Sekaliya 14:5 - Baibo Busansulushi Bwa Libuku Ili

⁵ Lyalo mwebo mulaakuloboka akwiinda mucinyika ceenka ico ceebo cilaakuya mukushika akuAselo. Mulaakucica bweenka mbomwakacica ciindi cilya citentanshi ndicakacitika mubwaami bwakwe Usiya mwaami wa bene Juda. Kuswawaawo Mwaami Lesa ulaakwisa pantu pomwi abasalalite bakwe boonse.

Sekaliya 14:5 Marejeleo ya Msalaba

Kulumbaisha 96:13

paciindi Mwaami Lesa aakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Kulumbaisha 98:9

mukwiinga Mwaami Lesa ulaakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Isaya 29:6

Mwaami Lesa Shinkusu shoonse ulaakwisa mukukupulusha acilulumo, citentaanshi alimwi acoongo cinene. Ulaakwisa amfuula ya muuwo, cipuupu cinene alinyaku lya mulilo ukali.

Jowelo 3:11

Amufwambaane kwisa mwebo nobamumishobo ishingulukite. Kamwisa mubungane mucinyika ico.’ ” NoBaami baLesa, amutume likoto lyanu lya bashilumamba ayi babalwaane!

Amosi 1:1

Aya ngomaswi akaamba Amosi mweembeshi wakaswa kundabala ya Tekowa. Myaaka yobilo citentanshi kacitana kucitika, Usiya kaali mwaami wa bene Juda alakwe Jeloboamu mwanaakwe Jeoyashi kaali mwaami wa bene Isilaeli, pabene Isilaeli Lesa wakayubulula makani aya kuli Amosi.

Mika 1:11

Nobene Shafili, kamuya mubusha matakosha alimwi munsoni. Abo bekala mundabala inene ya Saanani bateeleshi kuswa mundabala iyo. Bene Beti Eselo batoolila. Teshi bakamufuneewo, napaceyi.

Sekaliya 4:7

Makatasho ali anga nkalundu kanene alaakushimingana kunembo lyako. Webo ulaakuyakulula Ŋanda yangu. Ono waakushimpika libwe lyakweelaako, bantu balaakoolobesha ayi, Lesa aipe coolwe! Lesa aipe coolwe!’ ”

Shakubelenga 16:34

Ono bene Isilaeli bakalinga kubashingulukite ndibakanyumfwa kulila kwabo, bakacica akunokoolobesha ayi, “Atucice, aswebo inshi inga yaakutuminina kumwi!”

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Mateyo 24:3

Jesu ndyaakalinga kushiite paKalundu ka Olifi, bashikwiiya bakwe bakaya kuli nguwe beenka akumwiipusha ayi, “Amutulwiite, ino shintu ishi shilaakucitika lili? Tulaakwishibila kunshi ayi ciindi cakwisa kwanu alimwi amamanino a cishi shashikila?”

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Luka 21:27

Lyalo balaakubona MwanaaMuntu keesa mulikumbi ankusu alimwi abulemu bukankamika.

Dutolonomi 33:2

Wakaamba ayi, “Mwaami Lesa wakaswa kuKalundu ka Sinayi. Wakaboneka anga ndisuba kuEdomu akumunikila bantu bakwe kuswa kuKalundu ka Palani. Wakesa abaanjelo bali shuulu likumi, kululyo lwakwe kwakalinga kunyaka mulilo.

1 Bene Tesalonika 3:13

Lesa Ishiwesu ayumyeyumye myoyo yanu kwaamba ayi mubule kampenda alimwi musalale pameenso akwe, pakwisa Mwaami wesu Jesu abasalalite bakwe boonse.

2 Bene Tesalonika 2:8

Lyalo Muntu Mubiibi ulya ulaakuyubululwa. Ono Mwaami wesu Jesu pakwisa, ulaakumucaya kwiinda mukumuyoyela akumunyonyoola kubulemu mbweshi akeshiteemo.

Jemusi 5:8

Mbweeke ubo amwebo amube beshimoyonteeka, muyume ceebo Mwaami wesu Jesu ulibo pafwaafwi kwisa.

Ciyubululo 11:13

Paciindi ncemunya ici, kwakaba citentanshi cinene abuumbi. Mpeeke cipansha calikumi ca ndabala inene cakanyonyooka alimwi abantu bali 7,000 bakafwa. Lyalo bantu boonse bakacaala bakaloonda abuumbi akutalika kulumbaisha Lesa wa kwiculu ceebo ca nkusu shakwe.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

Ciyubululo 20:4

Mpomunyaawo ndakabona shuuna sha bwaami, kucana abo bakalinga kushiiteewo bapekwa nkusu shakoombolosha. Ndakabona amyuuya ya baabo bakatimbulwa mitwi ceebo cakushimikila lushinisho Jesu ndwaakayubulula alimwi amaswi akwe Lesa. Balo tabakwe kulambilawo munyama, nabi cibumbwabumbwa cakwe. Peculu lya waawo tabakwe kutambulawo keshibilo kakwe pankumo nabi kumaansa. Bantu aba bakabuka akweendelesha anga mbamaami pantu pomwi aKlistu kwamyaaka ili cuulu.