Sekaliya 14:4 - Baibo Busansulushi Bwa Libuku Ili

⁴ Pabushiku bweenka ubo Mwaami Lesa ulaakwiimikana paKalundu ka Olifi ako kalangene andabala ya Jelusalemu kulubasu lwa kwicwe. Lyalo kalundu ako kalaakubanishikwamo tobilo kuswa kwicwe kuya kumbo akupanga cinyika cinene. Musa wa kalundu ako kalaakusena kulubasu lwa kumatwa alimwi musa umwi kumalenge.

Sekaliya 14:4 Marejeleo ya Msalaba

2 Samwelo 15:30

Defedi wakatolelela lweendo lwakwe akutanta Kalundu ka Olifi kaaya cilila buumpute. Paciindi ico wakalinga kulifwekete kumutwi alimwi kaali myeendobo. Abalo bamwi boonse bakalifweka kumitwi yabo akunooya cilila buumpute pakutanta kalundu ako.

Esekelo 11:23

Kuswawaawo mumuni utowa uyo wakanyamuka kuswa mundabala akuya mukwikalila peculu lya tulundu tuli kwicwe lwa njiyo.

Esekelo 38:20

Inswi shoonse, bayuni boonse, banyama ba muluundu, tulongolo toonse alimwi abantu boonse bekala mucishi ca panshi shilaakututuma kunembo lyangu. Tulundu tulaakuwa, shicengo sha myaandami shilaakupwayooka alimwi lubumbu lomwi alomwi lulaakuwa.

Esekelo 43:2

uko nkondakabona mumuni utowa uyo utondesha bulemu bwakwe Lesa wa bene Isilaeli koosa kuswa kwicwe. Liswi lyakwe lyakalingabo anga nkupoota kwa maanshi atookunka. Cishi ca panshi cakabeka kumumuni utowa uyo wakalinga kwisa.

Abakuku 3:6

Cishi coonse catenkaana ndyaakeemikana. Lyalo ndyaakalangilisha, mishobo ya bantu yakatutuma. Tulundu tukulukulu twakasekemuka. Atwalo tulundu tuniini tukulukulu twakawa ndyaakeenda munshila shakwe shikulukulu.

Sekaliya 14:10

Cishi coonse kuswa kuGeba kuya mukushika kuLimoni kumalenge lya ndabala ya Jelusalemu, cilaakuba ceelene anga ncishi ca Alaba. Sombi ndabala ya Jelusalemu ilaakutolwa peculu akwikalilila peenka apo. Ndabala ilaakutalikila kuMwinjililo wakwe Benjameni kuya mukushika kumusena wa Mwinjililo Utaanshi, nkokwaamba ayi kuMwinjililo wa paLikonko alimwi kuswa kuŋanda ilaamfu ya Ananelo kuya mukushika kushilindi shakutyaninamo minyansa sha kubwalo.

Sekaliya 14:7

Bulaakuba bushiku bubotu butacite munshinshe, bushiku ubo bushibikitwebo kuMwaami Lesa. Pabushiku ubo amacolesha kulaakunoolibo mumuni.

Sekaliya 14:8

Ncakwiila bushiku ubo bwaakwisa, maanshi atontola alaakukunka kuswa mundabala ya Jelusalemu. Musa wa maanshi ayo ulaakukunkila muLweenge lwa Mwiinyo, musa umwi muLweenge lwa Mediteleniyani. Alaakunookunkabo mwaaka oonse, cilimo amainsa.

Sekaliya 4:7

Makatasho ali anga nkalundu kanene alaakushimingana kunembo lyako. Webo ulaakuyakulula Ŋanda yangu. Ono waakushimpika libwe lyakweelaako, bantu balaakoolobesha ayi, Lesa aipe coolwe! Lesa aipe coolwe!’ ”

Maako 11:23

Ntoomulwiita calushinisho ayi na muntu waambila kalundu aka ayi, ‘Swaawo apo mpoobete, uye uliwaale mulweenge.’ Na waamba cakutatonsha mumoyo akushoma kwaamba ayi ico ncaamba citoocitika, ncakwiila cilaakucitika.