Sekaliya 14:20 - Baibo Busansulushi Bwa Libuku Ili

²⁰ Pabushiku ubo, pamilangu ya maaki palaakulembwa ayi, “Cisalalite kuMwaami Lesa.” Ayalo mipika yakutelekelaamo muŊanda ya Mwaami Lesa ilaakuba anga nimbale shifongomene shisalalite shili kunembo lya cipaililo.

Sekaliya 14:20 Marejeleo ya Msalaba

1 Baami 7:50

nkomeshi, shakushimisha malampi, mbale shifongomene, mbale shinene shakubikaamo tununkila kabotu ashikaye shakubikaamo mulilo wa makalangasha alimwi ashakucatisha shisasa sha Musena Usalalite Wiindaawo alimwi ashisasa sha kuŊanda yakwe Lesa shapansengwe. Shakubotesha shoonse ishi shakapangishikwa golodi.

2 Makani 4:8

Wakapanga matebulu ali likumi akwaabika muŊanda yakwe Lesa, osanwe kulubasu lwakumalenge, amwi osanwe kulubasu lwakumatwa. Wakapanga ambale shifongomene sha golodi shili mwaanda shakusebensesha pakusanseela.

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Kulonga 25:29

Kuswawaawo ukapange mbale, nkomeshi, nongo alimwi mbale shifongomene ayi shoonse shikanoosebenseshekwa pakupa shipo kuli Lesa. Shoonse ishi shilyeelete kuba sha golodi wiine wiine.

Kulonga 37:16

Kuswawaawo wakapanga mbale, nkomeshi, nongo alimwi mbale shifongomene ayi shoonse shikanoosebenseshekwa pakupa shipo kuli Lesa. Shoonse ishi shakaba sha golodi wiine wiine.

Kulonga 39:30

Bakapanga akeela kapampamene ka golodi wiine wiine ayi kabe keshibilo kasalalite ka kulibenga, akulembaawo ayi “Wakabengwa ku Mwaami Lesa.”

Isaya 23:18

Maali ngweshi bakanoocana balaakwaabika mumaansa a Mwaami Lesa. Ncakwiila teshi bakanoosunga beene, sombi abo beshi bakanoosebensela Mwaami Lesa mbweshi bakanokwaasebensesha kukuula shakulya ashakufwala shabo.

Isaya 52:1

Amubuke, Amubuke! Amubuke nobamundabala inene ya Siyoni! Amube ankusu mbuli kataanshi. Amufwale shakufwala shanu sha bulemu, nobamundabala ya Jelusalemu, ndabala inene isalalite. Balya bakunsengwe batapalwitwe teshi bakenjilewo tubili mundabala yanu.

Jelemiya 31:40

Kuswawaawo cinyika coonse uko kufukilwa bantu alimwi kusowelwa matombe amyuunda yoonse ili petala lya Kalonga ka Kidiloni kuya mukushika akuMwinjililo wa Liaki nkoubetele kwicwe, ulaakuba musena wangu usalalite. Ndabala inene iyi teshi ikapwayoolwewo tubili nabi kunyonyoolwa.”

Esekelo 45:1

“Pakunookwabaanya cishi kupa mushobo womwi awomwi cipansha ca nguwo, cipansha cimwi cilyeelete kupekwa kuMwaami Lesa. Cipansha ico cilyeelete kuba makilomita ali 12.5 mubulaamfu alimwi amakilomita ali 10 mubufwaafwi. Cipansha ico coonse cilaakunoosalalite.

Bene Lefi 6:28

Nongo yoonse mweenga mwatelekelwa nyama, ilyeelete kupwaikwa, na ngumupika wa bulonse wasebenseshekwa, ulyeelete kukutulwa akusukulushikwa mumaanshi.

Bene Lefi 8:9

Wakamufwalika cisani cakumutwi, kunembo wakabikako keela ka golodi ako kakalinga keshibilo kasalalite kakubengwa, kweelana aMwaami Lesa mbwaakaambila Mose.

Obadiya 1:17

Mwaami Lesa waamba ayi, “Sombi pakalundu ka Siyoni, bamwi balaakupulushikwa. Kalaakuba musena usalalite. Bamulunyungu lwakwe Jakobo balaakuboola mucishi ico cakabalasha Lesa.

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Sekaliya 14:19

Uyu ulaakuba ngomulandu weshi ukapekwe bene Ijipiti alimwi bamumishobo yoonse abo beshi bakakake kucanika kuKusekelela kwa Shimpaka.

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

Sekaliya 9:15

Mwaami Lesa Shinkusu shoonse ulaakubatabilila bantu bakwe. Ncakwiila abalo balaakunyonyoola balwani babo. Munkondo balaakunokoolobeshabo anga bakolwa. Balaakutila bulowa bwa balwani babo cakwaamba ayi bulaakukunkabo anga mbwa mulambu bulya butilwa pacipaililo kuswa mumbale ifongomene.

Malaki 1:11

Sombi liina lyangu lilaakulemekwa pakati ka mishobo yoonse ya mu cishi ca panshi, kuswa kweela akweela. Kuli koonse balaakunoobenga tununkila kabotu alimwi amilambu yeelete kuli ndime. Nkokwaamba ayi boonse balaakunoondemeka!

Shakubelenga 4:14

Ndyeshi bakabikewo shintu shoonse shisebenseshekwa mumilimo ya pacipaililo, shikaye shakubikaawo mulilo, shakusubushako nyama, mafosholo alimwi ambale shifongomene. Kuboolaawo ndyeshi bakafwekewo cipaya citeshimite akwinjishamo shisamu shakunyamushaako.

Shakubelenga 4:7

“Patebulu ya shimaande shipekwa kuMwaami Lesa, balaakuyalawo cisani ca mushobo waliculu akubikawo mbale, mbale shifongomene sha tununkila kabotu, mbale shifongomene sha shipo alimwi amingomo ya shipo sha cakunwa. Patebulu apo palyeelete kunoocanika shimaande lyoonse.

Luka 11:41

Amupe bapengete isho shintu shili munkomeshi ambale, lyalo shoonse shintu shilaakumusalalila.

Milimo ya Batumwi 10:15

Liswi lilya lyakanyumfwika alimwi ayi, “Utanokwaamba ayi taceelete kulikwa cintu coonse Lesa ncaamba ayi cilalikwa.”

Milimo ya Batumwi 10:28

Lyalo Pita wakabaambila ayi, “Mwebo mulishi kwaamba ayi mulawo wa baJuda toosuminishi muJuda kufwakashisha nabi kubandikila pantu pomwi abaswamashi bakunsengwe. Sombi Lesa wanshibisha ayi nsheelete kubanda muntu nabi womwi ayi taasalalite nabi ayi taabete kabotu.

Milimo ya Batumwi 11:9

Liswi lyakanyumfwika alimwi kuswa kwiculu ayi, ‘Utanokwaamba ayi taceelete kulikwa cintu coonse Lesa ncaamba ayi cilalikwa.’

Milimo ya Batumwi 15:9

Taakwe kuboneshaawo bupusano pakati pali ndiswe ambabo mukwiinga wakasalasha myoyo yabo abalo ceebo bakashoma.

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

1 Pita 2:5

Amwebo mube anga ngamabwe oomi ayo Lesa ngweshi ayakishe ŋanda yakwe ya mushimu. Muŋanda iyo mweshi mukasebensele mbuli bapailishi basalalite mukubenga milambu ya mushimu itambulwa kuli Lesa kwiinda muli Jesu Klistu.

1 Pita 2:9

Sombi mwebo muli bantu basalitwe, bapailishi ba bwaami, mushobo usalalite alimwi bantu bakwe Lesa. Wakamusala kwaamba ayi mukashimikile shamicito yankusu ya wooyo wakamwiita kuswa kumunshinshe akumwinjisha mumumuni wakwe ukankamika.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.

Ciyubululo 1:6

Lakwe wakatulengesha kuba bamaami ayi tusebensele Lesa Ishi anga mbapailishi. Jesu Klistu apekwe bulemu alimwi ankusu lyoonse alyoonse. Ameni.

Ciyubululo 20:6

Balicite coolwe alimwi balisalalite abo beshi bakataangune kubushikwa kuswa kubafu. Kuli mbabo, lufu lwabili talucite nkusu, sombi balaakuba bapailishi bakwe Lesa alimwi aKlistu. Lyalo balaakweendelesha pantu pomwi anguwe kwamyaaka ili cuulu.

Ciyubululo 5:10

Wakalengesha kwaamba ayi babe bamaami, kwaamba ayi basebensele Lesa wesu anga mbapailishi, aboobo balaakweendelesha mucishi ca panshi.”

1 Samwelo 2:14

wakalinga kuyasa foloko mumupika akupa mupailishi cipumputa cili coonse ceenga cacatilila kufoloko. Bene Isilaeli boonse bakalinga kwisa kuShilo, bana bakwe Eli bakalinga kubacita mbomunya ubo.