Sekaliya 8:22 - Baibo Busansulushi Bwa Libuku Ili

²² Bantu baanji alimwi abamumishobo icite nkusu balaakwisa kuJelusalemu mukulambila ndime neMwaami Lesa Shinkusu shoonse akusenga kwaamba ayi abape coolwe.”

Sekaliya 8:22 Marejeleo ya Msalaba

Kulumbaisha 68:30

Amukalalile Ijipiti, ulya munyama wamuluundu ukala mumatete. Amukalalile mishobo ili anga nditanga lya bacende aboombe. Babombye kushikila bakakuletele shipo sha silifa. Amupalanganye boonse bamusembela kulwana.

Isaya 2:2

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Isaya 2:3

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Isaya 25:7

Mpomunyaawo pakalundu mpweshi akafwekwite bantu likumbi lya buumba ilyo lyalinga pamishobo yoonse.

Isaya 49:22

Mwaami Lesa Shinkusu shoonse waamba ayi, “Ndaakupa citondesho baswamashi. Ndaakubeemikila mbembela yangu. Lyalo balaakuboosha bana banu basankwa kababayumwitwe pamaansa akunyamuna bana banu banakashi pashifushi.

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Isaya 55:5

Ndushinisho mulaakwiita mishobo ya bantu mbomuteshiiwo napaceyi. Mishobo ya bantu abo batamwishiiwo balaakwisa kuli ndimwe cakufwambaana ceebo ca Mwaami Lesa, Lesa wanu Usalalite wa bene Isilaeli uyo wakamufwalika bulemu.”

Isaya 66:23

Lyalo bantu bamumishobo yoonse balaakunoosa kuJelusalemu mukulambila lyoonse panshiku sha kusekelela myeenshi ipya alimwi apanshiku shakookesha sha Cibelu.” Mwaami Lesa waamba.

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Mika 4:2

Bantu baanji balaakwisa akwaamba ayi, “Kamwisa tunooya kukalundu ka Mwaami Lesa. Lesa ulaakutwiisha nshaasuni ayi tucite kwaamba ayi tunookweenda kweelana ambwaasuni. Mukwiinga milawo yakwe ilaakuswita kuSiyoni ncakwiila maswi akwe alaakunooswa kuJelusalemu.”

Mika 4:3

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Agayi 2:7

Ndaakutenkaanya mishobo yoonse abuboni bwa njiyo bulaakuletwa kuno. Lyalo ndaakususha Ŋanda yangu abulemu.

Sekaliya 14:16

Lyalo boonse beshi bakacaaleewo pamishobo iyo yeshi ikalwane Jelusalemu balaakunooya kooko mwaaka amwaaka mukulambila Mwaami, Mwaami Lesa Shinkusu shoonse. Balaakunooya mukucanika kuKusekelela kwa Shimpaka.

Sekaliya 8:21

Abo bekala mundabala yomwi balaakuya kundabala imwi akwaamba ayi, ‘Tutooya mukulambila Mwaami Lesa Shinkusu shoonse akusenga kwaamba ayi atupe coolwe. Katiya soonse!’

Bene Galatiya 3:8

Lesa wakaambila limwi muMalembo akwe ayi ulaakululamika baswamashi bakunsengwe kwiinda mulushomo lwabo. Anu Lesa wakashimikila limwi Makani Abotu kuli Abulaamu kwiinda muMalembo akwe ayi, “Muli ndiwe, Lesa ulaakupa coolwe kumishobo yoonse ya bantu.”

Ciyubululo 15:4

NoBaami baLesa, ngani utamuloondi akulemeka liina lyanu? Mukwiinga mwebo nweenka ndimwe Musalalite. Mishobo yoonse ilaakuyoboloka mukumulambila mukwiinga micito yanu iluleme, ilaboneka kubantu boonse.”

Ciyubululo 21:24

Lyalo bantu ba mishobo yoonse balaakweenda mumumuni wa njiyo, abalo bamaami ba mucishi ca panshi balaakuleta bubile bwabo mundabala inene iyo.