Biblia Todo Logo
Biblia ya mtandaoni

- Matangazo -




Sekaliya 8:20 - Baibo Busansulushi Bwa Libuku Ili

20 Mwaami Lesa Shinkusu shoonse waamba ayi, “Ciindi cilaakushikila ba mumandabala amwi aanji ndyeshi bakese kuJelusalemu.

Tazama sura Nakili




Sekaliya 8:20
31 Marejeleo ya Msalaba  

“Na muswamashi uyo ukala kucishi cakulaale wanyumfwa impuwo yanu, ono wesa mukulambila muŊanda yanu


amukutike mipailo yakwe. Amumukutike kwiculu uko nkomwikala akucita sheesho nshaasenga kwaamba ayi bantu ba mucishi ca panshi bamwishiibe akunoomunyumfwila bweenka mbuli bene Isilaeli mbobacita. Lyalo balaakwishiba ayi Ŋanda yanu iyi njendakayaka ngomusena uko mwebo nkomweelete kulambililwa.


Ulaakulumbaishikwa bamumishobo abamumalelo baakubungana ayi balambile Mwaami Lesa.


Bantu ba mumishobo yoonse balaakwiibaluka akusandukila kuMwaami Lesa. Ndushinisho bamumaanda a mishobo imwi yoonse balaakumulambila,


Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.


Ndimwe mweendelesha lweenge luyoosha, muloomusha maaba na kaapabooka.


Bushiku bulaakushika mwaami uyo wamulunyungu lwakwe Jese ndyeshi akeemikanine bantu anga nimbembela yakukoma. Mishobo ya bantu ilaakumuyobolokela alimwi musena ngweshi akekaleewo ulaakunoocite bulemu.


Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.


Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”


Nobaami baLesa mwebo nomumpa nkusu alimwi nolilinga lyangu, mwebo ndimwe ciyubilo cangu muciindi ca mapensho. Kuli ndimwe mishobo yoonse ya bantu nkweshi ikese kuswa kweela cishi akwaamba ayi, “Bamashali besu bakulukulu taaku ncebakalinga kucite, sombibo balesa bakubeca. Ncakwiila bakalinga kucitebo shibumbwabumbwa shitaaku mboshibete shatakalinga kubacafwaawo.


“Nakubi boobo bene Isilaeli balaakufulabo anga ngumuseese wa kuloombe lwa lweenga, ee, utakoonshi kupimwa nabi kubelengwa. Bulya ntokwaamba ayi, ‘Tamubete bantu bangu,’ sombi bushiku bulaakushika ndyeshi nkaambe ayi, ‘Mwebo muli bantu bangu nebo neLesa muumi.’


Isilaeli ndaakumushanga mucishi kwaamba ayi akabe waangu. Ndushinisho ndaakutondesha lusuno kubaabo bakalinga kwaambwa ayi, ‘Bateshi basunikwi bangu.’ Ndaakwaambila baabo bakalinga kwaambwa ayi, ‘Bateshi bantu bangu’ ayi, ‘Mwebo muli bantu bangu,’ abalo balaakukumbula ayi, ‘Muli baLesa besu.’ ”


Munshila iyo bene Isilaeli balaakukoma baabo beshi bakacaaleewo pabene Edomu alimwi amishobo imwi yoonse yakalinga yangu. Nebo neMwaami Lesa ndaamba alimwi ici ndaakucicita cancinencine.”


Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.


Paciindi ico mishobo iinji ilaakwisa kuMwaami Lesa akuba bantu bakwe. Ulaakwikala pakati kanu alimwi mulaakwishiba ayi Mwaami Lesa Shinkusu shoonse ngowantuma kwisa kuli ndimwe.


Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!


Ntoomulwiita ayi bantu baanji balaakuswa kwicwe akumbo kwisa mukulya pantu pomwi aAbulaamu, Isaki alimwi aJakobo muBweene bwa kwiculu.


Simoni waswa mukutusansulwita mbuli Lesa mbwaakabonesha lusuno kubaswamashi bakunsengwe akusala bantu pakati kabo ayi babe bantu bakwe.


Ubo mbwaatokwaamba Mwaami Lesa uyo wakeshibisha bantu kale kale.’ ”


Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”


Tufuate:

Matangazo


Matangazo