Sekaliya 6:5 - Baibo Busansulushi Bwa Libuku Ili

⁵ Alakwe wakankumbula ayi, “Uyu njimyuuwo yone yaswa kunembo lya Mwaami Lesa wa cishi coonse ca panshi.”

Sekaliya 6:5 Marejeleo ya Msalaba

1 Baami 19:11

Mwaami Lesa wakamwaambila ayi, “Swa uye wiimikane kunembo lyangu peculu lya kalundu.” Lyalo Mwaami Lesa wakaya, weenda pafwaafwi anguwe akutuma muuwo ukali abuumbi uyo wakabaanya kalundu pakati akupasoola mabwe. Sombi Mwaami Lesa taakalinga mumuuwo. Muuwo wakacileka, mpeeke kwakaba citentanshi, sombi Mwaami Lesa taakalinga mucitentanshi.

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

Jobo 1:6

Bumwi bushiku baanjelo ndibakesa mukulitondesha pameenso a Mwaami Lesa, alakwe Satana wakesaabo.

Kulumbaisha 148:8

Amumulumbaishe mwebo nokubeka kwa mfula, nomfula ya mabwe, nocaandwa, nomakumbi alimwi anomyuuwo iyoosha inyumfwila milawo yakwe.

Kulumbaisha 68:17

Mwaami Lesa wakashika kumusena wakwe usalalite kuswa kuSinayi. Wakesa ashikoci sha maaki sha nkondo shili shuulu ashuulu.

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

Jelemiya 49:36

Ndaakulengesha muuwo kupuupa pacishi ca Elamu kuswa kumbasu shoonse shone. Ndaakupalanganya bantu bekalaamo kumbasu shoonse kushikila kukabule acishi nabi comwi uko bene Elamu beshi bakacice nkondo nkweshi bakabule kuya.

Esekelo 11:22

Mpomunyaawo bakelebu bakafungulula mapapaminwa abo akutalika kuuluka aalo mawilo akayaabo. Mumuni utowa uyo utondesha bulemu bwakwe Lesa wa bene Isilaeli walo wakalingabo peculu lyabo.

Esekelo 37:9

Mpeeke Mwaami Lesa Shinkusu shoonse wakandwiita ayi, “Webo omuntu, laluka kumuuwo akuwaambila ayi nebo neMwaami Lesa ndaamba ayi, ‘Webo omuuya, kwesa kuswa kumbasu shone shoonse sha cishi ca panshi unjile mubantu aba bakacaikwa kwaamba ayi babe abuumi.’ ”

Danyelo 11:4

Pesule lyakuba ankusu shiinji, bulelo bwakwe bulaakubaanikamo shipansha shone. Lyalo bamaami abo bateshi bamulunyungu lwakwe balaakunoolela mumusena wakwe. Sombi teshi bakabe ankusu sheelene ankusu shakwe. Ncakwiila bulelo bwakwe bulaakunyaikwa kuli nguwe akupekwa kubamwi.

Danyelo 7:10

Mulonga wa mulilo wakalinga kukunka, ee, kukunka kuswa muli ncico kuya kunembo lyakwe. Kwakalinga shuulu ashuulu sha baabo bakalinga kumusebensela. Kunembo lyakwe kwakalinga kwiimfwi bantu baanji cakutabelengeka. Nkuta yakatalika amabuku akacalulwa.

Danyelo 7:2

Ndakalemba ayi, “Muciloto cangu mashiku ndakalanga akubona myuuwo yone keepuupa kuswa kumbasu shoonse akufundaanya maanshi a mulweenge lulaamfu.

Sekaliya 4:10

Balityongwete ceebo ncito taitooya panembo. Sombi balaakubona Selubabelo kaayaka Ŋanda yangu iyi, lyalo balaakusangalala abuumbi.” Lyalo munjelo wakasansulula pacili anga nciloto ayi, “Malampi ali osanwe aobilo eemikanina meenso osanwe aobilo a Mwaami Lesa ayo abona pacishi ca panshi coonse.”

Sekaliya 4:14

Mpeeke wakaamba ayi, “Aba mbobantu bobilo abo Mwaami Lesa wa cishi ca panshi coonse mbwaakasala akunanika mafuta ayi bakanoomusebensela.”

Sekaliya 6:1

Ndakabona mucili anga nciloto cimwi shikoci shone shakalinga kuswa pakati ka tulundu tobilo twa bulonse.

Mateyo 18:10

“Amucenjele ayi mutanyanshi nabi womwi wa baaba baana baniini. Ceebo ntoomulwiita ayi baanjelo baabo nkobali lyoonse kuli baTa bali kwiculu. [

Mateyo 24:31

Kulaakunyumfwika lupeenga lwa nkusu, lyalo ulaakutuma baanjelo bakwe kwaamba ayi babunganye bantu bakwe basalitwe kuswa kwicwe, kumbo, kumalenge alimwi akumatwa kushikila cishi coonse mpociswa ampoceela.

Luka 1:19

Munjelo uyo wakakumbula ayi, “Nebo ndime Gabuliyelo wiimikana pameenso akwe Lesa. Lakwe ngowantuma ayi nse nkulwiite makani abotu aya.

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?

Bene Ebulu 1:7

Ono shabaanjelo bakwe, Lesa wakaamba ayi, “Lesa ulacita baanjelo bakwe kuba anga ngumuuwo alimwi abasebenshi bakwe kuba anga ngumulilo utoonyaka.”

Joshuwa 3:11

Amubone Libokoshi lya Cipangano lya Mwaami Lesa wa cishi ca panshi coonse litootaanguna kwinjila muMulonga wa Joodani.

Ciyubululo 7:1

Kuswawaawo ndakabona baanjelo bone kabeemfwi mumbasu shone sha cishi ca panshi. Bakalinga kukasha myuuwo yone kwaamba ayi itapuupili mucishi ca panshi, mulweenge nabi kucisamu cili coonse.