Sekaliya 8:23 - Baibo Busansulushi Bwa Libuku Ili

²³ Mwaami Lesa waamba ayi, “Munshiku isho baswamashi bali likumi balaakwisa kumuJuda womwi, kumucata kumupeto wa mungaanjo wakwe akwaamba ayi, ‘Katiya soonse mukwiinga twanyumfwa ayi Lesa uli awebo.’ ”

Sekaliya 8:23 Marejeleo ya Msalaba

Matalikilo 31:41

Myaaka yoonse makumi obilo mbondakalinga kwikala amwebo ubo. Ndakatola myaaka likumi ayone kusebensela ayi njebe bana banu bobilo, iyi imwi yosanwe awomwi ndakalinga kusebensela mbelele ampongo. Nakubi boobo, mwakapilula malipilo angu mankanda likumi.

Matalikilo 31:7

Ono bakancenjeeka akusandula malipilo angu mankanda likumi. Sombi Lesa taakwe kubasuminisha ayi banciise.

2 Baami 2:6

Lyalo Elija wakaambila Elisha ayi “Ono kala pano, Mwaami Lesa wandwiita ayi nebo nje kuMulonga wa Joodani.” Sombi Elisha wakakumbula alimwi ayi, “Bweenka mbocibete lushinisho ayi Mwaami Lesa ngumuumi, amwebo mbomuli boomi, mbweeke ubo anebo teshi mpansaaneewo amwebo.” Aboobo bakatolelela palweendo ulo boonse.

1 Makani 12:18

Mpomunyaawo Mushimu wakwe Lesa wakaselukila Amasayi uyo wakesa mukuba mutanjilili wa bashilumamba bakalinga kwiitwa ayi Makumi Otatwe. Mpeeke wakoolobesha ayi, “Tuli baanu swebo nobaDefedi! Tuli kulubasu lwanu nobana babo baJese! Amuswitilile pantu pomwi abaabo batoomucafwa! Ncakwiila Lesa uli kulubasu lwanu.” Lyalo Defedi wakabatambula akubasuminisha ayi babe bamatanjilili ba bashilumamba bakwe.

2 Makani 15:9

Bantu baanji bakesa kuli Asa kuswa kuEfuleemu, Manase alimwi akuSimyoni akwikala mucishi cakwe mukwiinga bakabona ayi Mwaami Lesa uli anguwe. Asa wakabunganya bantu boonse bene Juda abene Benjameni.

Esita 8:17

Mumandabala oonse amushipansha shoonse sha cishi umo mwakaambilishikwa mulawo wa mwaami, kwakaba kukondwa akusangalala pakati ka baJuda. Bakasekelela akulya shakulya shiinji. Mpeeke bantu baanji ba mishobo imwi bakatalika kupaila pantu pomwi abaJuda ceebo bakalinga kubaloonda.

Jobo 19:3

Mutooncobola ciindi aciindi cakubulaawo acoopa nkoye mbuli mbomutoonsebaanya.

Shikushimikila 11:2

Bika maali ako mumisena iinji ipusenepusene mukwiinga tooshi mapensho eshi akese kuli ndiwe mucishi cino.

Isaya 3:6

Ncakwiila ciindi cilaakushikila ndyeshi bamumukowa womwi bakaambilane ayi, “Mwebo mukwaabo muliciteko shakufwala shibonekako kabotu, aboobo amube batanjilili besu muciindi ca mapensho cino.”

Isaya 4:1

Muciindi ico, banakashi bali bosanwe abobilo balaakucata musankwa womwi akwaamba ayi, “Swebo tunanoolilisha akulifwalika sobeene, ncetutoosengabo nkwaamba ayi mube beebeesu, lyalo musebaanyo wabushike umane pali ndiswe!”

Isaya 45:14

Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.

Isaya 45:24

“Mukwaamba liina lyangu balaakunokwaamba ayi, ‘MuMwaami Lesa mweenkabo, momuli bululami alimwi ankusu.’ ” Boonse abo bandwana balaakwisa kuli ndime akulenshekwa nsoni.

Isaya 55:5

Ndushinisho mulaakwiita mishobo ya bantu mbomuteshiiwo napaceyi. Mishobo ya bantu abo batamwishiiwo balaakwisa kuli ndimwe cakufwambaana ceebo ca Mwaami Lesa, Lesa wanu Usalalite wa bene Isilaeli uyo wakamufwalika bulemu.”

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Isaya 60:3

Mishobo iinji ilaakukwelwa kwisa kumumuni wako, bamaami balaakwisa kucitubilishi ca kuca kwa bushiku bwako bupya.

Isaya 66:18

Miyeeyo yabo alimwi amicito yabo ndiishi. Ono ntoosa mukubunganya bantu ba mumishobo yoonse. Lyalo baakubungana, balaakubona shikonsha kucita nkusu shangu

Mika 5:5

Muleli uyo ngweshi akabaletele luumuno. Bene Asilya ndyeshi bakese mucishi cesu mukucilwana akwiinda mushiyubilo shesu shoonse, tulaakubatumina bamatanjilili besu ba bashilumamba beendaawo nkusu.

Sefaniya 3:19

Paciindi ico ndaakupa mulandu abo bakalinga kukulyatilila. Ndaakufuna balema boonse akubunjika boonse bakapalanganishilwa mubusha. Ndaakulengesha bantu kubalumbaisha akubalemeka mushishi shoonse umo mobakasebaanishikwa.

Shakubelenga 14:22

taaku nabi womwi pabaaba bantu eshi akashikeeko kucishi cilya. Bakabona bulemu bwangu alimwi ashaankamiko nshendakacita mucishi ca Ijipiti amuluyanga, sombi banjelesha lyobilo lyobilo akukaka kunyumfwila.

Luka 8:44

Mwanakashi uyo wakesa kwisule lyakwe Jesu akucatabo kweela cisani cakwe, mpeeke mukunko wakamana peenka apo.

Milimo ya Batumwi 19:12

Bantu bakalinga kucita na babwesa tutambala nabibo shisani shakasebenseshawo Paulo akutola kubalwashi, malwashi abo akalinga kumana, abalo bashikaswa bakalinga kuswa mubantu.

1 Bene Kolinto 14:25

Miyeeyo yakwe yoonse ya bushishi ilaakuletwa patuba alimwi ulaakufukama akalambile Lesa, akusumina patuba ayi ndushinisho Lesa mpwaali pakati kanu!

Joshuwa 8:35

Milawo yoonse iyo Mose njaakalemba, Joshuwa wakeebelengela bantu abo bakalinga kubungene, kubikaawo abanakashi, banike alimwi abaswamashi abo mbobakalinga kwikalaabo.