi coonse, wakaba shilunkutwe alimwi mucita shibi. Paceebo ceeco ndakakutanda kuswa kuKalundu kangu kasalalite. Ncakwiila kelebu wakukutabilila wakakutanda kuswa pakati ka mabwe abekabeka.

Esekelo 28:8

Balaakukucaya alimwi ulaakufwa lufu luyoosha mumaanshi alaamfu.

Esekelo 28:2

“Webo omuntu, lwiita mwaami wa Taya ayi nebo neMwaami Lesa Shinkusu shoonse ndaamba ayi, ‘Mukulisumpula kwa moyo wako ulaamba ayi, Ndi lesa. Ndekala pacuuna ca bwaami cakwe lesa pakati ka lweenge. Sombi webo uli muntubo, teshi ndiwe lesa, sobwe, nakubi kwaamba ayi ulalibona anga uli musongo mbuli lesa.

Tushimpi 11:4

Bubile tabucafwi pabushiku bwa bukali, sombi bululami mbobufuna kuswa kulufu.

Tushimpi 10:2

Buboni bucaninwa munshila ibiibi tabucite mpindu, sombi bululami bwalo bulapulusha muntu kulufu.

Isaya 23:11

Mwaami Lesa watandabika lyaansa lyakwe palweenge akulengesha malelo kututuma. Waamba ayi shiyubilo sha bene Kenani shinyonyoolwe.

Sekaliya 9:5

Mwaami Lesa waamba ayi, “Bene Ashikeloni balaakucibona akuloonda. Bene Gasa balaakunoosalookabo kumyoyo kucisa. Abalo bene Ekiloni balaakunoocita bweenka ubo ceebo kulangila kwabo kwashimingana. Ncakwiila bene Gasa balaakubula mwaami. Ndabala ya Ashikeloni ilaakucaalabo kwakubula bantu.