Sekaliya 9:15 - Baibo Busansulushi Bwa Libuku Ili

¹⁵ Mwaami Lesa Shinkusu shoonse ulaakubatabilila bantu bakwe. Ncakwiila abalo balaakunyonyoola balwani babo. Munkondo balaakunokoolobeshabo anga bakolwa. Balaakutila bulowa bwa balwani babo cakwaamba ayi bulaakukunkabo anga mbwa mulambu bulya butilwa pacipaililo kuswa mumbale ifongomene.

Sekaliya 9:15 Marejeleo ya Msalaba

Jobo 41:28

Mifwi teekoonshi kumulengesha kucica. Mabwe awaalwa acipaya cakuwaalisha alibo anga mbuungu kuli nguwe.

Kulumbaisha 78:65

Lyalo Lesa wakabuka anga ngumuntu walinga kulete, alimwi anga ngumuntu wakolwa waini ukali.

Kulonga 27:2

Peculu lya makonko one oonse, ulyeelete kupangilamo shintu shili anga ngameeca. Shilyeelete kunoocatenebo acipaililo, alimwi coonsebo ukacinanike bulonse.

Lwiimbo lwakwe Solomoni 1:4

Ndoboshe cakufwambaana tunooya! Katiya ube mwaami wangu akuntola mucipinda cako. Tulaakunoosangalala akukondwa muli ndiwe. Tulaakulumbaisha lusuno lwako kwiinda waini. Anu nceceeco bamyooye ncebakusunini!

Lwiimbo lwakwe Solomoni 5:1

Omweensuma, onabwiinga wangu, ndenjila mumuunda wangu. Ndayobolola mule atununkila kabotu tumwi mubuyani. Ndalya mpuma shangu sha buuci. Ndanwa waini amukupa wangu. Amulye nobeensuma, musangalale alimwi munwe kushikila mukolwe kulusuno!

Lwiimbo lwakwe Solomoni 7:9

abwalo bweema bwa mulomo wako buli anga nguwaini wiindaawo kubota. Anu waini wangu aukunkilebo kuusunikwi wangu ee, kukunkila kumilomo amumeeno akwe.

Isaya 37:35

Ndaakutabilila ndabala inene ino akwiipulusha, ceebo ca bulemu bwangu acakwe Defedi musebenshi wangu.’ ”

Isaya 55:1

Mwaami Lesa waamba ayi, “Woonse uyo unyumfwite nyotwa eese kuno kuli maanshi. Amwebo nomutacite maali amwise muule shakulya mulye! Kamwisa muule waini amukupa, sombi tashicite mweelo nauceyi.

Bene Lefi 4:18

Kuswawaawo, ulaakubika bulowa bumwi pameeca mumakonko oonse a cipaililo ca tununkila kabotu cili kunembo lyangu neMwaami Lesa muTente. Lyalo bulowa bumwi boonse ulaakubutila panshi pacipaililo cakutentelawo milambu, ico cili pamulyango wa Tente.

Bene Lefi 4:25

Lyalo mupailishi ulaakusumpa munwe wakwe mubulowa bwa munyama uyo, akububika pameeca a mumakonko oonse a cipaililo. Bulowa boonse bweshi bukacaaleewo, ulaakubutila panshi pacipaililo.

Bene Lefi 4:7

Kuswawaawo, ulaakubika bulowa bumwi pameeca a mumakonko oonse a cipaililo ca tununkila kabotu cili kunembo lyangu neMwaami Lesa muTente. Lyalo bulowa boonse bweshi bukacaaleewo ulaakubutila panshi pacipaililo cakutentelawo milambu, ico cili pamulyango wa Tente.

Mika 5:8

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ninkalamu ili pakati ka banyama bamuluundu. Balaakuba anga nkana ka nkalamu pakati ka mbelele ako kafwampila akukwamoona mbelele pakuya bweenda. Sombi taaku weenga wafuna mbelele isho.

Sekaliya 10:5

Boonse pantu pomwi balaakuba anga mbashilumamba beshinkusu abo balyatoola balwani babo kubapisha mumatipa mumikwakwa. Ceebo cakwaamba ayi nebo neMwaami Lesa ndi ambabo, balaakunoolwana akukoma balwani babo beshimaaki.

Sekaliya 10:7

Bene Isilaeli balaakuba ankusu anga mbashilumamba. Balaakukondwabo anga ngumuntu walinga kunwa waini. Bamulunyungu balaakwiibaluka kukoma uko akusangalala ceebo ca sheesho Mwaami Lesa nshaakacita.

Sekaliya 12:6

“Pabushiku ubo ndaakulengesha bamatanjilili ba bene Juda kuba anga nimbabula yabikwa pamulwi wa nkuni. Ee, kubabo anga ncimunimweenge cabikwa pamile ya bwiisu. Nkokwaamba ayi balaakunyonyoola mishobo yoonse ibashingulukite. Sombi balo bene Jelusalemu balaakunooshiitebo kwakubula cakulisukama mundabala yabo.

Sekaliya 12:8

Pabushiku ubo nebo neMwaami Lesa ndaakutabilila bantu bekala mundabala ya Jelusalemu kwaamba ayi abo batacite nkusu pakati kabo bakabebo ankusu bweenka mbuli Defedi. Abalo bamulunyungu lwakwe Defedi balaakunoobatanjililabo anga ngumunjelo wangu neMwaami Lesa, ee, anga ndime nemwiine neentoobatanjilila.

Sekaliya 14:20

Pabushiku ubo, pamilangu ya maaki palaakulembwa ayi, “Cisalalite kuMwaami Lesa.” Ayalo mipika yakutelekelaamo muŊanda ya Mwaami Lesa ilaakuba anga nimbale shifongomene shisalalite shili kunembo lya cipaililo.

Sekaliya 14:3

Mpeeke Mwaami Lesa ulaakwisa mukulwana mishobo iyo bweenka bulwana shilumamba pabushiku bwa nkondo.

Sekaliya 2:9

“Nebo neMwaami Lesa ndaakumulwana alimwi mulaakusaalwa kubantu beenka abo bakalinga basebenshi banu.” Cintu ici ndyeshi cikacitike, muntu uli woonse ulaakwishiba ayi Mwaami Lesa Shinkusu shoonse wakantuma.

Sekaliya 9:17

Cabota cishi nceeci mwebo! Basankwa bacikula bwangu balaakushimpa kushili anga ngamaila abalo bamyooye balaakunooboneka kabotu kuwaini upya.

1 Bene Kolinto 1:18

Makani aamba shalufu lwakwe Klistu pamucilingano taaku mbwaabete kubantu basowekete, sombi kuli ndiswe sotuli munshila yakupulushikwa, ninkusu shakwe Lesa.

Bene Efeso 5:18

Amucileeke kukolwa uko kweshi kukamunyonyoolebo, sombi amusushikwe aMushimu Usalashi.

1 Samwelo 17:45

Sombi Defedi wakaambila mwine Filisiti uyo ayi, “Webo utoosa mukundwana amupeeni alimwi amasumo. Ono nebo ntookulwana muliina lya Mwaami Lesa Shinkusu shoonse, Lesa wa likoto lya bashilumamba lya bene Isilaeli, uyo ngowanyansha.