Sekaliya 9:14 - Baibo Busansulushi Bwa Libuku Ili

¹⁴ Mwaami Lesa ulaakuboneka peculu lya bantu bakwe. Ulaakunowaala mifwi yakwe anga nkubeka kwa mfula. Mwaami Lesa Shinkusu shoonse ulaakulisha lupeenga lwa nkondo akweendela mucipuupu ca kumalenge.

Sekaliya 9:14 Marejeleo ya Msalaba

Jobo 37:9

Cipuupu cinene cilaswita kumusena wa ncico, ayalo mpewo ilesa ceebo ca muuwo unene.

Kulumbaisha 18:14

Wakawaala mifwi yakwe akupalanganya balwani bakwe. Kwiinda mukubeka kwa mfula kunene uko wakabalengesha kucica.

Kulumbaisha 18:15

Panshi lya lweenge pakacaalabo patuba, lwiimbi lwa cishi ca panshi lwakafwekulwa NoBaami baLesa ndimwakakalalila balwani banu. Ee, noBaami baLesa mwakababulumina cabukali.

Isaya 18:3

Mwebo noonse nobantu ba mucishi, ee, mwebo nomuli mucishi ca panshi, mbembela yaakwiimikwa patulundu mulaakwiibona alwalo lupeenga lwaakulila mulaakulunyumfwa.

Isaya 21:1

Ono ngaaya maswi aamba paBabiloni. Malwesa alaakwisa kuswa kucishi cilensha boowa, bweenka kapupuulwa mbokakwenga mucishi cakumalenge.

Isaya 27:13

Ubo bushiku bwaakushika lupeenga lunene lulaakulishikwa kwiita bene Isilaeli boonse bali mubusha kucishi ca Asilya aca Ijipiti kwaamba ayi baboole. Ncakwiila balaakwisa mukulambila Mwaami Lesa mundabala ya Jelusalemu, ee, pakalundu kakwe kasalalite.

Isaya 30:30

Mwaami Lesa ulaakulengesha bantu kunyumfwa liswi lyakwe lya bwaami. Ulaakubalengesha kubona lyaansa lyakwe lya bukali kalisa pali mbabo. Lilaakwisa abukali buyoosha, mumulilo unyonyoola kukwamooka kwa makumbi alimwi amfuula ya mankalunkalu.

Isaya 31:5

Ncakwiila bweenka muyuni mbwaalelemba peculu lya ciinswa ca bana bakwe mukubatabilila, mbweeke ubo nebo neMwaami Lesa Shinkusu shoonse mbweshi nkatabilile ndabala ya Jelusalemu akwiifuna.”

Isaya 66:15

Amubone Mwaami Lesa waashika amulilo! Cikoci cakwe ca nkondo cilibo anga nkapupuulwa. Utoosa calunteente mukutondesha bukali bwakwe ee, kukalooka kwakwe kulaakuba anga nkwa mulilo.

Abakuku 3:11

Lisuba amweenshi shakacileka kweenda ndishakabona kubekooka kwa mifwi yanu akubekabeka kwa lisumo lyanu.

Abakuku 3:14

Mwakayasa mutanjilili wa bamucita shibi alisumo lyakwe mwiine. Mwakamuyasa ciindi likoto lyakwe lya bashilumamba ndilyakesa anga nkapupuulwa kwaamba ayi litupalanganye. Wakalinga kusangalala anga wesa mukunyonyoola bakandu cabushishi.

Sekaliya 12:8

Pabushiku ubo nebo neMwaami Lesa ndaakutabilila bantu bekala mundabala ya Jelusalemu kwaamba ayi abo batacite nkusu pakati kabo bakabebo ankusu bweenka mbuli Defedi. Abalo bamulunyungu lwakwe Defedi balaakunoobatanjililabo anga ngumunjelo wangu neMwaami Lesa, ee, anga ndime nemwiine neentoobatanjilila.

Sekaliya 14:3

Mpeeke Mwaami Lesa ulaakwisa mukulwana mishobo iyo bweenka bulwana shilumamba pabushiku bwa nkondo.

Sekaliya 2:5

Mwaami Lesa washomesha ayi lakwe mwiine ulaakuba lubumbu lwa mulilo lwakushinguluka ndabala iyo akuba bulemu bwa njiyo.’ ”

Mateyo 24:31

Kulaakunyumfwika lupeenga lwa nkusu, lyalo ulaakutuma baanjelo bakwe kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Bene Loma 15:19

mushaankamiko ashitondesho sha nkusu sha kwiculu alimwi amunkusu sha Mushimu Usalashi. Aboobo ndakashimikila Makani Abotu aamba pali Klistu kuli koonse nkondakaya, kutalikila kuJelusalemu alimwi ashishi shishingulukite kushikila akucishi ca Ililikamu.

Bene Ebulu 2:4

Alakwe Lesa wakalinga kuyumya bukamboni bwabo kwiinda mukucita shaankamiko shipusenepusene ashitondesho sha nkusu sha kwiculu alimwi akwiinda mukubapa shipo sha Mushimu Usalashi kweelana akuyanda kwakwe.

Joshuwa 10:42

Joshuwa wakabwesa bamaami aba alimwi ashishi shabo akubakoma muciindi comwi mukwiinga Mwaami Lesa, Lesa wa bene Isilaeli wakalinga kubalwaninaako.

Ciyubululo 6:2

Ndindakalangilisha, ndakabona liaki lituba, kapatantite muntu wakalinga kucite buta alimwi wakapekwa amushini wa bwaami. Kuswawaawo wakaya anga ngushikukoma utooya mukukoma bamwi.