Sekaliya 14:21 - Baibo Busansulushi Bwa Libuku Ili

²¹ Mipika yoonse muJelusalemu amuJuda ilaakunoosalalite kuMwaami Lesa Shinkusu shoonse. Lyalo boonse beshi bakanoosa mukubenga milambu balaakunooisebensesha kutelekelaamo nyama ya mulambu. Ncakwiila pabushiku ubo teshi kukabewo shimakwebo muŊanda yakwe Mwaami Lesa Shinkusu shoonse.

Sekaliya 14:21 Marejeleo ya Msalaba

Neyemiya 8:10

Lyalo Neyemiya wakabaambila ayi, “Kamuya mukalye shakulya shibotu, akunwa shakunwa shamise. Mutumineko shimwi kuli babo batacite shibambitwe kale. Bushiku bwasunu mbushiku busalalite kuMwaami Lesa. Mutoongumani ceebo kusangalala uko kumupa Mwaami Lesa, nkokumupa nkusu.”

Isaya 35:8

Lyalo kulaakuba mukwakwa. Mukwakwa uyo ulaakutumbwa ayi, “Mukwakwa wa Basalalite.” Bamucita shibi teshi bakeendeemo umo, sobwe. Ulaakuba wa baabo beelete kweendaamo beenka. Nabibo mashilu a bantu teshi akeendeemo umo.

Isaya 4:3

Bantu boonse beshi bakacaale muSiyoni, ee, muJelusalemu, balaakunokwiitwa ayi balisalalite.

Isaya 52:1

Amubuke, Amubuke! Amubuke nobamundabala inene ya Siyoni! Amube ankusu mbuli kataanshi. Amufwale shakufwala shanu sha bulemu, nobamundabala ya Jelusalemu, ndabala inene isalalite. Balya bakunsengwe batapalwitwe teshi bakenjilewo tubili mundabala yanu.

Esekelo 44:9

“Ono nebo neMwaami Lesa Shinkusu shoonse ndaamba ayi, ‘Taaku muswamashi utapalwitwe, ee, taaku muntu uyo utanyumfwili ndime, weshi akenjile muŊanda yangu, nabibo keekala pakati ka bene Isilaeli weshi akasuminishikwewo kwinjila.’ ”

Esekelo 45:1

“Pakunookwabaanya cishi kupa mushobo womwi awomwi cipansha ca nguwo, cipansha cimwi cilyeelete kupekwa kuMwaami Lesa. Cipansha ico cilyeelete kuba makilomita ali 12.5 mubulaamfu alimwi amakilomita ali 10 mubufwaafwi. Cipansha ico coonse cilaakunoosalalite.

Osiya 12:7

Mwaami Lesa waamba ayi, “Bene Isilaeli tabashomeki bweenka mbuli bene Kenani. Balisunishi kunyengelela bamwi mukusebensesha shakupimisha shabubeshi.

Jowelo 3:17

Mwaami Lesa waamba ayi, “Ono nobene Isilaeli mulaakwishiba ayi ndimebo Mwaami Lesa, Lesa wanu. Ndekala paKalundu kasalalite ka Siyoni. Ndabala ya Jelusalemu ilaakuba ndabala isalalite. Baswamashi teshi bakeekomeewo, sobwe.

Sefaniya 1:11

Ono mwaakunyumfwabo boobo mwebo nomwikala kunkunamo ya ndabala mukaliile ceebo beshimakwebo boonse balaakuloba.

Sekaliya 14:20

Pabushiku ubo, pamilangu ya maaki palaakulembwa ayi, “Cisalalite kuMwaami Lesa.” Ayalo mipika yakutelekelaamo muŊanda ya Mwaami Lesa ilaakuba anga nimbale shifongomene shisalalite shili kunembo lya cipaililo.

Sekaliya 7:6

Ndibakalinga kulya akunwa bakalinga kucitabo cakulisangalasha beene.”

1 Bene Kolinto 10:31

Ono aboobo kulilabo ncemutoocita, kulya nabi kunwa, amushiciite shoonse mukupa bulemu kuli Lesa.

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.

Dutolonomi 12:7

Lyalo mwebo abamumaandaanu, mulaakunoolya akusangalala mushintu shibotu isho nsheshi mukanoosebensela pameenso a Mwaami Lesa, Lesa wanu mukwiinga wamupa coolwe.

1 Timoti 3:15

na ndaceelwa kwisa, makani aya eenka akakuboneshe bantu mbobeelete kwikala muŊanda yakwe Lesa, iyo ili ncecoonde cakwe Lesa muumi. Coonde ndyelicinko lya lushinisho alwiimbi lwa ndulo.

Bene Ebulu 3:6

Sombi Klistu mukuba Mwanaakwe Lesa, ulashomeka mukweendelesha bantu bakwe Lesa boonse. Nkokwaamba ayi swebo tuli bantu bakwe Lesa na twatolelela kutaloonda alimwi akulisumpwita mushintu ishi nshetutoolangila.

1 Pita 4:17

Mukwiinga ciindi cashikila cakwaamba ayi Lesa atalike koombolosha bantu bakwe. Ono na Lesa ulaakutaanguna koombolosha ndiswe, ino cilaakuba buyani kubaabo batashomi Makani Abotu akwe Lesa?

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.