Sekaliya 8:14 - Baibo Busansulushi Bwa Libuku Ili

¹⁴ Mwaami Lesa Shinkusu shoonse waamba ayi, “Ono bweenka mbondakalinga kushinishite kuleta mapensho cakubula nkumbu pabamashali banu bakulukulu ndibakankalasha,

Sekaliya 8:14 Marejeleo ya Msalaba

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Kulumbaisha 33:11

Sombi miyeeyo ya Mwaami Lesa nja lyoonse alyoonse, Nshaabambite mumoyo wakwe shilacitwa mumashalane oonse.

Isaya 14:24

Mwaami Lesa Shinkusu shoonse washomesha cakulumbila ayi, “Bweenka mbondakayeeya, ncakwiila mbweshi cikabe, ee, bweenka mbondakabamba, bweenka ubo mbociimfwi.

Jelemiya 20:16

Muntu uyo aabe bweenka mbuli mandabala ayo Mwaami Lesa ngaakanyonyoola cakutaanyumfwila nkumbu. Aanyumfwe mibila macuunsacuunsa akooloma kwa nkondo lisuba ndyeliba pakati ka mutwi.

Jelemiya 29:11

Mukwiinga nemwiine ndishi kale miyeeyo njeencite pali ndimwe. Ndicite miyeeyo yakulengesha kuswitilila kuteshi yakumucisa, sobwe. Ncakwiila njimiyeeyo yakumupa kulangila abuumi kuya kunembo.

Jelemiya 31:28

Bweenka mbuli mbondakabikako maano kubatumuna, kubapwayoola, kubakoma, kubanyonyoola akubapumununa, mbweeke ubo mbweshi nkabikeko maano kubashanga akubayaka alimwi.

Jelemiya 32:42

“Bweenka mbondakaleta mapensho aya pabantu aba, mbweeke ubo mbweshi nkabape ashintu shibotu shoonse isho nshendakabashomesha.

Jelemiya 4:28

Aboobo cishi cilaakulila, alyalo liculu lilaakushiya. Ndakaamba kale, teshi nkaboole pesule. Ici ndakacaamba kale, teshi nkabooshemo moyo, sobwe.”

Esekelo 24:14

“Nebo neMwaami Lesa ndime ntokwaamba. Ciindi cangu cakucitawo comwi pali ndiwe cashikila. Teshi nkaboolewo pesule, kufwa nkumbu nabi kukulekabo, sobwe. Ulaakupekwa mulandu kweelana abwikaalo bwako alimwi amicito yako. Nebo neMwaami Lesa Shinkusu shoonse ndaamba.”

Sekaliya 1:2

Mwaami wakaambila nebo neSekaliya kulwiita bantu ayi, “Nebo neMwaami Lesa, ndakakalala abuumbi pabamashali banu bakulukulu.

Sekaliya 1:6

Ndakapa bamashali banu bakulukulu milawo amilasho kwiinda mubasebenshi bangu balaluki, sombi balo bakeekaka akupekwa mulandu. Kuswawaawo bakasanduka kuswa kushibiibi shabo akusumina ayi nebo neMwaami Lesa Shinkusu shoonse ndakabapa mulandu kweelana akubisha kwabo bweenka mbondakayeeya kucita.’ ”