Sekaliya 4:14 - Baibo Busansulushi Bwa Libuku Ili

¹⁴ Mpeeke wakaamba ayi, “Aba mbobantu bobilo abo Mwaami Lesa wa cishi ca panshi coonse mbwaakasala akunanika mafuta ayi bakanoomusebensela.”

Sekaliya 4:14 Marejeleo ya Msalaba

1 Baami 17:1

Ono mulaluki wakalinga kwiitwa ayi Elija, wa mundabala ya Tishibe mucishi ca Gilyadi, wakaambila mwaami Aabu ayi, “Kweelana ambocibete lushinisho ayi Mwaami Lesa, Lesa wa bene Isilaeli uyo ngoonsebensela ngumuumi, ntoomwaambila ayi teshi kukabewo mume nabi mfula kwamyaaka ili yobilo nabi yotatwe kushikila nkaambe ayi kube boobo.”

Esila 5:2

Mpeeke Selubabelo mwanaakwe Sheyalutyelo aJeshuwa mwanaakwe Josadaki bakatalika kuyaka alimwi Ŋanda yakwe Lesa muJelusalemu. Abalo balaluki bobilo abo bakabacafwaako.

Kulumbaisha 110:4

Mwaami Lesa wakashomesha cakulumbila alimwi teshi akayeeyewo bumbi. Wakaamba ayi, “Ulaakunoolibo mupailishi lyoonse, bupailishi ubo buli mbuli bwakalinga kucite Melikisedeki.”

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Kulumbaisha 89:20

Ndabika Defedi musebenshi wangu pabwaami. Ndamunanika mafuta angu asalalite.

Kulonga 29:7

Ndyeshi ukabwese mafuta, ukamutilile pamutwi akumunanika.

Kulonga 40:15

Ukabananike bweenka mbweshi ukananike ishiwabo kwaamba ayi bakansebensele mulimo wa bupailishi. Kunanikwa uko kulaakulengesha ayi bakanoolibo bapailishi lyoonse.”

Isaya 5:1

Ntokwiimbila wooyo ngoonsuni lwiimbo lwaamba pamuunda wakwe wa minyansa. Usunikwi wangu wakalinga kucite muunda wa minyansa, palubasu lwa kalundu pakalinga mboleshi.

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

Jelemiya 49:19

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Edomu kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Bene Lefi 8:12

Lyalo wakabika Aloni pabupailishi kwiinda mukumutila mafuta akunanika amwi pamutwi.

Mika 4:13

Mwaami Lesa waamba ayi, “Nobene Siyoni, amunyamuke akutalika kunyonyoola balwani banu! Ndaakumulengesha kuba ankusu anga ngumucende ucite meeca anshimbi ashoondo sha bulonse. Mulaakupwayoola mishobo ya bantu iinji. Bubile boonse mbobakasaala munkondo, mulaakububenga mumaansaangu, ee, mumaansaangu nebo neMwaami Lesa wa cishi ca panshi coonse.”

Sekaliya 6:13

Lakwe ngowooyo weshi akeeyakulule akutambula bulemu ubo bweelete kupekwa mwaami alimwi ulaakulela bantu bakwe. Mupailishi ulaakunokwiimikana pafwaafwi acuuna cakwe ca bwaami. Bantu aba bobilo balaakunoosebensela pantu pomwi muluumuno alimwi akunyumfwana.

Sekaliya 6:5

Alakwe wakankumbula ayi, “Uyu njimyuuwo yone yaswa kunembo lya Mwaami Lesa wa cishi coonse ca panshi.”

Luka 1:19

Munjelo uyo wakakumbula ayi, “Nebo ndime Gabuliyelo wiimikana pameenso akwe Lesa. Lakwe ngowantuma ayi nse nkulwiite makani abotu aya.

Dutolonomi 10:8

Paciindi ico, Mwaami Lesa wakasala mukowa wakwe Lefi ayi banoolama Libokoshi lya Cipangano, akumusebensela mubupailishi alimwi akunoopa shoolwe muliina lyakwe. Uyu ucili ngomulimo wabo asunu.

Joshuwa 3:11

Amubone Libokoshi lya Cipangano lya Mwaami Lesa wa cishi ca panshi coonse litootaanguna kwinjila muMulonga wa Joodani.

Joshuwa 3:13

Na bapailishi beshikunyamuna Libokoshi lya Cipangano ca Mwaami Lesa wa cishi ca panshi coonse balyate muMulonga wa Joodani, maanshi atoocileka kukunka. Mpeeke atoosa bukunka atoolundanabo lubasu lomwi.”

Ciyubululo 11:4

Bakamboni bobilo aba, nsheshisamu shobilo sha olifi alimwi amalampi obilo shiimikana kunembo lya Mwaami wa mucishi ca panshi.

1 Samwelo 10:1

Lyalo Samwelo wakabwesa musaashi wa mafuta a olifi wapuumwita Saulo pamutwi, wamufyonta akwaamba ayi, “Mwaami Lesa wakusala ayi ube muleli wa bene Isilaeli. Ulaakulela bantu bakwe akubafuna kubalwani babo. Ono citondesho ici ncakwaamba ayi Mwaami Lesa wakusala kuba muleli wa bantu bakwe.

1 Samwelo 16:1

Mwaami Lesa wakaambila Samwelo ayi, “Utootola ciindi cilaamfu buyani kuungumana ceebo cakwe Saulo? Nebo ndamukaka kale kunoocili mwaami wa cishi ca Isilaeli. Susha lwiica lwako amafuta a maolifi unooya. Ntookutuma kuli Jese wa kuBetileemu. Ndasalaawo womwi pabana bakwe basankwa kuba mwaami.”