Sekaliya 9:10 - Baibo Busansulushi Bwa Libuku Ili

¹⁰ Mwaami Lesa waamba ayi, “Ndaakukusha shikoci sha nkondo muEfuleemu akukusha maaki a nkondo muJelusalemu. Ncakwiila ndaakutyola mata a nkondo. Mwaami wanu ulaakuleta luumuno pakati ka mishobo. Cishi cakwe cilaakunooswa kulweenge kuya mukushika kulweenge. Cilaakunooswa kuMulonga wa Yufuletisi akuya mukushika kupilila lisuba.”

Sekaliya 9:10 Marejeleo ya Msalaba

1 Baami 4:21

Solomoni wakalinga kweendelesha shishi shoonse kuswa kuMulonga wa Yufuletisi kuya mukushika kucishi ca Filisitiya kumanyinsa a Ijipiti. Aba boonse bakalinga kusonkela kuli nguwe alimwi wakabeendelesha kwabuumi bwakwe boonse.

Kulumbaisha 72:17

Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.

Kulumbaisha 72:3

Cishi ca tulundu ici aciletele bantu banu lusumpuko. Bantu bekalaamo abeende mubululami.

Kulumbaisha 85:8

Ndaakukutika kusheesho Mwaami Lesa nsheshi akaambe. Ulashomesha luumuno kuli ndiswe sobantu bakwe, kulilabo na twabula kuboolela kunshila shesu shabuluya.

Kulumbaisha 89:26

Ulaakuŋambila ayi, ‘Ndimwe Bata, ndimwe baLesa bangu, mwaandami alimwi amupulushi wangu.’

Isaya 11:10

Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.

Isaya 2:4

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Isaya 60:12

Ceebo bamucishi nabi mubulelo beshi bakabule kukusebensela, balaakuloba. Balaakunyonyoolwa cakumaninina.

Osiya 1:7

Nakubi boobo kubene Juda ndaakubatondesha lusuno. Nebo neMwaami Lesa, Lesa wabo ndaakubapulusha munkusu shangu, kuteshi kwiinda mumipeeni, mata, mifwi, maaki nabi kwiinda mubeshikulwanina pamaaki.”

Osiya 2:18

Pabushiku ubo ndaakupanga cipangano abanyama bamuluundu, bayuni alimwi atulongolo toonse kwaamba ayi batakacisi tubili bantu bangu. Ndaakumanisha mata amipeeni, ee, kumanisha nkondo mucishi canu coonse. Ncakwiila ndaakulengesha bantu bangu kwikala muluumuno alimwi kwakubula cakulisukama.

Osiya 2:20

Ndaakukweeba mukushomeka alimwi ulaakusumina ayi ndime Mwaami Lesa.

Mika 4:8

Ono webo oKalundu ka Siyoni, apo Lesa mpwaalangila bantu anga ngumweembeshi. Bwaami bwako bukulukulu bulya bulaakubooshekwa mumaansaako. Ncakwiila nobene Jelusalemu bwaami bulaakupekwa kuli ndimwe alimwi.

Mika 5:4

Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.

Mika 5:9

Mwebo nobene Isilaeli, mulaakukoma balwani banu boonse. Ncakwiila balwani banu balaakunyonyoolwa boonse.

Agayi 2:22

Ndaakunyonyoola bamaami amalelo a bakunsengwe akumanisha nkusu sha ngawo. Ndaakusandamuna shikoci shabo abaabo beshikusheensha. Maaki abo alaakumana kufwa abalo abeshikwaatanta balaakucayana beene abeene.”

Milimo ya Batumwi 10:36

Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.

2 Bene Kolinto 5:18

Wakacita shoonse ishi nguLesa. Kwiinda muli Klistu, Lesa wakalengesha kwaamba ayi tube beshicibusa bakwe alimwi. Bulya watupa mulimo wakunooya bulengesha bantu bamwi ayi babe beshicibusa bakwe abalo.

2 Bene Kolinto 5:20

Mbulya ono, tutokwiimikanina Klistu. Nceceeco Lesa utoosengesha bantu boonse kwiinda muli ndiswe. Aboobo twamusenga muliina lyakwe Jesu kwaamba ayi mube beshicibusa bakwe Lesa.

Dutolonomi 11:24

Mulaakukoma cishi cili coonse nceshi mukayeeko. Cishi canu cilaakutalikila kuluyanga lwa kumalenge akuya kutulundu twa Lebanoni kumatwa, alimwi kuswa kuMulonga wa Yufuletisi kwicwe kushikila kuLweenge lwa Mediteleniyani kumbo.

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”